ಪಿ.ವಿ ಸಿಂಧುಗೆ 20 ಲಕ್ಷ ರುಪಾಯಿ ಬಹುಮಾನ
ಬರ್ಮಿಂಗ್ಹ್ಯಾಮ್ ಕಾಮನ್ವೆಲ್ತ್ ಗೇಮ್ಸ್ನಲ್ಲಿ ಬೆಳ್ಳಿ ಪದಕ ಗೆದ್ದ 10 ಸದಸ್ಯರ ಮಿಶ್ರ ತಂಡಕ್ಕೆ ತಲಾ 3 ಲಕ್ಷ ರುಪಾಯಿಯಂತೆ ಒಟ್ಟು 30 ಲಕ್ಷ ರುಪಾಯಿ ನಗದು ಪ್ರಶಸ್ತಿ ನೀಡಲಾಗುವುದು, ಸಹಾಯಕ ಸಿಬ್ಬಂದಿಯ ಎಂಟು ಸದಸ್ಯರಿಗೆ ತಲಾ 1.5 ಲಕ್ಷ ರುಪಾಯಿ ನಗದು ಬಹುಮಾನ ನೀಡಲಾಗುವುದು ಎಂದು ತಿಳಿಸಿದ್ದಾರೆ.
ಕಾಮನ್ವೆಲ್ತ್ ಗೇಮ್ಸ್ ಪುರುಷರ ಮತ್ತು ಮಹಿಳೆಯರ ಸಿಂಗಲ್ಸ್ ಚಾಂಪಿಯನ್ಗಳಾದ ಲಕ್ಷ್ಯ ಸೇನ್ ಮತ್ತು ಪಿವಿ ಸಿಂಧು ತಲಾ 20 ಲಕ್ಷ ರುಪಾಯಿ ನಗದು ಬಹುಮಾನ ಪಡೆಯಲಿದ್ದಾರೆ. 2021 ರಲ್ಲಿ ಪುರುಷರ ಸಿಂಗಲ್ಸ್ ಕಂಚಿನ ಪದಕಕ್ಕಾಗಿ ಲಕ್ಷ್ಯ ಸೇನ್ 5 ಲಕ್ಷ ರುಪಾಯಿ ಪಡೆಯಲಿದ್ದಾರೆ. ಪುರುಷರ ಡಬಲ್ಸ್ ಜೋಡಿ ಚಿರಾಗ್ ಶೆಟ್ಟಿ ಮತ್ತು ಸಾತ್ವಿಕ್ಸಾಯಿರಾಜ್ ರಂಕಿರೆಡ್ಡಿ ಬರ್ಮಿಂಗ್ಹ್ಯಾಮ್ನಲ್ಲಿ ಐತಿಹಾಸಿಕ ಚಿನ್ನ ಗೆದ್ದುಕೊಂಡಿದ್ದಕ್ಕಾಗಿ 25 ಲಕ್ಷ ರುಪಾಯಿ ನಗದು ಬಹುಮಾನ ಪಡೆಯಲಿದ್ದಾರೆ.
ಜಪಾನ್ ಓಪನ್ 2022: ಕ್ವಾರ್ಟರ್ ಫೈನಲ್ ತಲುಪಿದ HS ಪ್ರಣೋಯ್, ಕಿಡಂಬಿ ಶ್ರೀಕಾಂತ್ ಔಟ್
ಕಂಚಿನ ಪದಕ ಪಡೆದವರಿಗೂ ನಗದು ಬಹುಮಾನ
ಚಿನ್ನದ ಪದಕ ವಿಜೇತರಲ್ಲದೆ, ಬರ್ಮಿಂಗ್ಹ್ಯಾಮ್ನಲ್ಲಿ ತಮ್ಮ ಚೊಚ್ಚಲ ಕಂಚಿನ ಪದಕ ಗೆದ್ದ ಯುವ ಮಹಿಳಾ ಡಬಲ್ಸ್ ಜೋಡಿ ಗಾಯತ್ರಿ ಗೋಪಿಚಂದ್ ಮತ್ತು ಟ್ರೀಸಾ ಜಾಲಿ ಅವರಿಗೆ 7.5 ಲಕ್ಷ ರುಪಾಯಿ ನಗದು ಬಹುಮಾನ ಘೋಷಿಸಲಾಗಿದೆ.
ಬರ್ಮಿಂಗ್ಹ್ಯಾಮ್ನಲ್ಲಿ ಪುರುಷರ ಸಿಂಗಲ್ಸ್ ವಿಭಾಗದದಲ್ಲಿ ಕಂಚು ಗೆದ್ದ ಕಿಡಂಬಿ ಶ್ರೀಕಾಂತ್ಗೆ 5 ಲಕ್ಷ ರುಪಾಯಿ ನಗದು ಬಹುಮಾನ ಘೋಷಿಸಲಾಗಿದೆ. ಜೊತೆಗೆ, ಸ್ಪೇನ್ನ ಹುಯೆಲ್ವಾದಲ್ಲಿ 2021ರ ಬ್ಯಾಡ್ಮಿಂಟನ್ ವಿಶ್ವ ಚಾಂಪಿಯನ್ಶಿಪ್ನಲ್ಲಿ ಬೆಳ್ಳಿ ಪದಕ ಗೆದ್ದಿದ್ದಕ್ಕಾಗಿ 10 ಲಕ್ಷ ರುಪಾಯಿ ಪಡೆಯಲಿದ್ದಾರೆ.
ಆಟಗಾರರಿಗೆ ಉತ್ತೇಜನ ಸಿಗಲಿದೆ
ವಿಶ್ವ ಮಟ್ಟದಲ್ಲಿ ಭಾರತೀಯ ಆಟಗಾರರು ಪ್ರದರ್ಶನ ನೀಡುತ್ತಿರುವ ರೀತಿಯಿಂದಾಗಿ ಬಹುಮಾನದ ಮೊತ್ತ ನಿರಂತರವಾಗಿ ಹೆಚ್ಚುತ್ತಿದೆ ಮತ್ತು ಬಹುಮಾನದ ಹಣವು ಉತ್ತಮ ಕೆಲಸವನ್ನು ಮುಂದುವರಿಸಲು ಪ್ರತಿಯೊಬ್ಬರನ್ನು ಪ್ರೇರೇಪಿಸುತ್ತದೆ ಎಂಬ ವಿಶ್ವಾಸವಿದೆ ಎಂದು ಬಿಎಐ ಕಾರ್ಯದರ್ಶಿ ಸಂಜಯ್ ಮಿಶ್ರಾ ಹೇಳಿದ್ದಾರೆ.
"ಆಟಗಾರರನ್ನು ತಮ್ಮ ಸೂಪರ್ ಸರಣಿ ಪ್ರದರ್ಶನಗಳಿಗಾಗಿ ಪ್ರೋತ್ಸಾಹಿಸುವುದನ್ನು ಮುಂದುವರಿಸಲು ಬ್ಯಾಡ್ಮಿಂಟನ್ ಅಸೋಸಿಯೇಷನ್ ಆಫ್ ಇಂಡಿಯಾ ಯೋಜಿಸಿದೆ" ಎಂದು ಅದು ಹೇಳಿದೆ.