ನವದೆಹಲಿ, ಜನವರಿ 29: ಒಲಿಂಪಿಕ್ಸ್ನಲ್ಲಿ ಕಂಚಿನ ಪದಕ ಗೆದ್ದಿದ್ದ ಬ್ಯಾಡ್ಮಿಂಟನ್ ತಾರೆ ಸೈನಾ ನೆಹ್ವಾಲ್ ಭಾರತೀಯ ಜನತಾ ಪಾರ್ಟಿ (ಬಿಜೆಪಿ) ಸೇರಿದ್ದಾರೆ. ಬುಧವಾರ (ಜನವರಿ 29) ತಾನು ರಾಜಕೀಯ ಪಕ್ಷ ಸೇರುತ್ತಿರುವುದನ್ನು ನೆಹ್ವಾಲ್ ಖಾತರಿಪಡಿಸಿದ್ದಾರೆ.
ಬ್ಯಾಟಿಂಗ್ನಲ್ಲಿ ಕೊಹ್ಲಿ, ರಾಹುಲ್ ಕಾಪಿ ಮಾಡಿದ್ದು ಚಾಹಲ್ ಶೈಲಿಯನ್ನಂತೆ !
ಬಿಜೆಪಿ ಸೇರುತ್ತಿರುವ ಬಗ್ಗೆ ಮಾತನಾಡಿರುವ ಸೈನಾ ನೆಹ್ವಾಲ್, 'ಪ್ರಧಾನಿ ನರೇಂದ್ರ ಮೋದಿಯವರು ದೇಶಕ್ಕಾಗಿ ಶ್ರಮ ವಹಿಸಿ ದುಡಿಯುತ್ತಿರುವುದು ನನ್ನನ್ನು ಸ್ಫೂರ್ತಿಗೊಳಿಸಿದೆ' ಎಂದು ಹೇಳಿದ್ದಾರೆ. ದೆಹಲಿಯ ಬಿಜೆಪಿ ಕೇಂದ್ರ ಕಚೇರಿಯಲ್ಲಿ ನಡೆದ ಸಮಾರಂಭದಲ್ಲಿ ನೆಹ್ವಾಲ್ ಪಕ್ಷಕ್ಕೆ ಅಧಿಕೃತವಾಗಿ ಸೇರ್ಪಡೆಗೊಂಡಿದ್ದಾರೆ.
ಆರಂಭಿಕನಾಗಿ 10000 ರನ್ : ದಿಗ್ಗಜರ ಸಾಲಿಗೆ ಸೇರಿದ ರೋಹಿತ್ ಶರ್ಮಾ
29ರ ಹರೆಯದ ನೆಹ್ವಾಲ್ 2012ರ ಲಂಡನ್ ಒಲಿಂಪಿಕ್ಸ್ನ ಮಹಿಳಾ ಸಿಂಗಲ್ಸ್ ಬ್ಯಾಡ್ಮಿಂಟನ್ನಲ್ಲಿ ಭಾರತಕ್ಕೆ ಕಂಚಿನ ಪದಕ ಜಯಿಸಿದ್ದರು. ಮಾಜಿ ವಿಶ್ವ ನಂ.1 ಆಟಗಾರ್ತಿಯೂ ಆಗಿರುವ ಸೈನಾ, ಇಲ್ಲೀವರೆಗೆ ಒಟ್ಟು ಸುಮಾರು 24 ಅಂತಾರಾಷ್ಟ್ರೀಯ ಪದಕಗಳನ್ನು ಜಯಿಸಿದ್ದಾರೆ.
I welcome ace shuttler @nsaina in BJP pic.twitter.com/fQNUdsNzup
— Jagat Prakash Nadda (@JPNadda) January 29, 2020
ಸೈನಾ ಅವರ ಸಹೋದರಿ ಚಂದ್ರಾಂಶು ನೆಹ್ವಾಲ್ ಕೂಡ ಕೇಸರಿ ಪಡೆ ಸೇರಿದ್ದಾರೆ. ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಅರುಣ್ ಸಿಂಗ್, 'ದೇಶಕ್ಕಾಗಿ ಹಲವಾರು ಪದಕಗಳನ್ನು ಗೆದ್ದಿರುವ ಸೈನಾ ಈ ಮೂಲಕ ನಮಗೆ ಖುಷಿ ತಂದಿದ್ದಾರೆ,' ಎಂದು ಸುದ್ದಿಗಾರರೊಂದಿಗೆ ಪ್ರತಿಕ್ರಿಯಿಸಿದ್ದಾರೆ.