ಅಹ್ಮದಾಬಾದ್, ಜನವರಿ 7: ಗುಜರಾತ್ನ ಅಹ್ಮದಾಬಾದ್ನಲ್ಲಿ ನಡೆದ ಪ್ರೀಮಿಯರ್ ಬ್ಯಾಡ್ಮಿಂಟನ್ ಲೀಗ್ ಭಾನುವಾರದ (ಜನವರಿ 7) ಪಂದ್ಯದಲ್ಲಿ ಡೆಲ್ಲಿ ಡ್ಯಾಶರ್ಸ್ ವಿರುದ್ಧ 5-0 ಜಯ ಸಾಧಿಸುವ ಮೂಲಕ ಪುಣೆ 7 ಏಸಸ್ ತಂಡ ಟೂರ್ನಿಯಲ್ಲಿ ಸೆಮಿಫೈನಲ್ ಕನಸನ್ನು ಉಳಿಸಿಕೊಂಡಿದೆ. ಕೆರೊಲಿನಾ ಮರಿನ್ ಮತ್ತು ಅಕ್ಷಯ್ ಬಲ ತುಂಬಿದ್ದರಿಂದ ಪುಣೆ ಮುನ್ನಡೆ ಸಾಧ್ಯವಾಗಿದೆ.
ಪ್ರೀಮಿಯರ್ ಬ್ಯಾಡ್ಮಿಂಟನ್ ಲೀಗ್ 2018-19 ವಿಶೇಷ ಮುಖಪುಟ
ಮಹಿಳಾ ಸಿಂಗಲ್ಸ್ನಲ್ಲಿ ಪುಣೆ ತಂಡದ ಸ್ಟಾರ್ ಆಟಗಾರ್ತಿ, ನಾಯಕಿಯಾಗಿರುವ ಒಲಿಂಪಿಕ್ ಚಿನ್ನದ ಪದಕ ವಿಜೇತೆ, ಸ್ಪೇನ್ ಬಲಾಡ್ಯೆ ಮರಿನ್ ಗೆ ಪೈಪೋಟಿ ನೀಡಲು ವಿಶ್ವ 32ನೇ ಶ್ರೇಯಾಂಕಿತೆ ರಷ್ಯಾದ ಎವೆಜಿನಿಯ ಕೊಸೆಟ್ಸ್ಕಾಯ ವಿಫಲರಾದರು. ಕೆರೊಲಿನಾ 15-5, 15-6 ರ ಗೆಲುವು ದಾಖಲಿಸಿದರು.
Utter domination on the court by @CarolinaMarin and @7acespune made sure they came out victorious against a struggling Delhi Dashers side in tonight's first #VodafonePBL4 encounter. pic.twitter.com/ouFrCXJtbf
— Star Sports (@StarSportsIndia) January 6, 2019
ಪುರುಷರ ವಿಭಾಗದ ಪಂದ್ಯದಲ್ಲಿ ಏಷ್ಯನ್ ಜೂನಿಯರ್ ಚಾಂಪಿಯನ್ ಲಕ್ಷಯ್ ಸೆನ್ ಅವರು ತನ್ನ ಕಿರಿಯ ಸಹೋದರ ಚಿರಾಗ್ ಅವರೆದುರು 15-12, 15-11ರ ಗೆಲುವು ದಾಖಲಿಸಿದರು. ಪಾಯಿಂಟ್ ಟೇಬಲ್ನಲ್ಲಿ ಪುಣೆ ಈಗ 3ನೇ ಸ್ಥಾನದಲ್ಲಿದೆ. ಆಡಿರುವ 6 ಪಂದ್ಯಗಳಲ್ಲಿ ಪುಣೆ 5 ಗೆಲುವು ಕಂಡಿದೆ. ಮೊದಲ ಸ್ಥಾನದಲ್ಲಿ ಸಿಂಧು ಮುಂದಾಳತ್ವದ ಹೈದರಾಬಾದ್ ಹಂಟರ್ಸ್ ಇದೆ.