ಬೆಂಗಳೂರು, ಜು. 1 : ಖ್ಯಾತ ಬ್ಯಾಂಡ್ಮಿಂಟನ್ ತಾರೆ ಪ್ರಕಾಶ್ ಪಡುಕೋಣೆ ಅವರ ಸಂಸ್ಥೆ ಪ್ರಕಾಶ್ ಪಡುಕೋಣೆ ಸ್ಪೋರ್ಟ್ಸ್ ಮ್ಯಾನೇಜ್ಮೆಂಟ್ (ಪಿಪಿಎಸ್ಎಂ) ಜುಲೈ 26, 27 ಮತ್ತು ಆಗಸ್ಟ್ 3, 4ರಂದು ಕಾರ್ಪೊರೇಟ್ ಬ್ಯಾಂಡ್ಮಿಂಟನ್ ಚಾಂಪಿಯನ್ಶಿಪ್ ಸ್ಪರ್ಧಾವಳಿ ಆಯೋಜಿಸಿದೆ.
ಮಿಲ್ಲರ್ಸ್ ರಸ್ತೆಯಲ್ಲಿರುವ ಕರ್ನಾಟಕ ಬ್ಯಾಡ್ಮಿಂಟನ್ ಅಸೋಸಿಯೇಷನ್ ನಲ್ಲಿ ಈ ಪಂದ್ಯಾವಳಿಗಳು ವಾರಾಂತ್ಯದಲ್ಲಿ ನಡೆಯಲಿವೆ ಎಂದು ಪಿಪಿಎಸ್ಎಂ ಪ್ರಕಟಿಸಿದೆ. ಈ ಪಂದ್ಯಾವಳಿಯಲ್ಲಿ ವೈಯಕ್ತಿಕವಾಗಿ ಅಥವಾ ತಂಡವಾಗಿ ಭಾಗವಹಿಸಬಹುದು. ಆಸಕ್ತರು ಜುಲೈ 21ರೊಳಗಾಗಿ ನೋಂದಾಯಿಸಿಕೊಳ್ಳಬೇಕು.
"ನಾವು ರಾಷ್ಟ್ರೀಯ, ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಯಶಸ್ವಿ ಟೂರ್ನಾಮೆಂಟನ್ನು ಆಯೋಜಿಸಿದ್ದೇವೆ. ಈ ಪಂದ್ಯಾವಳಿಯ ಮುಖಾಂತರ ಕಾರ್ಪೊರೇಟ್ ಮಟ್ಟದಲ್ಲಿಯೂ ಯಶಸ್ವಿಯಾಗಲಿದ್ದೇವೆ ಎಂಬ ವಿಶ್ವಾಸವಿದೆ. ಬ್ಯಾಂಡ್ಮಿಂಟನ್ ಮುಖಾಂತರ ಆರೋಗ್ಯ ಮತ್ತು ದೈಹಿಕ ಸ್ವಾಸ್ಥ್ಯ ಕಾಪಾಡುವ ಈ ಅಭಿಯಾನದಲ್ಲಿ ಪಾಲ್ಗೊಳ್ಳಬೇಕೆಂದು ಆಹ್ವಾನಿಸುತ್ತಿದ್ದೇವೆ" ಎಂದು ಆಯೋಜಕರು ತಮ್ಮ ವೆಬ್ ಸೈಟಿನಲ್ಲಿ ಕೋರಿದ್ದಾರೆ.
ಜೊತೆಗೆ ಮೊದಲ ರೌಂಡಿನಲ್ಲಿಯೇ ಸೋತ ಪುರುಷರ ಸಿಂಗಲ್ಸ್, ಡಬಲ್ಸ್ ಮತ್ತು ಮಹಿಳೆಯರ ಡಬಲ್ಸ್ ಆಟವನ್ನು ಆಡಿಸಲಾಗುವುದು. ನೋಂದಾವಣಿಗಾಗಿ 9008501007 ಸಂಖ್ಯೆಗೆ ಕರೆ ಮಾಡಿರಿ ಅಥವಾ [email protected] ವಿಳಾಸಕ್ಕೆ ಈಮೇಲ್ ಮಾಡಿರಿ. ಇಲ್ಲಿ ಕ್ಲಿಕ್ಕಿಸಿ ಕೂಡ ನೋಂದಾವಣಿ ಮಾಡಿಕೊಳ್ಳಬಹುದು.