ಇಂಡೋನೇಷ್ಯಾ ಓಪನ್: ಲಿನ್ ಡಾನ್ ಗೆ ದಂಗುಬಡಿಸಿದ ಪ್ರಣಯ್

ಜಕಾರ್ತಾ, ಜು. 3: ಇಂಡೋನೇಷ್ಯಾದ ಜಕಾರ್ತಾದಲ್ಲಿ ಮಂಗಳವಾರದ ನಡೆದ 'ಇಂಡೋನೇಷ್ಯಾ ಓಪನ್' ಬ್ಯಾಡ್ಮಿಂಟನ್ ಪುರುಷರ ಸಿಂಗಲ್ಸ್ ಮೊದಲ ಸುತ್ತಿನ ಪಂದ್ಯದಲ್ಲಿ ಚೀನಾದ ಅನುಭವಿ ಆಟಗಾರ ಲಿನ್ ಡಾನ್ ಅವರನ್ನು ಹಿಮ್ಮೆಟ್ಟಿಸುವ ಮೂಲಕ ಭಾರತದ ಎಚ್ಎಸ್ ಪ್ರಣಯ್ ದಂಗುಬಡಿಸಿದರು.

ಟಿ20ಯಲ್ಲಿ ಅಧಿಕ ರನ್: ತಮ್ಮ ದಾಖಲೆ ತಾವೇ ಮುರಿದ ಆರೋನ್ ಫಿಂಚ್!

ವಿಶ್ವದ 13ನೇ ಶ್ರೇಯಾಂಕಿತ ಆಟಗಾರರಾಗಿರುವ ಪ್ರಣಯ್ 8ನೇ ಶ್ರೇಯಾಂಕಿತ ಆಟಗಾರ ಲಿನ್ ಡಾನ್ ಅವರನ್ನು ಮೊದಲ ಸೆಟ್ ನಲ್ಲಿ 21-15ರಿಂದ ಸೋಲಿಸಿದರು. ದ್ವಿತೀಯ ಸೆಟ್ ನಲ್ಲಿ ತಿರುಗಿಬಿದ್ದ ಚೈನೀಸ್ ಆಟಗಾರ 21-9ರಿಂದ ಗೇಮ್ ತನ್ನದಾಗಿಸಿಕೊಂಡರು. ಆದರೆ ಅಂತಿಮ ಸೆಟ್ ನಲ್ಲಿ ಉತ್ತಮ ಆಟವಾಡಿದ ಪ್ರಣಯ್ 21-14ರಿಂದ ಪಂದ್ಯ ಗೆದ್ದುಕೊಂಡರು. 2015ರ ಫ್ರೆಂಚ್ ಓಪನ್ ನಲ್ಲೂ ಪ್ರಣಯ್ ಅವರು ಲಿನ್ ಡಾನ್ ಗೆ ಸೋಲಿಣಿಸಿದ್ದರು.

H S Prannoy stuns Lin Dan at #IndonesiaOpenSuper1000 https://t.co/S40tD5SzZ0

— India TV (@indiatvnews) July 3, 2018

ಪುರುಷರ ಸಿಂಗಲ್ಸ್ ಮತ್ತೊಂದು ಪಂದ್ಯದಲ್ಲಿ ಇನ್ನೊಬ್ಬ ಭಾರತೀಯ ಆಟಗಾರ ಸಮೀರ್ ವರ್ಮಾ ಅವರು ಡೆನ್ಮಾರ್ಕ್ ನ ರಾಸ್ಮಸ್ ಜೆಮೆಕೆ ಅವರ ಎದುರು ಸೋತು ಪಂದ್ಯದಿಂದ ಹೊರಬಿದ್ದಿದ್ದಾರೆ. ಸಮೀರ್ ಅವರನ್ನು ಜೆಮೆಕೆ 21-9, 12-21, 22-20 ಅಂತರದಿಂದ ಮಣಿಸಿದರು. ಇಬ್ಬರ ಮಧ್ಯೆ ಸುಮಾರು 1 ಗಂಟೆಗಳ ಕಾಲ ಕಾದಾಟ ನಡೆಯಿತು.

HS Prannoy stuns Lin Dan at IndonesiaOpen https://t.co/c65I7G6GIt pic.twitter.com/sIyDHIIZbs

— #IPL2018 #2018IPL (@2018_ipl_live) July 3, 2018

ವನಿತಾ ಡಬಲ್ಸ್ ನಲ್ಲಿ ಭಾರತದ ಜಕ್ಕಂಪುಡಿ ಮೇಘನಾ ಮತ್ತು ಪೂರ್ವಿಶಾ ಎಸ್ ರಾಮ್ ಜೋಡಿ, ಇಂಡೋನೇಷ್ಯಾದ ಅಗಾಥಾ ಇಮ್ಯಾನ್ಯುಲಾ ಮತ್ತು ಸಿಟಿ ಫಡಿಯಾ ಸಿಲ್ವಾ ರಾಮಧಂತಿ ವಿರುದ್ಧ 11-21, 18-21ರ ಸೋಲಿನೊಂದಿಗೆ ಪಂದ್ಯದಿಂದ ಹೊರ ನಡೆದಿದೆ.