ನವದೆಹಲಿ, ಜುಲೈ 26: ಕಳೆದ ವರ್ಷ ವರ್ಲ್ಡ್ ಚಾಂಪಿಯನ್ ಶಿಪ್ ನಲ್ಲಿ ಸ್ವಲ್ಪದರಲ್ಲಿ ಚಿನ್ನದ ಪದಕ ಕಳೆದುಕೊಂಡಿದ್ದ ಭಾರತದ ಸ್ಟಾರ್ ಆಟಗಾರ್ತಿ ಪಿವಿ ಸಿಂಧು, ಈ ಬಾರಿ ಪದಕ ಗೆಲ್ಲುವ ವಿಶ್ವಾಸದಲ್ಲಿದ್ದಾರೆ. ಈ ಟೂರ್ನಿಯಲ್ಲಿ ವಿಶ್ವ ನಂ. 1 ತೈವಾನಿ ಆಟಗಾರ್ತಿ ತೈ ಝು ಯಿಂಗ್ ಅವರನ್ನು ಸೋಲಿಸುವುದಾಗಿ ಸಿಂಧು ಹೇಳಿದ್ದಾರೆ.
ಅಭ್ಯಾಸ ಪಂದ್ಯ: ಎಸೆಕ್ಸ್ ವಿರುದ್ಧ ಭಾರತದ ಗೌರವಾರ್ಹ ಮೊತ್ತ
ಜುಲೈ 30ರ ಸೋಮವಾರದಿಂದ ಚೀನಾದಲ್ಲಿ ವರ್ಲ್ಡ್ ಬ್ಯಾಡ್ಮಿಂಟನ್ ಚಾಂಪಿಯನ್ ಶಿಪ್ ಆರಂಭಗೊಂಡು ಆಗಸ್ಟ್ 5ರ ವರೆಗೆ ನಡೆಯಲಿದೆ. ಈ ಪ್ರಮುಖ ಟೂರ್ನಿಗಾಗಿ ತಯಾರಿ ನಡೆಸುತ್ತಿರುವ ಭಾರತದ ಭರವಸೆಯ ಆಟಗಾರ್ತಿ ಸಿಂಧು ಈ ಸಾರಿ ಚಿನ್ನ ತನ್ನದಾಗಿಸಿಕೊಳ್ಳುವ ಭರವಸೆ ನೀಡಿದ್ದಾರೆ.
She has further added that she has the hunger of winning big titles and is focused on giving her best. https://t.co/qKMZqHybbp
— SportsCafe (@IndiaSportscafe) July 26, 2018
'ನಾನೀಗ ತೈ ಝು ಯಿಂಗ್ ಅವರನ್ನು ಸೋಲಿಸಬಲ್ಲೆ. ಆ ವಿಶ್ವಾಸ ನನಗಿದೆ. ಮಲೇಷಿಯಾದಲ್ಲಿ ಸೋತಿದ್ದಕ್ಕೆ ಬೇರೆ ಕಾರಣವಿತ್ತು. ಆದರೆ ಚೀನಾದಲ್ಲಿ ನಾನು ಎಚ್ಚರಿಕೆಯ ಆಟ ಆಡಲಿದ್ದೇನೆ. ಎದುರಾಳಿಗೆ ಪ್ರಬಲ ಪೈಪೋಟಿ ನೀಡಲಿದ್ದೇನೆ' ಎಂದು ಸಿಂಧು ಹೇಳಿದ್ದಾರೆ.
ಥಾಯ್ಲೆಂಡ್ ಓಪನ್ ನಲ್ಲಿ ಸಿಂಧು, ಜಪಾನ್ ನ ನೋಜೊಮಿ ಒಕುಹರಾ ವಿರುದ್ಧ 15-21, 18-21ರ ನೇರ ಸೆಟ್ ಸೋಲು ಕಂಡಿದ್ದರು. 50 ನಿಮಿಷಗಳವರೆಗಿನ ಇಬ್ಬರ ಕಾದಾಟದ ವೇಳೆ ಸಿಂಧು ಕೆಲವೊಂದು ತಪ್ಪುಗಳನ್ನು ಮಾಡಿದ್ದು ಎದುರಾಳಿಗೆ ಅನುಕೂಲವನ್ನೊದಗಿಸಿತ್ತು.
I am confident of beating Tai Tzu Ying, says PV Sindhu pic.twitter.com/ve44wTDM5P
— NEWS BLOG (@NEWSBLOG5) July 25, 2018
ಥಾಯ್ಲೆಂಡ್ ಓಪನ್ ಪಂದ್ಯವನ್ನು ನೆನಪಿಸಿಕೊಂಡ ಸಿಂಧು, 'ಅಂದಿನ ಪಂದ್ಯದಲ್ಲಿ ನನ್ನಿಂದಲೇ ಕೆಲವೊಂದು ತಪ್ಪುಗಳಾಗಿತ್ತು. ಮೊದಲ ಗೇಮ್ ನಲ್ಲೇ ನೋಜೊಮಿಗೆ ನಾನು ಸುಲಭವಾಗಿ ಅಂಕ ನೀಡಿದ್ದೆ. ಆದರೆ ಈ ಬಾರಿ ಹಾಗಾಗಲಾರದು. ಪಂದ್ಯ ಗೆದ್ದುಕೊಳ್ಳುವ ನಿಟ್ಟಿನಲ್ಲಿ ನಾನು ಸಂಪೂರ್ಣ ಗಮನ ಹರಿಸಿ ಆಡಲಿದ್ದೇನೆ' ಎಂದರು.