ನವದೆಹಲಿ, ಫೆಬ್ರವರಿ 9: ವಿಶ್ವ ಬ್ಯಾಡ್ಮಿಂಟನ್ ಇತಿಹಾಸದಲ್ಲೇ ಅತೀ ದೊಡ್ಡದು ಎನಿಸುವ ಒಪ್ಪಂದವೊಂದಕ್ಕೆ ಭಾರತದ ಸ್ಟಾರ್ ಬ್ಯಾಡ್ಮಿಂಟನ್ ಆಡಗಾರ್ತಿ ಪಿವಿ ಸಿಂಧು ಸಹಿ ಹಾಕಿದ್ದಾರೆ. ಚೀನಾದ ಬಹುದೊಡ್ಡ ಕ್ರೀಡಾ ಕಂಪನಿಯ ಪ್ರಾಯೋಜಕತ್ವವನ್ನು ಸಿಂಧು ಪಡೆದುಕೊಂಡಿದ್ದಾರೆ.
ಭಾರತ vs ನ್ಯೂಜಿಲ್ಯಾಂಡ್: 3ನೇ ಟಿ20 ಪಂದ್ಯಕ್ಕೆ ಭಾರತದ ಸಂಭಾವ್ಯ ತಂಡ
ಚೈನೀಸ್ ಸ್ಪೋರ್ಟ್ಸ್ ಬ್ರ್ಯಾಂಡ್ ಆದ 'ಲಿ ನಿಂಗ್' ಜೊತೆ ಸಿಂಧು ಸುಮಾರು 50 ಕೋಟಿ ರೂ.ನ ಒಪ್ಪಂದವನ್ನು ಮಾಡಿಕೊಂಡಿದ್ದಾರೆ. 4 ವರ್ಷಗಳ ಕಾಲಾವಧಿಯನ್ನು ಒಳಗೊಂಡಿರುವ ಈ ಒಪ್ಪಂದ ವಿಶ್ವ ಬ್ಯಾಡ್ಮಿಂಟನ್ ಇತಿಹಾಸದಲ್ಲಿ ಅತೀ ದೊಡ್ಡ ಮಟ್ಟದ ಪ್ರಾಯೋಜಕತ್ವ ಒಪ್ಪಂದವಾಗಿ ಗುರುತಿಸಿಕೊಂಡಿದೆ.
#Badminton | Ace shuttler #PVSindhu has signed a whopping four-year sports sponsorship deal in the tune of Rs 50 crore with Chinese sports brand Li Ning.
— The Bridge (@TheBridge_IN) February 8, 2019
💰 It is one of the biggest deal in world badminton.
📸 - PTI pic.twitter.com/T8VqRfZt3u
ಭಾರತದ ಮತ್ತೊಬ್ಬ ಬ್ಯಾಡ್ಮಿಂಟನ್ ಸ್ಟಾರ್ ಕಿದಂಬಿ ಶ್ರೀಕಾಂತ್ ಅವರು ಇದೇ ಕಂಪನಿಯಿಂದ ಕಳೆದ ವರ್ಷ 35 ಕೋ.ರೂ.ಗಾಗಿ 4 ವರ್ಷಗಳ ಒಪ್ಪಂದವನ್ನು ಮಾಡಿಕೊಂಡಿದ್ದರು. ಆದರೆ ಸಿಂಧು ಈಗ ಅದಕ್ಕೂ ದೊಡ್ಡ ಮೊತ್ತದ ಒಪ್ಪಂದಕ್ಕೆ ಸಹಿ ಹಾಕಿದ್ದಾರೆ.
ಆಕ್ಲೆಂಡ್ ಸ್ಟೇಡಿಯಂನಲ್ಲಿ ಸಾಲು ಸಾಲು ದಾಖಲೆ ಬರೆದ ರೋಹಿತ್ ಶರ್ಮಾ!
ಸನ್ಲೈಟ್ ಸ್ಪೋರ್ಟ್ಸ್ ಪ್ರೈವೇಟ್ ಲಿಮಿಟೆಡ್ನ ನಿರ್ದೇಶಕರಾಗಿರುವ ಮಹೇಂದರ್ ಕಪೂರ್ ಈ ಬಗ್ಗೆ ಮಾತನಾಡಿ, 'ಈ ಒಪ್ಪಂದ ಟೀಮ್ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿಯವರು ಮಾಡಿಕೊಂಡಿರುವ 100 ಕೋಟಿ ರೂ. ಒಪ್ಪಂದಕ್ಕೆ ಸಮೀಪದಲ್ಲಿದೆ. ಸಿಂಧು 40 ಕೋ.ರೂ. ಪ್ರಾಯೋಜಕತ್ವವನ್ನು ಪಡೆಯಲಿದ್ದಾರೆ. ಇನ್ನುಳಿದ ಹಣ ಕ್ರೀಡಾ ಸಲಕರಣೆಗಳ ರೂಪದಲ್ಲಿ ಪಡೆಯಲಿದ್ದಾರೆ' ಎಂದು ಮಾಹಿತಿ ನೀಡಿದ್ದಾರೆ.