ವರ್ಲ್ಡ್ ಚಾಂಪಿಯನ್‌ಷಿಪ್‌ನಲ್ಲಿ 3ನೇ ಬಾರಿಗೆ ಫೈನಲ್ ಪ್ರವೇಶಿಸಿದ ಸಿಂಧು

ಬಾಸೆಲ್, ಆಗಸ್ಟ್ 25: ಸ್ವಿಟ್ಜರ್ಲೆಂಡ್‌ನ ಬಾಸೆಲ್‌ನಲ್ಲಿ ನಡೆಯುತ್ತಿರುವ ಬಿಡಬ್ಲ್ಯೂಎಫ್‌ ವರ್ಲ್ಡ್ ಚಾಂಪಿಯನ್‌ಶಿಪ್ ಬಾಡ್ಮಿಂಟನ್ ಟೂರ್ನಿಯಲ್ಲಿ ಭಾರತದ ಸ್ಟಾರ್ ಆಟಗಾರ್ತಿ ಪಿವಿ ಸಿಂಧು ಫೈನಲ್‌ಗೆ ಪ್ರವೇಶಿಸಿದ್ದಾರೆ. ಇದರೊಂದಿಗೆ ಈ ಟೂರ್ನಿಯಲ್ಲಿ ಸಿಂಧು ಸತತ 3ನೇ ಬಾರಿಗೆ ಫೈನಲ್‌ಗೆ ಪ್ರವೇಶಿಸಿದಂತಾಗಿದೆ.

ಭಾರತ vs ವಿಂಡೀಸ್ 1st ಟೆಸ್ಟ್, 3ನೇ ದಿನ, Live: ಕೊಹ್ಲಿ ಪಡೆ ಮುನ್ನಡೆ

ಶನಿವಾರ (ಆಗಸ್ಟ್ 24) ನಡೆದ ಮಹಿಳಾ ವಿಭಾಗದ ಸಿಂಗಲ್ಸ್ ಸೆಮಿಫೈನಲ್‌ನಲ್ಲಿ ಸಿಂಧು, ಆಲ್ ಇಂಗ್ಲೆಂಡ್ ಚಾಂಪಿಯನ್ ಚೈನೀಸ್ ಆಟಗಾರ್ತಿ ಚೆನ್ ಯು ಫೀ ಎದುರು 21-7, 21-14ರ ನೇರ ಸೆಟ್ ಗೆಲುವು ಸಾಧಿಸಿದರು. ಇಬ್ಬರ ಮಧ್ಯೆ 40 ನಿಮಿಷಗಳ ಕಾದಾಟ ನಡೆಯಿತು.

PV Sindhu beats Chen Yu Fei of China 21-7, 21-14 to create history by reaching the final of #BWFWorldChampionships2019 for the 3rd consecutive time. Congratulations @Pvsindhu1 💐 pic.twitter.com/NmStESXFpX

— Kiren Rijiju (@KirenRijiju) August 24, 2019

24ರ ಹರೆಯದ ಸಿಂಧು ಫೈನಲ್‌ನಲ್ಲಿ 2017ರ ವಿಜೇತೆ, ಜಪಾನ್‌ನ ನಝೋಮಿ ಒಕುಹರಾ ವಿರುದ್ಧ ಸ್ಪರ್ಧಿಸಲಿದ್ದಾರೆ. ಮತ್ತೊಂದು ಸೆಮಿಫೈನಲ್‌ನಲ್ಲಿ ಒಕುಹರಾ, ಥೈಲ್ಯಾಂಡ್‌ನ ರಾಟ್ಚನೋಕ್ ಇಂಟಾನನ್ ಮಣಿಸಿ ಫೈನಲ್‌ಗೆ ಲಗ್ಗೆಯಿಟ್ಟಿದ್ದಾರೆ. 2018ರ ಫೈನಲ್‌ನಲ್ಲಿ ಸಿಂಧು ಸ್ಪೇನ್ ಬಲಿಷ್ಠೆ ಕೆರೋಲಿನ ಮರಿನ್ ಎದುರು ಸೋತು ಬೆಳ್ಳಿಗೆ ತೃಪ್ತಿಪಟ್ಟಿದ್ದರು.