ಗುವಾಂಗ್ಝೌ, ಡಿಸೆಂಬರ್ 15: ಭಾರತದ ಸ್ಟಾರ್ ಶಟ್ಲರ್ ಪಿವಿ ಸಿಂಧು ಚೀನಾದ ಗುವಾಂಗ್ಝೌನಲ್ಲಿ ನಡೆಯುತ್ತಿರುವ ವರ್ಲ್ಡ್ ಟೂರ್ ಫೈನಲ್ಸ್ ಬ್ಯಾಡ್ಮಿಂಟನ್ ಟೂರ್ನಿಯಲ್ಲಿ ಪ್ರಶಸ್ತಿ ಸುತ್ತಿಗೆ ಲಗ್ಗೆಯಿಟ್ಟಿದ್ದಾರೆ. ಸೆಮಿಫೈನಲ್ನಲ್ಲಿ ಸಿಂಧು, ರಾಚ್ಟಾನೋಕ್ ಇಂಟನಾನ್ ಅವರನ್ನು ಹಿಮ್ಮೆಟ್ಟಿಸಿದರು.
ವಿದೇಶದಲ್ಲಿ ನಿಮ್ಮ ಪ್ರಮುಖ ಸಾಧನೆಯೇನು?: ಶಾಸ್ತ್ರಿಗೆ 'ಗಂಭೀರ' ಪ್ರಶ್ನೆ!
ಶನಿವಾರ (ಡಿಸೆಂಬರ್ 15) ನಡೆದ ಮಹಿಳಾ ವಿಭಾಗದ ಸಿಂಗಲ್ಸ್ ಸೆಮಿಫೈನಲ್ ಸ್ಪರ್ಧೆಯಲ್ಲಿ ರಿಯೋ ಒಲಿಂಪಿಕ್ಸ್ ಬೆಳ್ಳಿ ವಿಜೇತೆ ಸಿಂಧು, ಥೈಲ್ಯಾಂಡ್ ಆಟಗಾರ್ತಿ ರಾಚ್ಟಾನೋಕ್ ಅವರನ್ನು 21-16, 25-23ರ ನೇರ ಸೆಟ್ ನಿಂದ ಕೆಡವಿ ಮುನ್ನಡೆ ಗಿಟ್ಟಿಸಿಕೊಂಡರು.
PV SINDHU ENTERS FINAL!
— Express Sports (@IExpressSports) December 15, 2018
Sindhu beats Ratchanok Intanon of Thailand 21-16, 25-23 to enter second consecutive final of #BWFWorldTourFinals where she will face Nozomi Okuhara pic.twitter.com/IBStkrJdpa
ಇದು ಮೂರನೇ ಬಾರಿಗೆ ಟೂರ್ನಿಯಲ್ಲಿ ಪಾಲ್ಗೊಳ್ಳುತ್ತಿರುವ ಸಿಂಧು, ಪ್ರಿ-ಕ್ವಾರ್ಟರ್ ಫೈನಲ್ನಲ್ಲಿ ವಿಶ್ವ ನಂ.2ರ ಜಪಾನ್ ಆಟಗಾರ್ತಿ, ಹಾಲಿ ಚಾಂಪಿಯನ್ ಅಕೆನೆ ಯಮಾಗುಚಿ ಅವರನ್ನು, ಕ್ವಾರ್ಟರ್ ಫೈನಲ್ನಲ್ಲಿ ವಿಶ್ವ ನಂ.1 ಆಟಗಾರ್ತಿ ತೈ ಝು ಯಿಂಗ್ ಅವರನ್ನು ಕೆಡವಿದ್ದರು. ಫೈನಲ್ನಲ್ಲಿ ಸಿಂಧು, ಜಪಾನ್ ಆಟಗಾರ್ತಿ ನೋಜೊಮಿ ಒಕುಹರಾ ಸವಾಲು ಸ್ವೀಕರಿಸಲಿದ್ದಾರೆ.