ಬ್ಯಾಡ್ಮಿಂಟನ್ ಕೋರ್ಟ್‌ನಲ್ಲಿ ರಕ್ತ ಹರಿಸಿದ ಮಲೇಷ್ಯಾ ಜೋಡಿ: ವಿಡಿಯೋ

ನಾನ್ನಿಂಗ್, ಮೇ 24: ಬ್ಯಾಡ್ಮಿಂಟನ್ ಪಂದ್ಯದ ವೇಳೆ ಕೋರ್ಟ್‌ನಲ್ಲಿ ರಕ್ತ ಹರಿಸಿದ ಘಟನೆ ನಡೆದಿದೆ. ಚೀನಾದ ನಾನ್ನಿಂಗ್‌ನಲ್ಲಿ ನಡೆಯುತ್ತಿರುವ ಸುದಿರ್ಮನ್ ಕಪ್ ಪಂದ್ಯದ ವೇಳೆ ಮಲೇಷ್ಯಾ ಆಟಗಾರ ಟೆಯೋ ಈ ಯಿ ಗಲ್ಲಕ್ಕೆ ಗಾಯ ಮಾಡಿಕೊಂಡು ಕೋರ್ಟ್‌ಗೆ ರಕ್ತಾರ್ಪಣೆ ಮಾಡಿದರು. ಆದರೆ ಈ ಗಾಯ ಆಕಸ್ಮಿಕವಾಗಿ ಆಗಿದ್ದು.

ಸ್ಟೀವ್‌ ವಾ ಪ್ರಕಾರ ವಿಶ್ವಕಪ್‌ನಲ್ಲಿ ಮಿಂಚುವ ಬ್ಯಾಟ್ಸ್‌ಮನ್‌ಗಳಿವರು!

ಪುರುಷರ ಡಬಲ್ಸ್‌ನಲ್ಲಿ ಮಲೇಷ್ಯಾ ಪರ ಟೆಯೋ ಈ ಯಿ ಮತ್ತು ಓಂಗ್ ಯೆ ಸಿನ್, ಜಪಾನ್‌ನ ತಕೇಶಿ ಕಾಮುರಾ ಮತ್ತು ಕೀಗೊ ಸೊನಡಾ ಎದುರು ಆಡುತ್ತಿದ್ದರು. ಪಂದ್ಯದ ವೇಳೆ ಆಡುವ ಭರದಲ್ಲಿ ಮಲೇಷ್ಯಾ ಜೋಡಿ ಒಂದೇ ಹೊಡೆತಕ್ಕಾಗಿ ಹಾರಿದರು. ಆಗ ಟೆಯೋ ಈ ಯಿ ಗಲ್ಲಕ್ಕೆ ಸಹ ಆಟಗಾರ ಓಂಗ್ ಯೆ ಸಿನ್ ಕಾಲಿನ ಶೂ ತಾಗಿ ಗಾಯವಾಯ್ತು.

Partner on court, best friend off court. Ong Yew Sin took care of his partner very well. Get well soon Teo Ee Yi! #SudirmanCup2019 pic.twitter.com/URxAbvjmOO

— Nofi S (@Nofi9s) May 24, 2019

ಟೆಯೋ ಈ ಯಿಗೆ ಕೊಂಚ ಜೋರಾಗೇ ಪೆಟ್ಟು ಬಿದ್ದಿದ್ದರಿಂದ ಗಲ್ಲ ಪೂರ್ತಿ ರಕ್ತಮಯವಾಯ್ತು. ಈ ಯಿ ಗಲ್ಲಕ್ಕೆ ಬ್ಯಾಂಡೇಜ್ ಸುತ್ತಿಕೊಂಡು ಬಂದ ಬಳಿಕ ಕೊಂಚ ಕಾಲ ನಿಂತಿದ್ದ ಪಂದ್ಯ ಮತ್ತೆ ಶುರುವಾಯ್ತು. ಆದರೆ ಪಂದ್ಯದಲ್ಲಿ ಮಲೇಷ್ಯಾ ಜೋಡಿ 13-21, 26-24, 23-21ರಿಂದ ಜಪಾನ್ ಜೋಡಿಗೆ ಶರಣಾಯ್ತು.