ಗೆದ್ದ ತಂಡಕ್ಕೆ ಸಿಕ್ಕ ಬಹುಮಾನದ ಮೊತ್ತ
ಇನ್ನು ಥಾಮಸ್ ಕಪ್ನಲ್ಲಿ ಗೆದ್ದ ಭಾರತ ತಂಡದ ಸಿಂಗಲ್ಸ್ ಮತ್ತು ಡಬಲ್ಸ್ ವಿಭಾಗದ ಎಲ್ಲಾ ಆಟಗಾರರಿಗೆ ತಲಾ 120000 ಡಾಲರ್ ಬಹುಮಾನ ಸಿಗಲಿದೆ. ಇನ್ನು ಇದರ ಜೊತೆಗೆ ಕ್ರೀಡಾ ಸಚಿವ ಅನುರಾಗ್ ಠಾಕೂರ್ ಒಂದು ಕೋಟಿಗೆ ಬಹುಮಾನ ಧನವನ್ನು ಘೋಷಿಸಿದ್ದರೆ, ಬ್ಯಾಡ್ಮಿಂಟನ್ ಅಸೋಸಿಯೇಷನ್ ಆಫ್ ಇಂಡಿಯಾದ ಅಧ್ಯಕ್ಷ ಹಿಮಾಂತ ಬಿಸ್ವಾ ಶರ್ಮಾ ಕೂಡ ಬ್ಯಾಡ್ಮಿಂಟನ್ ತಂಡದ ಆಟಗಾರರಿಗೆ ಒಂದು ಕೋಟಿ ಬಹುಮಾನ ಹಾಗೂ ಸಿಬ್ಬಂದಿ ವರ್ಗದವರಿಗೆ ಇಪ್ಪತ್ತು ಲಕ್ಷ ರೂಪಾಯಿಗಳನ್ನು ಘೋಷಿಸಿದ್ದಾರೆ.
ಥಾಮಸ್ ಕಫ್ನಲ್ಲಿ ಪದಕ ಗೆದ್ದವರ ಪಟ್ಟಿ
ಈ ಬಾರಿಯ ಥಾಮಸ್ ಕಪ್ನಲ್ಲಿ ಚಾಂಪಿಯನ್ ಆದ ಭಾರತ ಬ್ಯಾಡ್ಮಿಂಟನ್ ತಂಡ ಚಿನ್ನದ ಪದಕ ಗೆದ್ದರೆ, ಫೈನಲ್ ಪಂದ್ಯದಲ್ಲಿ ಭಾರತದ ವಿರುದ್ಧ ಸೋಲುಂಡು ರನ್ನರ್ ಅಪ್ ಆಗಿ ಹೊರಹೊಮ್ಮಿದ ಇಂಡೋನೇಷ್ಯಾ ಬೆಳ್ಳಿ ಪದಕಕ್ಕೆ ತೃಪ್ತಿ ಪಟ್ಟುಕೊಂಡಿತು ಹಾಗೂ ಜಪಾನ್ ಹಾಗೂ ಡೆನ್ಮಾರ್ಕ್ ಕಂಚಿನ ಪದಕಗಳನ್ನು ಪಡೆದುಕೊಂಡವು.
ಥಾಮಸ್ ಕಪ್ ಗೆದ್ದ ಎಲ್ಲಾ ತಂಡಗಳ ಪಟ್ಟಿ
1. ಇಂಡೋನೇಷ್ಯಾ - 14 ಪ್ರಶಸ್ತಿಗಳು
2. ಚೀನಾ - 10 ಪ್ರಶಸ್ತಿಗಳು
3. ಮಲೇಷ್ಯಾ - 5 ಪ್ರಶಸ್ತಿಗಳು
4. ಜಪಾನ್ - 1 ಪ್ರಶಸ್ತಿ (2014)
5. ಡೆನ್ಮಾರ್ಕ್ - 1 ಪ್ರಶಸ್ತಿ (2016)
6. ಭಾರತ - 1 ಪ್ರಶಸ್ತಿ (2022)