ದುಬೈ: ದುಬೈನಲ್ಲಿ ನಡೆಯುತ್ತಿರುವ ಏಷ್ಯನ್ ಬಾಕ್ಸಿಂಗ್ ಚಾಂಪಿಯನ್ಶಿಪ್ನಲ್ಲಿ ಭಾರತದ ಅಮಿತ್ ಪಂಘಲ್, ವಿಕಾಸ್ ಕೃಷನ್, ವರೀಂದರ್ ಸಿಂಗ್ ಪುರುಷರ ವಿಭಾಗದಲ್ಲಿ ಸೆಮಿಫೈನಲ್ಗೆ ಪ್ರವೇಶಿಸಿದ್ದಾರೆ. ಅಲ್ಲದೆ ಈ ಚಾಂಪಿಯನ್ಶಿಪ್ನಲ್ಲಿ ಒಟ್ಟಾರೆ ಭಾರತಕ್ಕೆ 15 ಪದಕಗಳು ಲಭಿಸುವುದು ಖಾತ್ರಿಯಾಗಿದೆ.
ರೋಹಿತ್ ಶರ್ಮಾ ಬಗ್ಗೆ ಕಾಮೆಂಟ್ ಮಾಡಿದ್ದ ಅಮೀರ್ಗೆ ಕನೇರಿಯಾ ತಿರುಗೇಟು
52 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಅಮಿತ್ ಪಂಘಲ್ ಅವರು ಮಂಗೋಲಿಯಾದ ಖಾರ್ಖು ಎಂಖ್ಮಂಡಖ್ ಎದುರು ಮೇಲುಗೈ ಸಾಧಿಸಿದ್ದಾರೆ. ಇನ್ನು 69 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ವಿಕಾಸ್ ಕೃಷನ್ ಅವರು ಇರಾನ್ನ ಮೊಸ್ಲೆಮ್ ಮಾಘಸೌಡಿ ಮಾಲ್ ಅಮೀರ್ ಎದುರು ಜಯ ದಾಖಲಿಸಿದ್ದಾರೆ.
60 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ವರೀಂದರ್ ಸಿಂಗ್ ಅವರು ಫಿಲಿಪೈನ್ನ ಜೆರೆ ಸ್ಯಾಮ್ಯುಯೆಲ್ ಡೆಲಾ ಕ್ರೂಜ್ ಅವರನ್ನು 5-0 ಅಂತರದಿಂದ ಸೋಲಿಸಿದ್ದಾರೆ. ವರ್ಲ್ಡ್ ಚಾಂಪಿಯನ್ಶಿಪ್ನಲ್ಲಿ ಬೆಳ್ಳಿ ಪದಕ ಗೆದ್ದಿದ್ದ ಪಂಘಲ್ ಎದುರಾಳಿ ಖಾರ್ಖು ಎಂಖ್ಮಂಡಖ್ ಅವರನ್ನು 3-2 ಅಂತರದಿಂದ ಸೋಲಿಸಿದ್ದಾರೆ. ಇಬ್ಬರ ಮಧ್ಯೆ ರೋಚಕ ಗುದ್ದಾಟ ಕಾಣಿಸಿತ್ತು.
ವಿಶ್ವಕಪ್ನಲ್ಲಿ ಗಂಗೂಲಿ-ದ್ರಾವಿಡ್ ಸ್ಫೋಟಕ ಶತಕ ಬಾರಿಸಿದ್ದು ಇದೇ ದಿನ!
ಅಂತೂ ಈವರೆಗೆ ಚಾಂಪಿಯನ್ಶಿಪ್ನಲ್ಲಿ ಒಟ್ಟಾರೆ ಭಾರಕ್ಕೆ 15 ಪದಕಗಳು ಪಕ್ಕಾ ಆಗಿವೆ.