ಉಲಾನ್-ಉಡೆ, ಅಕ್ಟೋಬರ್ 13: ರಷ್ಯಾದ ಉಲಾನ್-ಉಡೆಯಲ್ಲಿ ಭಾನುವಾರ (ಅಕ್ಟೋಬರ್ 13) ನಡೆದ ಮಹಿಳೆಯರ ವಿಶ್ವ ಬಾಕ್ಸಿಂಗ್ ಚಾಂಪಿಯನ್ಷಿಪ್ನಲ್ಲಿ ಭಾರತದ ಮಂಜು ರಾಣಿ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟಿದ್ದಾರೆ. ರಷ್ಯಾದ ಕಟೆರಿನಾ ಪಾಲ್ಟ್ಸೆವಾ ಎದುರು ರಾಣಿ ಹಿನ್ನಡೆ ಅನುಭವಿಸಿದರು.
ಜಂಟಿ ಜೀವನಕ್ಕೆ ಪಾದಾರ್ಪಣೆ ಮಾಡಲು ಕರುಣ್ ನಾಯರ್-ಸನಾಯ ಸಜ್ಜು
ಲೈಟ್ವೇಟ್ (48 ಕೆಜಿ) ವಿಭಾಗದಲ್ಲಿ ಸ್ಪರ್ಧಿಸಿದ್ದ ಹರ್ಯಾಣದ ಬಾಕ್ಸರ್ ಮಂಜು ರಾಣಿ, ಕಟೆರಿನಾ ವಿರುದ್ಧದ 1-4ರ ಸೋಲು ಕಂಡರು. ಬರುವ ಶನಿವಾರ (ಅಕ್ಟೋಬರ್ 19) 20ರ ಹರೆಯಕ್ಕೆ ಕಾಲಿರಿಸುತ್ತಿರುವ ಮಂಜು, ಈ ಬಾರಿಯ ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಫೈನಲ್ ಪ್ರವೇಶಿಸಿದ ಒಬ್ಬರೇ ಭಾರತೀಯರಾಗಿ ಗುರುತಿಸಿಕೊಂಡಿದ್ದಾರೆ.
ವಿಶ್ವ ಚಾಂಪಿಯನ್ಷಿಪ್ನಲ್ಲಿ ಇತಿಹಾಸ ಬರೆದ ಭಾರತದ ಮೇರಿ ಕೋಮ್
ಇದಕ್ಕೂ ಮುನ್ನ 51 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ 6 ಬಾರಿಯ ವಿಶ್ವ ಚಾಂಪಿಯನ್ ಮೇರಿ ಕೋಮ್, 54 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಜಮುನಾ ಬೊರೊ ಮತ್ತು 69 ಕೆಜಿ ವಿಭಾಗದಲ್ಲಿ ಸ್ಪರ್ಧಿಸಿದ್ದ ಲೊವ್ಲಿನಾ ಬೊರ್ಗೊಹೈನ್ ಭಾರತ ಪರ ಕಂಚಿನ ಪದಕ ಗೆದ್ದಿದ್ದರು.