ಆಟಗಾರರ ಪಟ್ಟಿ
ಈ ಕೆಳಕಂಡ ಆಟಗಾರರು ಐಪಿಎಲ್ ಇತಿಹಾಸದಲ್ಲಿ ಹಿಂದೊಮ್ಮೆ ಮುಂಬೈ ಇಂಡಿಯನ್ಸ್ ತಂಡದ ಆಟಗಾರರಾಗಿದ್ದರು.
• ಅಜಿಂಕ್ಯ ರಹಾನೆ - 2008ರಿಂದ 2009
• ಶಿಖರ್ ಧವನ್ - 2009ರಿಂದ 2010
• ಯುಜುವೇಂದ್ರ ಚಾಹಲ್ - 2013
• ಅಕ್ಷರ್ ಪಟೇಲ್ - 2013
• ಪ್ಯಾಟ್ ಕಮಿನ್ಸ್ - 2018
• ಕುಲದೀಪ್ ಯಾದವ್ - 2012
• ಜೋಶ್ ಹೇಜಲ್ ವುಡ್ - 2014
• ಹರ್ಷೆಲ್ ಗಿಬ್ಸ್ - 2012
• ನಿಕೋಲಸ್ ಪೂರನ್ - 2017
• ಅಲೆಕ್ಸ್ ಹೇಲ್ಸ್ - 2015
• ಫಿಲಿಪ್ ಹ್ಯೂಸ್ - 2013
• ಉನ್ಮುಕ್ತ್ ಚಂದ್ - 2015ರಿಂದ 2016
• ಜೋಸ್ ಬಟ್ಲರ್ - 2016ರಿಂದ 2017
ಈ ವರ್ಷ ಅಬ್ಬರಿಸಿದ ಜೋಸ್ ಬಟ್ಲರ್ ಮುಂಬೈ ಇಂಡಿಯನ್ಸ್ ಪರ ಕಲೆಹಾಕಿದ್ದ ರನ್ ಎಷ್ಟು?
ಇನ್ನು ಈ ಬಾರಿಯ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ರಾಜಸ್ಥಾನ್ ರಾಯಲ್ಸ್ ಪರ ಕಣಕ್ಕಿಳಿದಿದ್ದ ಜೋಸ್ ಬಟ್ಲರ್ 17 ಪಂದ್ಯಗಳನ್ನಾಡಿ ಬರೋಬ್ಬರಿ 863 ರನ್ ಕಲೆಹಾಕಿದ್ದರು. ಈ ಹಿಂದೆ 2016 ಹಾಗೂ 2017ರ ಐಪಿಎಲ್ ಟೂರ್ನಿಯಲ್ಲಿ ಮುಂಬೈ ಇಂಡಿಯನ್ಸ್ ಪರ ಕಣಕ್ಕಿಳಿದಿದ್ದ ಬಟ್ಲರ್ ಎರಡೂ ಆವೃತ್ತಿಗಳು ಸೇರಿದಂತೆ 24 ಪಂದ್ಯಗಳಲ್ಲಿ 527 ರನ್ ಬಾರಿಸಿದ್ದರು.
ಕೇವಲ ಒಂದೇ ಪಂದ್ಯದ ಅವಕಾಶ ಪಡೆದಿದ್ದ ಚಾಹಲ್
ಇನ್ನು ಈ ಪಟ್ಟಿಯಲ್ಲಿ ಯುಜುವೇಂದ್ರ ಚಾಹಲ್ ಹೆಸರು ಕಂಡು ಕೆಲವರು ತುಸು ಆಶ್ಚರ್ಯಕ್ಕೂ ಒಳಗಾಗಿರಬಹುದು. ಹೌದು, ಯುಜುವೇಂದ್ರ ಚಾಹಲ್ ಕೂಡ ಮುಂಬೈ ಇಂಡಿಯನ್ಸ್ ತಂಡದ ಪರ ಕಣಕ್ಕಿಳಿದಿದ್ದರು. 2013ರಲ್ಲಿ ಮುಂಬೈ ಇಂಡಿಯನ್ಸ್ ಪರ ಕೇವಲ ಒಂದೇ ಒಂದು ಪಂದ್ಯದಲ್ಲಿ ಕಣಕ್ಕಿಳಿದಿದ್ದ ಯುಜುವೇಂದ್ರ ಚಾಹಲ್ 4 ಓವರ್ ಬೌಲಿಂಗ್ ಮಾಡಿ 34 ರನ್ ನೀಡಿ ಯಾವುದೇ ವಿಕೆಟ್ ಪಡೆದಿರಲಿಲ್ಲ.