ನೆಹ್ರಾ ವಿದಾಯದ ಪಂದ್ಯಕ್ಕೆ ಗೆಲುವಿನ ಉಡುಗೊರೆ

ನವದೆಹಲಿ, ನವೆಂಬರ್ 01: ಫಿರೋಜ್ ಶಾ ಕೋಟ್ಲಾ ಮೈದಾನದಲ್ಲಿ ನಡೆದ ಮೊದಲ ಟಿ20 ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ನ್ಯೂಜಿಲೆಂಡ್ ವಿರುದ್ಧ ಭಾರತ 53ರನ್ ಗಳ ಜಯ ದಾಖಲಿಸಿದೆ. ಈ ಗೆಲುವಿನ ಮೂಲಕ ಮೂರು ಟಿ20ಐ ಪಂದ್ಯಗಳ ಸರಣಿಯಲ್ಲಿ ಭಾರತ 1-0ರ ಮುನ್ನಡೆ ಸಾಧಿಸಿದೆ.

ಸ್ಕೋರ್ ಕಾರ್ಡ್

ನ್ಯೂಜಿಲೆಂಡ್ ವಿರುದ್ಧ ಮೊಟ್ಟ ಮೊದಲ ಬಾರಿಗೆ ಟಿ20 ಪಂದ್ಯವೊಂದರಲ್ಲಿ ಭಾರತ ಗೆಲುವು ಸಾಧಿಸಿದೆ. ಈ ಪಂದ್ಯದ ನಂತರ ವೇಗಿ ಆಶೀಶ್ ಅವರು ಸುಮಾರು 20 ವರ್ಷಗಳ ವೃತ್ತಿ ಬದುಕಿಗೆ ವಿದಾಯ ಹೇಳಿದ್ದಾರೆ.

ಈ ಪಂದ್ಯದಲ್ಲಿ ಪಂದ್ಯದ ಕೊನೆ ಓವರ್ ಎಸೆಯುವ ಅವಕಾಶವನ್ನು ಪಡೆದಿದ್ದು ವಿಶೇಷ. ವಿಕೆಟ್ ಗಳಿಸಲು ನೆಹ್ರಾ ವಿಫಲರಾದರೂ ಗೆಲುವಿನ ಮೂಲಕ ತಮ್ಮ ಕ್ರಿಕೆಟ್ ಬದುಕು ಕೊನೆಗಾಣಿಸಿದ್ದಾರೆ.

1️⃣8️⃣ years
1️⃣6️⃣4️⃣ matches
2️⃣3️⃣5️⃣ wickets

Congratulations to Ashish Nehra on a fantastic international career! Happy retirement! pic.twitter.com/Ic429auWzs

— ICC (@ICC) November 1, 2017

ಟಾಸ್ ಸೋತರೂ ಮೊದಲು ಬ್ಯಾಟಿಂಗ್ ಮಾಡುವ ಅವಕಾಶ ಪಡೆದ ಭಾರತ 202/3 ಸ್ಕೋರ್ ಮಾಡಿತ್ತು. ಇದಕ್ಕೆ ಉತ್ತರವಾಗಿ 20 ಓವರ್ ಗಳಲ್ಲಿ 149/8 ಸ್ಕೋರ್ ಮಾಡಿ ಸೋಲೊಪ್ಪಿಕೊಂಡಿತು.