1. ಡಿವೋನ್ ಕಾನ್ವೆ
ದಕ್ಷಿಣ ಆಫ್ರಿಕಾದಲ್ಲಿ ಹಲವಾರು ದೇಸಿ ಕ್ರಿಕೆಟ್ ಟೂರ್ನಿಗಳಲ್ಲಿ ಆಡಿದ್ದ ಡಿವೋನ್ ಕಾನ್ವೆಗೆ ರಾಷ್ಟ್ರೀಯ ತಂಡವನ್ನು ಪ್ರತಿನಿಧಿಸುವ ಅವಕಾಶ ಲಭಿಸಲೇ ಇಲ್ಲ. ಹೀಗೆ ದಕ್ಷಿಣ ಆಫ್ರಿಕಾದಲ್ಲಿ ನಿರೀಕ್ಷಿಸಿದ ಅವಕಾಶ ಸಿಗದ ಡಿವೋನ್ ಕಾನ್ವೆ ನ್ಯೂಜಿಲೆಂಡ್ಗೆ ಹಾರಿದರು. ನ್ಯೂಜಿಲೆಂಡ್ನಲ್ಲಿ ಉತ್ತಮ ಅವಕಾಶಗಳು ಲಭಿಸಲಿವೆ ಎಂಬ ಕಾರಣಕ್ಕೆ ತನ್ನ ಬಳಿ ಇದ್ದ ಎಲ್ಲಾ ಆಸ್ತಿಗಳನ್ನೂ ಮಾರಿ ಹಣ ಕೂಡಿಸಿದ ಕಾನ್ವೆ ದಕ್ಷಿಣ ಆಫ್ರಿಕಾ ಬಿಟ್ಟು ನ್ಯೂಜಿಲೆಂಡ್ ತಲುಪಿದರು. ಹೀಗೆ ನ್ಯೂಜಿಲೆಂಡ್ ತಲುಪಿದ ಡಿವೋನ್ ಕಾನ್ವೆಗೆ ದೇಸಿ ಕ್ರಿಕೆಟ್ ಟೂರ್ನಿಗಳಲ್ಲಿ ಆಡುವ ಅವಕಾಶ ಲಭಿಸಿತ್ತು ಹಾಗೂ ನಂತರ ರಾಷ್ಟ್ರೀಯ ತಂಡದ ಆಯ್ಕೆಗಾರರ ಮನಗೆದ್ದ ಕಾನ್ವೆಗೆ ನ್ಯೂಜಿಲೆಂಡ್ ತಂಡವನ್ನು ಅಂತರರಾಷ್ಟ್ರೀಯ ಮಟ್ಟದಲ್ಲಿ ಪ್ರತಿನಿಧಿಸುವ ಅವಕಾಶ ಒದಗಿಬಂತು.
2. ಮೈಕೆಲ್ ರಿಪ್ಪಾನ್
ನೆದರ್ಲೆಂಡ್ಸ್ ತಂಡದ ಮೈಕೆಲ್ ರಿಪ್ಪನ್ ಇತ್ತೀಚೆಗಷ್ಟೆ ನ್ಯೂಜಿಲೆಂಡ್ ತಂಡ ಸೇರಿದ ಆಟಗಾರರ ಪಟ್ಟಿಯಲ್ಲಿದ್ದಾರೆ. ಮೂಲತಃ ದಕ್ಷಿಣ ಆಫ್ರಿಕಾದವರಾದ ಮೈಕೆಲ್ ರಿಪ್ಪಾನ್ ಇದೇ ವರ್ಷದಲ್ಲಿ ನೆದರ್ಲೆಂಡ್ಸ್ ಪರ ಕಣಕ್ಕಿಳಿದು ನ್ಯೂಜಿಲೆಂಡ್ ವಿರುದ್ಧ ಆಟವನ್ನಾಡಿದ್ದರು. ಆದರೆ, ಇದೀಗ ನ್ಯೂಜಿಲೆಂಡ್ ತಂಡಕ್ಕೆ ಸೇರ್ಪಡೆಗೊಂಡಿರುವ ಈತ ಮುಂದಿನ ಆಗಸ್ಟ್ ತಿಂಗಳಿನಲ್ಲಿ ನ್ಯೂಜಿಲೆಂಡ್ ಪರ ಕಣಕ್ಕಿಳಿದು ನೆದರ್ಲೆಂಡ್ಸ್ ವಿರುದ್ಧ ಸೆಣಸಾಟ ನಡೆಸಲಿದ್ದಾರೆ.
3. ಲ್ಯೂಕ್ ಜಾರ್ಜ್ಸನ್
ನ್ಯೂಜಿಲೆಂಡ್ ಪರ ಅಂಡರ್ 19 ಆಡಿದ್ದ ಲ್ಯೂಕ್ ಜಾರ್ಜ್ಸನ್ ಸದ್ಯ ಐರ್ಲೆಂಡ್ ಪರ ದೇಸಿ ಕ್ರಿಕೆಟ್ನಲ್ಲಿ ಆಡುತ್ತಿದ್ದಾರೆ. ಲ್ಯೂಕ್ ಜಾರ್ಜ್ಸನ್ ಐರ್ಲೆಂಡ್ ಜತೆ ಎರಡು ವರ್ಷಗಳ ಒಪ್ಪಂದವನ್ನು ಮಾಡಿಕೊಂಡಿದ್ದು, ಹಿರಿಯರ ಕ್ರಿಕೆಟ್ ಆಡಲು ಮತ್ತೆ ನ್ಯೂಜಿಲೆಂಡ್ ತಂಡ ಸೇರುವುದಾಗಿ ಈಗಾಗಲೇ ಹೇಳಿಕೆ ನೀಡಿದ್ದಾರೆ.