ಕೊಲಂಬೋ, ಸೆಪ್ಟೆಂಬರ್ 01: ಮೂರನೇ ಹಾಗೂ ಅಂತಿಮ ಟೆಸ್ಟ್ ನಲ್ಲಿ ಇಶಾಂತ್ ಶರ್ಮ ಹಾಗೂ ಆರ್ ಅಶ್ವಿನ್ ದಾಳಿಗೆ ತತ್ತರಿಸಿದ ಶ್ರೀಲಂಕಾ ತಂಡ ಸೋಲು ಕಂಡಿದೆ. ಶ್ರೀಲಂಕಾ ವಿರುದ್ಧ ಭಾರತಕ್ಕೆ 117 ರನ್ ಗಳ ಅಂತರದ ಗೆಲುವು ಸಿಕ್ಕಿದೆ. ಈ ಮೂಲಕ 22 ವರ್ಷಗಳ ನಂತರ ಶ್ರೀಲಂಕಾದಲ್ಲಿ ಟೀಂ ಇಂಡಿಯಾ ಸರಣಿ ಜಯ ದಾಖಲಿಸಿದೆ.
ಶ್ರೀಲಂಕಾ ಎದುರಿಗೆ 386ರನ್ ಗಳ ಗುರಿ ಇತ್ತು.ಟೆಸ್ಟ್ನ ನಾಲ್ಕನೆ ದಿನವಾದ ಸೋಮವಾರ ಆಟ ಕೊನೆಗೊಂಡಾಗ ಶ್ರೀಲಂಕಾ ಎರಡನೆ ಇನಿಂಗ್ಸ್ನಲ್ಲಿ 18.1 ಓವರ್ಗಳಲ್ಲಿ 3 ವಿಕೆಟ್ಗೆ 67 ರನ್ ಗಳಿಸಿತ್ತು. ಗೆಲುವಿಗೆ 319 ರನ್ ಗಳಿಸಬೇಕಾದ ಒತ್ತಡಕ್ಕೆ ಸಿಲುಕಿತ್ತು.
ಮೊದಲ ಅವಧಿಯಲ್ಲಿ ಭಾರತ 2 ವಿಕೆಟ್ ಮಾತ್ರ ಗಳಿಸಿತು. ಕೌಶಲ್ ಸಿಲ್ವಾ ಹಾಗೂ ಲಹಿರು ತಿರಿಮನ್ನೆ ವಿಕೆಟ್ ಒಪ್ಪಿಸಿದರು.ಕೊನೆಗೆ ಅಶ್ವಿನ್ 69ಕ್ಕೆ 4, ಇಶಾಂತ್ ಶರ್ಮ 32ಕ್ಕೆ 3, ಉಮೇಶ್ ಯಾದವ್ 65ಕ್ಕೆ 2 ವಿಕೆಟ್ ಹಾಗೂ ಅಮಿತ್ ಮಿಶ್ರಾ 1 ವಿಕೆಟ್ ಪಡೆದು ಜಯಕ್ಕೆ ತಮ್ಮ ಕೊಡುಗೆ ನೀಡಿದರು.