ಭಾರತೀಯರು ಮತ್ತು ಆಸಿಸ್ ಆಟಗಾರರೇ ಹೆಚ್ಚು
ಬ್ರಾಡ್ ಹಾಜ್ ಹೆಸರಿಸಿದ ಪ್ರಸಕ್ತ ಅತ್ಯುತ್ತಮ ತಂಡದಲ್ಲಿ ಆಸ್ಟ್ರೇಲಿಯಾ ಹಾಗೂ ಭಾರತೀಯ ಆಟಗಾರರೇ ತುಂಬಿಕೊಂಡಿದ್ದಾರೆ. ಈ ತಂಡದಲ್ಲಿ ಆಸ್ಟ್ರೇಲಿಯಾದ ನಾಲ್ವರು ಆಟಗಾರರು ಮತ್ತು ಭಾರತದ ನಾಲ್ವರು ಆಟಗಾರರು ಸ್ಥಾನವನ್ನು ಗಿಟ್ಟಿಸಿಕೊಂಡಿದ್ದಾರೆ. ಉಳಿದಂತೆ ತಲಾ ಒಬ್ಬರಂತೆ, ಪಾಕಿಸ್ತಾನ, ದಕ್ಷಿಣ ಆಫ್ರಿಕಾ ಮತ್ತು ನ್ಯೂಜಿಲೆಂಡ್ ಆಟಗಾರರಿದ್ದಾರೆ.
ಹಾಜ್ ತಂಡದಲ್ಲಿ ಸ್ಥಾನ ಪಡೆದ ಭಾರತೀಯರು?
ಬ್ರಾಡ್ ಹಾಜ್ ಹೆಸರಿಸಿದ ಈ ತಂಡದಲ್ಲಿ ಆರಂಭಿಕರಿಬ್ಬರೂ ಭಾರತೀಯರೇ ಆಗಿದ್ದಾರೆ. ಕನ್ನಡಿಗ ಮಯಾಂಕ್ ಅಗರ್ವಾಲ್ ಮತ್ತು ರೋಹಿತ್ ಶರ್ಮಾ ಆರಂಭಿಕರಾಗಿ ಅವಕಾಶವನ್ನು ಗಿಟ್ಟಸಿಕೊಂಡಿದ್ದಾರೆ. ಟೆಸ್ಟ್ ತಂಡದ ಉಪನಾಯಕ ಅಜಿಂಕ್ಯಾ ರಹಾನೆ ಕೂಡ ಈ ತಂಡದಲ್ಲಿ ಸ್ಥಾನವನ್ನು ಪಡದುಕೊಂಡಿದ್ದರೆ ವೇಗದ ಬೌಲರ್ ಮೊಹಮದ್ ಶಮಿ ಬೌಲಿಂಗ್ ವಿಭಾಗಕ್ಕೆ ಹೆಸರಿಸಲ್ಪಟ್ಟಿದ್ದಾರೆ.
ಡಿ ಕಾಕ್ ನಾಯಕ, ಪಾಕ್ನ ಬಾಬರ್ ಅಜಮ್ಗೆ 5ನೇ ಕ್ರಮಾಂಕ
ವಿಕೆಟ್ ಕೀಪಿಂಗ್ ಮತ್ತು ನಾಯಕತ್ವದ ಜವಾಬ್ಧಾರಿಯನ್ನು ಬ್ರಾಡ್ ಹಾಜ್ ದಕ್ಷಿಣ ಆಫ್ರಿಕಾದ ಕ್ವಿಂಟನ್ ಡಿ ಕಾಕ್ಗೆ ನೀಡಿದ್ದಾರೆ. ಮತ್ತೊಂದೆಡೆ ಪಾಕಿಸ್ತಾನದ ಸೀಮಿತ ಓವರ್ಗಳ ನಾಯಕ ಬಾಬಲ್ ಅಜಮ್ ಐದನೇ ಕ್ರಮಾಂಕಕ್ಕೆ ಆಯ್ಕೆಯಾಗಿದ್ದಾರೆ. ನ್ಯೂಜಿಲೆಂಡ್ ಕ್ರಿಕೆಟಿಗ ನೀಲ್ ವ್ಯಾಗ್ನರ್ ಮಧ್ಯಮ ವೇಗದ ಬೌಲರ್ ಅಗಿ ಅವಕಾಶವನ್ನು ಗಿಟ್ಟಿಸಿಕೊಂಡಿದ್ದಾರೆ.
ಆಸಿಸ್ ಆಟಗಾರರು ಯಾರೆಲ್ಲಾ?
ಆಸ್ಟ್ರೇಲಿಯಾದ ಮಾಜಿ ಆಟಗಾರ ಬ್ರಾಡ್ ಹಾಜ್ ಈ ತಂಡದಲ್ಲಿ ನಾಲ್ವರು ಆಸ್ಟ್ರೇಲಿಯಾ ಆಟಗಾರರನ್ನು ಹೆಸರಿಸಿದ್ದಾರೆ. ಆಸಿಸ್ ಕ್ರಿಕೆಟ್ನ ಹೊಸ ಸೆನ್ಸೇಶನ್ ಮರ್ನಾಸ್ ಲ್ಯಾಬುಶೈನ್ ಮತ್ತು ಸ್ಟೀವ್ ಸ್ಮಿತ್ ಬ್ಯಾಟಿಂಗ್ ವಿಭಾಗದಲ್ಲಿ ಆಯ್ಕೆ ಮಾಡಲಾಗಿದೆ. ವೇಗದ ಬೌಲಿಂಗ್ನಲ್ಲಿ ಪ್ಯಾಟ್ ಕಮ್ಮಿನ್ಸ್ ಅವಕಾಶ ಪಡೆದರೆ ಸ್ಪಿನ್ನರ್ ನಥನ್ ಲಯನ್ ಅವರನ್ನು ಏಕೈಕ ಸ್ಪಿನ್ನರ ್ಆಗಿ ಆಯ್ಕೆ ಮಾಡಲಾಗಿದೆ.
ಕೊಹ್ಲಿಗೆ ಯಾಕಿಲ್ಲ ಅವಕಾಶ?
ಈ ತಂಡದಲ್ಲಿ ಕೊಹ್ಲಿಯನ್ನು ಯಾಕೆ ಕೈ ಬಿಡಲಾಗಿದ ಎಂಬುದು ನನ್ನನ್ನು ಹಲವರು ಪ್ರಶ್ನಿಸುತ್ತಿದ್ದಾರೆ ಎಂದು ಬ್ರಾಡ್ ಹಾಜ್ ಹೇಳಿಕೊಂಡಿದ್ದು ಅದಕ್ಕೆ ಕಾರಣವನ್ನೂ ವಿವರಿಸಿದ್ದಾರೆ. ಸದ್ಯದ ಫಾರ್ಮ್ಅನ್ನು ದೃಷ್ಟಿಯಲ್ಲಿಟ್ಟುಕೊಂಡು ಈ ತಂಡವನ್ನು ಹೆಸರಿಸಲಾಗಿದೆ. ಕಳೆದ 15 ಇನ್ನಿಂಗ್ಸ್ಗಳಲ್ಲಿ ಕೇವಲ ನಾಲ್ಕರಲ್ಲಿ ಮಾತ್ರವೇ ಕೊಹ್ಲಿ 31ರ ಗಡಿ ದಾಟಿದ್ದಾರೆ ಎಂದು ಕಾರಣವನ್ನು ಬಿಚ್ಚಿದ್ದಾರೆ.
ಬ್ರಾಜ್ ಹಾಜ್ ಹೆಸರಿಸಿದ ಪ್ರಸಕ್ತ ಬೆಸ್ಟ್ ಟೆಸ್ಟ್ ತಂಡ ಹೀಗಿದೆ
ಮಾಯಾಂಕ್ ಅಗರ್ವಾಲ್, ರೋಹಿತ್ ಶರ್ಮಾ, ಮಾರ್ನಸ್ ಲಾಬುಸ್ಚಾಗ್ನೆ, ಸ್ಟೀವ್ ಸ್ಮಿತ್, ಬಾಬರ್ ಅಜಮ್, ಅಜಿಂಕ್ಯ ರಹಾನೆ, ಕ್ವಿಂಟನ್ ಡಿ ಕಾಕ್ (ನಾಯಕ ಮತ್ತು ವಿಕೆಟ್ ಕೀಪರ್), ಪ್ಯಾಟ್ ಕಮ್ಮಿನ್ಸ್, ಮೊಹಮ್ಮದ್ ಶಾಮ್, ನೀಲ್ ವ್ಯಾಗ್ನರ್, ನಾಥನ್ ಲಿಯಾನ್.