ಟಾಪ್-1 ವಿರಾಟ್ ಕೊಹ್ಲಿ-26 ಶತಕ
ಚೇಸಿಂಗ್ ಮಾಸ್ಟರ್ ಎಂದೇ ಖ್ಯಾತಿ ಹೊಂದಿರುವ ವಿರಾಟ್ ಕೊಹ್ಲಿ ಈ ಪಟ್ಟಿಯಲ್ಲಿ ಮೊದಲನೇ ಸ್ಥಾನವನ್ನು ಪಡೆದುಕೊಂಡಿದ್ದಾರೆ. ವಿರಾಟ್ ತಮ್ಮ ಹೆಚ್ಚಿನ ಶತಕ ಗಳಿಕೆಯನ್ನು ಚೇಸಿಂಗ್ ಸಂದರ್ಭದಲ್ಲೇ ಮಾಡಿದ್ದಾರೆ ಎಂಬುದು ಮತ್ತೊಂದು ಮಹತ್ವದ ಸಂಗತಿಯಾಗಿದೆ. ಒಟ್ಟಾರೆ 43 ಏಕದಿನ ಶತಕ ಬಾರಿಸಿರುವ ವಿರಾಟ್ ಚೇಸಿಂಗ್ನಲ್ಲಿ 26 ಶತಕ ಬಾರಿಸಿದ್ದಾರೆ ಈ ಪಟ್ಟಿಯಲ್ಲಿ ದಾಖಲೆಯನ್ನು ಬರೆದುಕೊಂಡಿದ್ದಾರೆ. ಕೊಹ್ಲಿಯ ರನ್ ಚೇಸಿಂಗ್ ಶತಕದ 22 ಸಂದರ್ಭದಲ್ಲಿ ಟೀಮ್ ಇಂಡಿಯಾ ಗೆಲುವು ಕಂಡಿದೆ.
ಟಾಪ್-2 ಸಚಿನ್ ತೆಂಡೂಲ್ಕರ್-17 ಶತಕ
ಈ ಪಟ್ಟಿಯಲ್ಲಿರುವ ಎರಡನೇ ಸ್ಥಾನವನ್ನು ಪಡೆದುಕೊಂಡಿರುವ ಆಟಗಾರ ಸಚಿನ್ ತೆಂಡೂಲ್ಕರ್. ಏಕದಿನ ಕ್ರಿಕೆಟ್ನಲ್ಲಿ 49 ಶತಕ ಬಾರಿಸಿ ಸರ್ವಾಧಿಕ ದಾಖಲೆ ಹೊಂದಿರುವ ಸಚಿನ್ ಚೇಸಿಂಗ್ನಲ್ಲಿ 17 ಬಾರಿ ಶತಕದ ಸಾಧನೆಯನ್ನು ಮಾಡಿದ್ದಾರೆ. ಸಚಿನ್ ಚೇಸಿಂಗ್ ವೇಳೆ ಶತಕ ಬಾರಿಸಿದ 14 ಪಂದ್ಯಗಳಲ್ಲಿ ಭಾರತ ಗೆಲುವನ್ನು ಸಾಧಿಸಿದೆ.
ಟಾಪ್-3 ರೋಹಿತ್ ಶರ್ಮಾ- 14 ಶತಕ
ಸೀಮಿತ ಓವರ್ಗಳ ಕ್ರಿಕೆಟ್ನಲ್ಲಿ ವಿಶ್ವದ ಶ್ರೇಷ್ಠ ಆಟಗಾರರಲ್ಲಿ ಓರ್ವ ಎನಿಸಿಕೊಂಡಿರುವ ರೋಹಿತ್ ಶರ್ಮಾ ಕೂಡ ಈ ಪಟ್ಟಯಲ್ಲಿದ್ದಾರೆ. ರನ್ ಚೇಸಿಂಗ್ ಸಂದರ್ಭದಲ್ಲಿ ರೋಹಿತ್ ಶರ್ಮಾ 14 ಶತಕವನ್ನು ಬಾರಿಸಿದ ದಾಖಲೆ ಹೊಂದಿದ್ದಾರೆ. ಒಟ್ಟಾರೆಯಾಗಿ ರೋಹಿತ್ ಶರ್ಮಾ ಹೆಸರಿನಲ್ಲಿ ಏಕದಿನ ಕ್ರಿಕೆಟ್ನಲ್ಲಿ 29 ಶತಕಗಳು ದಾಖಲಾಗಿದೆ.
ಟಾಪ್-4 ಕ್ರಿಸ್ ಗೇಲ್- 12 ಶತಕ
ವೆಸ್ಟ್ ಇಂಡೀಸ್ ತಂಡದ ದಿಗ್ಗಜ ಕ್ರಿಕೆಟಿಗ ಕ್ರಿಸ್ ಗೇಲ್ ಈ ಪಟ್ಟಿಯಲ್ಲಿರವ ಏಕೈಕ ವಿದೇಶಿ ಆಟಗಾರ. ಕ್ರಿಸ್ ಗೇಲ್ ರನ್ ಬೆನ್ನಟ್ಟುವ ಸಂದರ್ಭದಲ್ಲಿ 12 ಬಾರಿ ಶತಕವನ್ನು ದಾಖಲಿಸಿ ಈ ಪಟ್ಟಿಯಲ್ಲಿ ಸೇರಿಕೊಂಡಿದ್ದಾರೆ. ಸ್ಪೋಟಕವಾಗಿ ಬ್ಯಾಟ್ಬೀಸುವ ಸಾಮರ್ಥ್ಯ ಹೊಂದಿರುವ ಗೇಲ್ ರನ್ ಬೆನ್ನಟ್ಟುವ ಸಂದರ್ಭದಲ್ಲಿ ಶತಕದ ಸಾಧನೆ ಮಾಡಿದ 8 ಪಂದ್ಯಗಳಲ್ಲಷ್ಟೇ ವಿಂಡೀಸ್ ಗೆಲುವು ಕಂಡಿದೆ.
ಭಾರತೀಯರದ್ದೇ ಪಾರುಪತ್ಯ
ರನ್ ಚೇಸಿಂಗ್ ಸಂದರ್ಭದಲ್ಲಿ ಶತಕ ಗಳಿಸಿದವರ ಪಟ್ಟಿಯಲ್ಲಿ ಟೀಮ್ ಇಂಡಿಯಾ ಆಟಗಾರರೇ ಪಾರಮ್ಯ ಮೆರೆದಿದ್ದಾರೆ. ನಾಲ್ವರು ಆಟಗಾರರ ಒಟ್ಟಿಯಲ್ಲಿ ಭರ್ಜರಿ ಮೂವರು ಭಾರತೀಯರಿದ್ದಾರೆ. ಅದರಲ್ಲೂ ಮೊದಲನೇ ಸ್ಥಾನದಲಲ್ಲಿರುವ ವಿರಾಟ್ ಕೊಹ್ಲಿ ಮತ್ತು ಮೂರನೇ ಸ್ಥಾನದಲ್ಲಿರುವ ರೋಹಿತ್ ಶರ್ಮಾ ಸಕ್ರಿಯ ಆಟಗಾರರಾಗಿದ್ದು ತಮ್ಮ ಉತ್ಕೃಷ್ಟ ಫಾರ್ಮ್ನಲ್ಲಿದ್ದಾರೆ. ತಮ್ಮ ದಾಖಲೆಯನ್ನು ಮತ್ತಷ್ಟು ಬಲಪಡಿಸಿಕೊಳ್ಳುವುದರಲ್ಲಿ ಯಾವುದೇ ಅನುಮಾನವಿಲ್ಲ.