ಶೇನ್ ವಾಟ್ಸನ್ (36 ವರ್ಷ 340 ದಿನ)
ಹಿರಿ ವಯಸ್ಸಿನಲ್ಲಿ ಐಪಿಎಲ್ನಲ್ಲಿ ಶತಕ ದಾಖಲಿಸಿದ ಆಟಗಾರರ ಪೈಕಿ ಶೇನ್ ವಾಟ್ಸನ್ ಐದನೇ ಆಟಗಾರನಾಗಿದ್ದಾರೆ. 2018ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಪರವಾಗಿ ಆಡಿದ್ದ ವಾಟ್ಸನ್ ಆ ಸೀಸನ್ನ ಫೈನಲ್ ಪಂದ್ಯದಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ ಭರ್ಜರಿ ಶತಕವನ್ನು ದಾಖಲಿಸಿ ಗೆಲುವಿಗೆ ಕಾರಣರಾಗಿದ್ದರು. ಶೇನ್ ವಾಟ್ಸನ್ ದಾಖಲಿಸಿದ ಈ ಶತಕ ಐಪಿಎಲ್ನಲ್ಲಿ ಹಿರಿಯ ಆಟಗಾರನೋರ್ವ ದಾಖಲಿಸಿದ ಶತಕಗಳ ಪಟ್ಟಿಯಲ್ಲಿ ಐದನೇ ಸ್ಥಾನದಲ್ಲಿದೆ. ಈ ಶತಕವನ್ನು ವಾಟ್ಸನ್ 36 ವರ್ಷ 340 ದಿನದಂದು ದಾಖಲಿಸಿದ್ದಾರೆ.
ಸಚಿನ್ ತೆಂಡೂಲ್ಕರ್ (37 ವರ್ಷ 356ದಿನ)
ಶತಕ ದಾಖಲಿಸಿದ ಹಿರಿಯ ಆಟಗಾರರ ಪಟ್ಟಿಯಲ್ಲಿರುವ ಏಕೈಕ ಭಾರತೀಯ ಸಚಿನ್ ತೆಂಡೂಲ್ಕರ್. ಸಚಿನ್ ಈ ಶತಕವನ್ನು ತಮ್ಮ 38ನೇ ಹುಟ್ಟುಹಬ್ಬದ ಕೆಲವೇ ದಿನಗಳ ಮುನ್ನ ದಾಖಲಿಸಿದ್ದರು. 2011ರಲ್ಲಿ ಕೊಚ್ಚಿ ಟಸ್ಕರ್ಸ್ ವಿರುದ್ಧದ ಪಂದ್ಯದಲ್ಲಿ ಸಚಿನ್ ಭರ್ಜರಿ 100 ರನ್ ದಾಖಲಿಸಿದ್ದರು. ಈ ಪಂದ್ಯವನ್ನು ಮುಂಬೈ ತಂಡ ಸೋತಿದ್ದರೂ ಸಚಿನ್ ಶತಕ ಅಭಿಮಾನಿಗಳ ಮನಗೆದ್ದಿತ್ತು.
ಕ್ರಿಸ್ ಗೇಲ್ (38 ವರ್ಷ 209 ದಿನ)
ಟಿ20 ಕ್ರಿಕೆಟ್ ಇತಿಹಾಸದಲ್ಲಿ ಕ್ರಿಸ್ ಗೇಲ್ ಅತ್ಯಂತ ಭಯಾನಕ ಆಟಗಾರ. 40 ರನ್ಗಳಿಸಿದ ನಂತರ ಈತನನ್ನು ಔಟ್ ಮಾಡಲು ಸಾಧ್ಯವೇ ಇಲ್ಲ ಎನ್ನುವಷ್ಟು ಡೇಣಜರಸ್ ಆಟಗಾರ ಕ್ರೀಸ್ ಗೇಲ್. ಎರಡು ವರ್ಷಗಳ ಹಿಂದೆ ಕ್ರಿಸ್ ಗೇಲ್ ಪಂಜಾಬ್ ತಂಡದ ಪರವಾಗಿ ಸನ್ ರೈಸರ್ಸ್ ಹೈದರಾಬಾದ್ ವಿರುದ್ಧ ಗಳಿಸಿದ್ದ 104ರನ್ ಕ್ರಿಸ ಗೇಲ್ ಅವರನ್ನು ಶತಕ ಗಳಿಸಿದ ಅತಿ ಹಿರಿಯ ಆಟಗಾರರ ಪಟ್ಟಿಯಲ್ಲಿ ಮೂರನೇ ಸ್ಥಾನಕ್ಕೆ ಕೂರಿಸಿದೆ. ಆಗ ಕ್ರಿಸ್ ಗೇಲ್ಗೆ ಸರಿಯಾಗಿ 38 ವರ್ಷ 209 ದಿನವಾಗಿತ್ತು.
ಸನತ್ ಜಯಸೂರ್ಯ (38 ವರ್ಷ 319 ದಿನ)
ಶ್ರೀಲಂಕಾದ ದಿಗ್ಗಜ ಆಟಗಾರ ಸನತ್ ಜಯಸೂರ್ಯ ವಿರ್ಶವ ಕ್ರಿಕೆಟ್ ಕಂಡ ಸ್ಪೋಟಕ ಆಟಗಾರರಲ್ಲಿ ಒಬ್ಬರು. ಜಯಸೂರ್ಯ ತನ್ನ ಕ್ರಿಕೆಟ್ ಜೀವನದ ಅಂತ್ಯದವರೆಗೂ ಅದೇ ಸ್ಪೋಟಕ ಆಟವನ್ನು ಪ್ರದರ್ಶಿಸಿದ್ದರು ಎಂಬುದಕ್ಕೆ ಅವರ ಈ ಶತಕವೇ ಸಾಕ್ಷಿ. ಐಪಿಎಲ್ನ ಉದ್ಘಾಟನಾ ಟೂರ್ನಿಯಲ್ಲಿ ಜಯಸೂರ್ಯ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ಅಜೇಯ 114ರನ್ ದಾಖಲಿಸಿದ್ದರು. ಆಗ ಜಯಸೂರ್ಯ ವಯಸ್ಸು 38 ವರ್ಷ 319 ದಿನ.
ಆಡಮ್ ಗಿಲ್ಕ್ರಿಸ್ಟ್ (39 ವರ್ಷ 184 ದಿನ)
ಐಪಿಎಲ್ನಲ್ಲಿ ಶತಕ ಸಿಡಿಸಿದ ಹಿರಿಯ ಆಟಗಾರರ ಪೈಕಿ ಮೊದಲ ಸ್ಥಾನವನ್ನು ಅಲಂಕರಿಸಿರುವುದು ಆಸ್ಟ್ರೇಲಿಯಾದ ದಿಗ್ಗಜ ಆಡಮ್ ಗಿಲ್ಕ್ರಿಸ್ಟ್. ಕಿಂಗ್ಸ್ ಇಲವೆನ್ ಪಂಜಾಬ್ ತಂಡದ ಪರವಾಗಿ ಗಿಲ್ಕ್ರಿಸ್ಟ್ ಈ ಶತಕವನ್ನು ದಾಖಲಿಸಿ ದಾಖಲೆ ಬರೆದಿದ್ದಾರೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ವಿರುದ್ಧ ನಡೆದ ಪಂದ್ಯದಲ್ಲಿ 111 ರನ್ ಸಿಡಿಸಿದ್ದರು. ಆಗ ಗಿಲ್ಕ್ರಿಸ್ಟ್ಗೆ 39 ವರ್ಷ 184 ದಿನವಾಗಿತ್ತು. ಇದು ಐಪಿಎಲ್ ಇತಿಹಾಸದಲ್ಲಿ ಹಿರಿಯ ಆಟಗಾರ ದಾಖಲಿಸಿದ ಶತಕದ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದೆ.