1. ಟೈಮಲ್ ಮಿಲ್ಸ್
ಇತ್ತೀಚೆಗಷ್ಟೇ ಪಾಕಿಸ್ತಾನ್ ಸೂಪರ್ ಲೀಗ್ಗಿಂತ ಇಂಡಿಯನ್ ಪ್ರೀಮಿಯರ್ ಲೀಗ್ ಅತ್ಯುತ್ತಮ ಟೂರ್ನಿ ಎಂದು ಕೊಂಡಾಡಿದ್ದ ಇಂಗ್ಲೆಂಡ್ ಕ್ರಿಕೆಟಿಗ ಟೈಮಲ್ ಮಿಲ್ಸ್ 2017ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ಆಯ್ಕೆಯಾಗಿದ್ದರು. ಆ ವರ್ಷದ ಹರಾಜಿನಲ್ಲಿ ಬರೋಬ್ಬರಿ 12 ಕೋಟಿಗೆ ಖರೀದಿಸಲ್ಪಟ್ಟಿದ್ದ ಟೈಮಲ್ ಮಿಲ್ಸ್ ಬೆಂಗಳೂರು ತಂಡದ ಪರ 5 ಪಂದ್ಯಗಳನ್ನಾಡಿ ಕೇವಲ 5 ವಿಕೆಟ್ಗಳನ್ನು ಪಡೆದುಕೊಂಡು ಕಳಪೆ ಪ್ರದರ್ಶನ ನೀಡಿದ್ದರು.
2. ಯುವರಾಜ್ ಸಿಂಗ್
ಐಪಿಎಲ್ ಇತಿಹಾಸದಲ್ಲಿ ಉತ್ತಮ ಆಟವನ್ನು ಆಡಿದ್ದ ಕಾರಣಕ್ಕೆ ಯುವರಾಜ್ ಸಿಂಗ್ ದೊಡ್ಡ ಮಟ್ಟದ ಬೇಡಿಕೆಯನ್ನು ಹೊಂದಿದ್ದರು. ಈ ಕಾರಣದಿಂದಲೇ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಯುವರಾಜ್ ಸಿಂಗ್ರನ್ನು 14 ಕೋಟಿ ನೀಡುವುದರ ಮೂಲಕ 2014ರ ಐಪಿಎಲ್ ಹರಾಜಿನಲ್ಲಿ ಖರೀದಿಸಿತ್ತು. ಆ ಆವೃತ್ತಿಯಲ್ಲಿ ಯುವರಾಜ್ ಸಿಂಗ್ 376 ರನ್ ಗಳಿಸಿದರೂ ಕೂಡ 16 ಕೋಟಿಗೆ ತಕ್ಕನಾದ ಆಟವನ್ನು ಆಡಲಿಲ್ಲ.
3. ದಿನೇಶ್ ಕಾರ್ತಿಕ್
ದಿನೇಶ್ ಕಾರ್ತಿಕ್ 2015ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಪಾಲಾದರು. ಆ ವರ್ಷದ ಐಪಿಎಲ್ ಹರಾಜಿನಲ್ಲಿ 10.5 ಕೋಟಿಯ ದೊಡ್ಡ ಮೊತ್ತವನ್ನು ಬೆಂಗಳೂರು ತಂಡ ದಿನೇಶ್ ಕಾರ್ತಿಕ್ ಖರೀದಿಗೆ ಹೂಡಿತ್ತು. ಆದರೆ ನೀಡಿದಂತಹ ದೊಡ್ಡ ಮೊತ್ತಕ್ಕೆ ತಕ್ಕಂತ ಆಟ ದಿನೇಶ್ ಕಾರ್ತಿಕ್ ಬ್ಯಾಟ್ನಿಂದ ಬರಲಿಲ್ಲ. ಆ ಆವೃತ್ತಿಯಲ್ಲಿ ದಿನೇಶ್ ಕಾರ್ತಿಕ್ ಬೆಂಗಳೂರು ತಂಡದ ಪರ 141 ರನ್ ಬಾರಿಸಿ ಸಾಧಾರಣ ಆಟವನ್ನಾಡಿದರು.
4. ಕ್ರಿಸ್ ವೋಕ್ಸ್
2017ರಲ್ಲಿ ಕೊಲ್ಕತ್ತಾ ನೈಟ್ ರೈಡರ್ಸ್ ಪರ ಭರ್ಜರಿ ಪ್ರದರ್ಶನ ನೀಡಿದ್ದ ಆಲ್ರೌಂಡರ್ ಕ್ರಿಸ್ ವೋಕ್ಸ್ 17 ವಿಕೆಟ್ ಪಡೆದು ಮಿಂಚಿದ್ದರು. ಈ ಕಾರಣದಿಂದಲೇ 2018ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಕ್ರಿಸ್ ವೋಕ್ಸ್ಗೆ 7.4 ಕೋಟಿ ನೀಡಿ ಖರೀದಿಸಿತ್ತು. ಆದರೆ ಆ ಆವೃತ್ತಿಯಲ್ಲಿ ಕ್ರಿಸ್ ವೋಕ್ಸ್ ಹೇಳಿಕೊಳ್ಳುವಂತಹ ಪ್ರದರ್ಶನ ನೀಡದೆ ನೆಲಕಚ್ಚಿದರು. ಹಾಗೂ ಮುಂದಿನ ಆವೃತ್ತಿಯಲ್ಲಿ ಕ್ರಿಸ್ ವೋಕ್ಸ್ ಯಾವ ತಂಡದಿಂದಲೂ ಖರೀದಿಸಲ್ಪಡಲಿಲ್ಲ.
5. ಸೌರಭ್ ತಿವಾರಿ
2011ರ ಐಪಿಎಲ್ ಹರಾಜಿನಲ್ಲಿ ಅತಿಹೆಚ್ಚು ಮೊತ್ತಕ್ಕೆ ಖರೀದಿಸಲ್ಪಟ್ಟ ಆಟಗಾರ ಎಂದರೆ ಅದು ಸೌರಭ್ ತಿವಾರಿ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಸೌರಭ್ ತಿವಾರಿಗೆ 16 ಲಕ್ಷ ಡಾಲರ್ ನೀಡಿ ಖರೀದಿಸಿತು. ಅದೇ ಆವೃತ್ತಿಯಲ್ಲಿ ಎಬಿ ಡಿವಿಲಿಯರ್ಸ್ 11 ಲಕ್ಷ ಡಾಲರ್ಗೆ ಖರೀದಿಸಲ್ಪಟ್ಟಿದ್ದರು. ಎಬಿಡಿಗಿಂತ ಹೆಚ್ಚು ಮೊತ್ತಕ್ಕೆ ಬೆಂಗಳೂರು ತಂಡದಿಂದ ಖರೀದಿಸಲ್ಪಟ್ಟ ಸೌರಭ್ ತಿವಾರಿ ಆರ್ಸಿಬಿ ಪರ 3 ಆವೃತ್ತಿಗಳನ್ನಾಡಿ ಕೇವಲ 487 ರನ್ ಗಳಿಸಿ ತೀರಾ ಕಳಪೆ ಪ್ರದರ್ಶನವನ್ನು ನೀಡಿದರು.