ಆರ್‌ಸಿಬಿಯ ನಿರಾಶಾದಾಯಕ ಆಟಗಾರನ ಹೆಸರಿಸಿದ ಆಕಾಶ್ ಚೋಪ್ರಾ!

ಬೆಂಗಳೂರು: ಯುನೈಟೆಡ್ ಅರಬ್ ಎಮಿರೇಟ್ಸ್‌ನಲ್ಲಿ ನಡೆದಿದ್ದ 13ನೇ ಐಪಿಎಲ್ ಆವೃತ್ತಿಯ ಐಪಿಎಲ್ ಒಂದಿಷ್ಟು ವಿಚಿತ್ರ ಸಂಗತಿಳಿಗೆ ಸಾಕ್ಷಿಯಾಗಿತ್ತು. ಅಲ್ಲಿ ನಾವು ಬಲಿಷ್ಠ ತಂಡವೊಂದು ಅತೀ ದುರ್ಬಲ ತಂಡವಾಗಿ ನೀರಸ ಪ್ರದರ್ಶನ ನೀಡಿದ್ದನ್ನು ನೋಡಿದೆವು. ದುರ್ಬಲ ಎಂದು ಗುರುತಿಸಿಕೊಂಡಿದ್ದ ತಂಡ ಬಲಾಡ್ಯ ತಂಡಗಳಿಗೆ ಬೆವರಿಳಿಸಿದ್ದನ್ನು ಗಮನಿಸಿದ್ದೆವು. ಈ ವಿಭಿನ್ನ ಎರಡು ತಂಡಗಳೆಂದರೆ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್.

ಎಲ್ಲಾ ಮಾದರಿಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿದ ವೇಗಿ ಸುದೀಪ್ ತ್ಯಾಗಿ

ಐಪಿಎಲ್ ಪ್ರತೀ ಸೀಸನ್‌ನಲ್ಲೂ ಆರಾಮವಾಗಿ ಪ್ಲೇ ಆಫ್‌ಗೆ ಪ್ರವೇಶಿಸುತ್ತಿದ್ದ, ಮೂರು ಬಾರಿ ಚಾಂಪಿಯನ್ಸ್ ಪಟ್ಟಕ್ಕೇರಿದ್ದ ಚೆನ್ನೈ ಸಿಎಸ್‌ಕೆ ಈ ಬಾರಿ ಆರಂಭದಲ್ಲೇ ಟೂರ್ನಿಯಿಂದ ಹೊರ ಬಿದ್ದಿದ್ದರೆ, ಒಂದು ಸಾರಿಯೂ ಫೈನಲ್‌ಗೆ ಪ್ರವೇಶಿಸದ ಡಿಸಿ ಈ ಬಾರಿ ಪ್ರಶಸ್ತಿ ಸುತ್ತಿಗೇರಿ ಕೆಟ್ಟ ದಾಖಲೆ ಮುರಿದಿತ್ತು.

ಶಕೀಬ್ ಅಲ್ ಹಸನ್‌ಗೆ ಜೀವ ಬೆದರಿಕೆಯೊಡ್ಡಿದ್ದ ವ್ಯಕ್ತಿಯ ಬಂಧನ

ಅಷ್ಟೇ ಅಲ್ಲ, ಬಲಿಷ್ಠರೆನಿಸಿಕೊಂಡವರೂ ಈ ಬಾರಿ ನಿರಾಸೆಯ ಪ್ರದರ್ಶನ ನೀಡಿದ್ದು ಕಾಣಸಿಕ್ಕಿತ್ತು. ಅಂಥ ಆಟಗಾರರೊಬ್ಬರನ್ನು ಭಾರತದ ಮಾಜಿ ಬ್ಯಾಟ್ಸ್‌ಮನ್ ಆಕಾಶ್ ಚೋಪ್ರಾ ಹೆಸರಿಸಿದ್ದಾರೆ.

ನಿರಾಶಾದಾಯಕ ಆಟಗಾರ

ನಿರಾಶಾದಾಯಕ ಆಟಗಾರ

ಆಸ್ಟ್ರೇಲಿಯಾ ನಾಯಕ, ಬ್ಯಾಟ್ಸ್‌ಮನ್ ಆ್ಯರನ್ ಫಿಂಚ್ ಅವರನ್ನು ಐಪಿಎಲ್ 2020ರ ಸೀಸನ್‌ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರಿನ ಅತ್ಯಂತ ನಿರಾಶಾದಾಯಕ ಆಟಗಾರ ಎಂದು ಮಾಜಿ ಬ್ಯಾಟ್ಸ್‌ಮನ್ ಆಕಾಶ್ ಚೋಪ್ರಾ ಕರೆದಿದ್ದಾರೆ. ಫಿಂಚ್ ಈ ಬಾರಿ ಆರ್‌ಸಿಬಿ ಪಾಲಾಗಿ ಕುತೂಹಲ ಮೂಡಿಸಿದ್ದರಾದರೂ ನಿರೀಕ್ಷಿತ ಪ್ರದರ್ಶನ ನೀಡಿರಲಿಲ್ಲ.

ದುಬಾರಿ ಬೆಲೆಗೆ ಖರೀದಿ

ದುಬಾರಿ ಬೆಲೆಗೆ ಖರೀದಿ

ಆಸ್ಟ್ರೇಲಿಯಾ ತಂಡದ ಸ್ಫೋಟಕ ಬ್ಯಾಟ್ಸ್‌ಮನ್ ಆ್ಯರನ್ ಫಿಂಚ್ ಅವರನ್ನು ಈ ಬಾರಿಯ ಆಟಗಾರರ ಹರಾಜಿನ ವೇಳೆ ಆರ್‌ಸಿಬಿ 4.4 ಕೋಟಿ ರೂ.ಗೆ ಖರೀದಿಸಿತ್ತು. ಪಿಂಚ್‌ ಮೇಲೆ ಆರ್‌ಸಿಬಿ ಬಹಳಷ್ಟು ನಿರೀಕ್ಷೆಯೂ ಇಟ್ಟುಕೊಂಡಿತ್ತು. ಆದರೆ ಒಟ್ಟು 12 ಪಂದ್ಯಗಳನ್ನಾಡಿದ್ದ ಫಿಂಚ್ 22.33ರ ಸರಾಸರಿ, 111.20 ಸ್ಟ್ರೈಕ್ ರೇಟ್‌ನಂತೆ ಕೇವಲ 268 ರನ್ ಗಳಿಸಿದ್ದರು.

ಮೋಹೀನ್ ಅಲಿಗೆ ಅವಕಾಶ ನೀಡಿಲ್ಲ

ಮೋಹೀನ್ ಅಲಿಗೆ ಅವಕಾಶ ನೀಡಿಲ್ಲ

ಫೇಸ್ಬುಕ್ ಪೇಜ್‌ನ ವಿಡಿಯೋದಲ್ಲಿ ಮಾತನಾಡಿದ ಆಕಾಶ್ ಚೋಪ್ರಾ, 'ಈ ಸೀಸನ್‌ನಲ್ಲಿ ಆರ್‌ಸಿಬಿ ಪಾಲಿಗೆ ಆ್ಯರನ್ ಫಿಂಚ್ ಬಲು ದೊಡ್ಡ ನಿರಾಶಾದಾಯಕ ಆಟಗಾರ. ಅವರಿಗೆ ಬ್ಯಾಟಿಂಗ್‌ಗಾಗಿ ಬಹಳಷ್ಟು ಅವಕಾಶಗಳನ್ನು ನೀಡಲಾಗಿತ್ತು. ಹೀಗಾಗಿ ಅವರಿಗೆ ಅವಕಾಶ ನೀಡಿರಲಿಲ್ಲ ಅಂತ ಯಾರೂ ಹೇಳೋಹಾಗಿಲ್ಲ. ನೀವು ಬೇಕಾದರೆ ಮೋಯೀನ್ ಅಲಿಗೆ ಅವಕಾಶ ನೀಡಿಲ್ಲ ಅಂತ ಹೇಳಬಹುದು,' ಎಂದಿದ್ದಾರೆ.

ಉತ್ತಮ ಬ್ಯಾಟಿಂಗ್ ರೆಕಾರ್ಡ್

ಉತ್ತಮ ಬ್ಯಾಟಿಂಗ್ ರೆಕಾರ್ಡ್

34ರ ಹರೆಯದ ಆ್ಯರನ್ ಫಿಂಚ್ ಬ್ಯಾಟಿಂಗ್ ರೆಕಾರ್ಡ್ ಚೆನ್ನಾಗಿಯೇ ಇದೆ. 5 ಟೆಸ್ಟ್ ಪಂದ್ಯಗಳಲ್ಲಿ 278 ರನ್, 129 ಏಕದಿನ ಪಂದ್ಯಗಳಲ್ಲಿ 4983 ರನ್, 64 ಟಿ20ಐ ಪಂದ್ಯಗಳಲ್ಲಿ 2114 ರನ್, 87 ಐಪಿಎಲ್ ಪಂದ್ಯಗಳಲ್ಲಿ 2005 ರನ್ ಬಾರಿಸಿದ್ದಾರೆ. ಏಕದಿನದಲ್ಲಿ 16 ಶತಕ, 27 ಅರ್ಧ ಶತಕ, ಟಿ20ಐನಲ್ಲಿ 2 ಶತಕ, 12 ಅರ್ಧಶತಕಗಳನ್ನು ಬಾರಿಸಿದ್ದಾರೆ.

For Quick Alerts
ALLOW NOTIFICATIONS
For Daily Alerts
 

ಕ್ರಿಕೆಟನ್ನು ಪ್ರೀತಿಸುತ್ತೀರಾ? ಋಜುವಾತುಪಡಿಸಿ! ಮೈಖೇಲ್ ಫ್ಯಾಂಟಸಿ ಕ್ರಿಕೆಟ್ ಆಟವಾಡಿ

Story first published: Wednesday, November 18, 2020, 8:11 [IST]
Other articles published on Nov 18, 2020
POLLS
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X