![17.3ನೇ ಓವರ್ನಿಂದ ಸಿಕ್ಸ್ ಶುರು 17.3ನೇ ಓವರ್ನಿಂದ ಸಿಕ್ಸ್ ಶುರು](https://images.mykhel.com/kn/img/2019/09/mohammadnabi-1568542955.jpg)
17.3ನೇ ಓವರ್ನಿಂದ ಸಿಕ್ಸ್ ಶುರು
ತೆಂದೈ ಚತಾರಾ ಅವರ 18ನೇ ಓವರ್ನ ಮೊದಲೆರಡು ಎಸೆತಗಳಿಗೆ ಸಿಂಗಲ್ ರನ್ ಗಳಿಸಿದ ನಬಿ, ಝದ್ರನ್ ಜೋಡಿ, ಅನಂತರ 17.3ನೇ ಓವರ್ನಿಂದ ಸಿಕ್ಸ್ ಬಾರಿಸಲು ಶುರು ಮಾಡಿತು. ಸೆವೆನ್ ಸಿಕ್ಸ್ಗೆ ಚಾಲನೆ ಲಭಿಸಿದ್ದು ನಭಿ ಅವರಿಂದ. 17.6 ಓವರ್ನಲ್ಲಿ ನಬಿ ಔಟಾಗುವಾಗ ಸತತ 3 ಸಿಕ್ಸ್ಗಳು ಸಿಡಿದಿದ್ದವು.
![ಝದ್ರನ್ ಬ್ಯಾಟಿಂಗ್ ಝದ್ರನ್ ಬ್ಯಾಟಿಂಗ್](https://images.mykhel.com/kn/img/2019/09/najibullahzadran-1568542986.jpg)
ಝದ್ರನ್ ಬ್ಯಾಟಿಂಗ್
ಅನಂತರ ಸ್ಟ್ರೈಕ್ಗೆ ಬಂದ ಝದ್ರನ್ 19ನೇ ಓವರ್ನಲ್ಲಿ ಅಂದರೆ 18.1, 18.2, 18.3, 18.4ನೇ ಓವರ್ನಲ್ಲಿ ಸಿಕ್ಸ್ ಬಾರಿಸಿದರು. ಹೀಗಾಗಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಅಫ್ಘಾನಿಸ್ತಾನ 20 ಓವರ್ಗೆ 5 ವಿಕೆಟ್ ನಷ್ಟದಲ್ಲಿ 197 ಉತ್ತಮ ರನ್ ಮಾಡಿತು. ಇದರಲ್ಲಿ ಆರಂಭಿಕ ಬ್ಯಾಟ್ಸ್ಮನ್ ರಹಮನುಲ್ಲ ಗುರ್ಬಾನ್ ಅವರ 43 ರನ್ ಕೂಡ ಗಣನೀಯವಾಗಿತ್ತು.
69 ರನ್ ಕೊಡುಗೆ
ಒಟ್ಟಿನಲ್ಲಿ ಈ ಪಂದ್ಯದಲ್ಲಿ ಆಲ್ ರೌಂಡರ್ ಮೊಹಮ್ಮದ್ ನಬಿ 4 ಸಿಕ್ಸ್ ಸಹಿತ 18 ಎಸೆತಗಳಿಗೆ 38 ರನ್ ಕೊಡುಗೆಯಿತ್ತರೆ, ನಜೀಬುಲ್ಲ ಝದ್ರನ್ 5 ಬೌಂಡರಿ, 6 ಸಿಕ್ಸ್ ಸಹಿತ 30 ಎಸೆತಗಳಿಗೆ 69 ರನ್ಗಳ ಕೊಡುಗೆಯಿತ್ತರು.
![ನಜೀಬುಲ್ಲ ಪಂದ್ಯಶ್ರೇಷ್ಠ ನಜೀಬುಲ್ಲ ಪಂದ್ಯಶ್ರೇಷ್ಠ](https://images.mykhel.com/kn/img/2019/09/nabi-zadran1-1568543284.jpg)
ನಜೀಬುಲ್ಲ ಪಂದ್ಯಶ್ರೇಷ್ಠ
ಗುರಿ ಬೆನ್ನತ್ತಿದ ಜಿಂಬಾಬ್ವೆ ತಂಡ ರಗಿಸ್ ಚಕಬ್ವ 42, ಬ್ರೆಂಡನ್ ಟೇಲರ್ 27, ರ್ಯಾನ್ ಬುರ್ಲ್ 25 ರನ್ ಸೇರ್ಪಡೆಯೊಂದಿಗೆ 20 ಓವರ್ಗೆ 7 ವಿಕೆಟ್ ನಷ್ಟದಲ್ಲಿ 169 ರನ್ ಮಾಡಿತು. ಅಫ್ಘಾನ್ನ ನಜೀಬುಲ್ಲ ಝದ್ರನ್ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದುಕೊಂಡರು.