Click it and Unblock the Notifications
ರಿಕಿ ಪಾಂಟಿಂಗ್ ವರ್ಸಸ್ ಜಯವರ್ಧನೆ
2007 ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡವನ್ನು ಮುನ್ನಡೆಸಿದ್ದು ರಿಕಿ ಪಾಂಟಿಂಗ್. ಶ್ರೀಲಂಕಾ ತಂಡವನ್ನು ಮುನ್ನಡೆಸಿದ್ದು ಮಹೇಲ ಜಯವರ್ಧನೆ. ಈ ಇಬ್ಬರು ಸೂಪರ್ ಕ್ಲಾಸ್ ಆಟಗಾರರು ಈಗ 2020ರ ಫೈನಲ್‌ನಲ್ಲಿ ಸೆಣಸಾಡುತ್ತಿದ್ದಾರೆ.
ಯಾರ ಮಾಸ್ಟರ್ ಮೈಂಡ್‌ ಗೆಲ್ಲುತ್ತೆ?
ಅಂದು 2007ರ ವಿಶ್ವಕಪ್ ಫೈನಲ್‌ನಲ್ಲಿ ಮೈದಾನಕ್ಕಿಳಿದು ಹೋರಾಡಿದ್ದ ಇಬ್ಬರು ದಿಗ್ಗಜ ಆಟಗಾರರು, ಇಂದು ಐಪಿಎಲ್‌ನಲ್ಲಿ ಆಟಗಾರರ ಹಿಂದೆ ನಿಂತು ಆಟವಾಡುತ್ತಿದ್ದಾರೆ. ಮುಂಬೈ ಇಂಡಿಯನ್ಸ್ ತಂಡದ ಮುಖ್ಯ ಕೋಚ್ ಆಗಿ ಮಹೇಲ ಜಯವರ್ಧನೆ, ಡೆಲ್ಲಿ ತಂಡದ ಮುಖ್ಯ ಕೋಚ್ ಆಗಿ ರಿಕಿ ಪಾಂಟಿಂಗ್ ಕಾರ್ಯನಿರ್ವಹಿಸುತ್ತಿದ್ದಾರೆ.
ಮುಂಬೈ ಪರ ಕಪ್ ಗೆದ್ದಿರುವ ರಿಕಿ ಪಾಂಟಿಂಗ್
ಪ್ರಸ್ತುತ ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಮುಖ್ಯ ಕೋಚ್ ಆಗಿ ಕಾರ್ಯನಿರ್ವಹಿಸುತ್ತಿರುವ ರಿಕಿ ಪಾಂಟಿಂಗ್ ಈ ಹಿಂದೆ ಮುಂಬೈ ಇಂಡಿಯನ್ಸ್ ತಂಡಕ್ಕೆ ಕೋಚ್ ಆಗಿ ಕೆಲಸ ಮಾಡಿದ್ದರು. 2015ರಲ್ಲಿ ಮುಂಬೈ ಐಪಿಎಲ್ ಗೆಲುವಿನ ಹಿಂದೆ ಆಸಿಸ್ ಮಾಜಿ ನಾಯಕ ಇದ್ದರು. ಆ ಅನುಭವ ಈಗ ಡೆಲ್ಲಿ ಪರ ಕೆಲಸ ಮಾಡಬಹುದು. ಮುಂಬೈ ತಂಡವನ್ನು ಬಹಳ ಹತ್ತಿರದಿಂದ ತಿಳಿದಿರುವ ಪಾಂಟಿಂಗ್, ಡೆಲ್ಲಿ ಗೆಲುವಿಗೆ ರಣತಂತ್ರ ರೂಪಿಸಬಹುದು. 2018ರಿಂದ ಡೆಲ್ಲಿ ತಂಡದ ಕೋಚ್ ಆಗಿ ರಿಕಿ ಇದ್ದಾರೆ.
ಜಯವರ್ಧನೆ ಬಲ ನೆಚ್ಚಿಕೊಂಡಿರುವ ರೋಹಿತ್ ಪಡೆ
2017 ರಿಂದ ಮುಂಬೈ ಇಂಡಿಯನ್ಸ್ ತಂಡದ ಕೋಚ್ ಆಗಿ ಮಹೇಲ ಜಯವರ್ಧನೆ ಕಾರ್ಯನಿರ್ವಹಿಸುತ್ತಿದ್ದಾರೆ. 2017 ಮತ್ತು 2019ರಲ್ಲಿ ಐಪಿಎಲ್ ಗೆಲುವಿನ ಹಿಂದೆ ಜಯವರ್ಧನೆ ಇದ್ದರು. ಎದುರಾಳಿ ತಂಡದಲ್ಲಿರುವ ರಿಕಿ ಪಾಂಟಿಂಗ್ ಕುರಿತು ಚೆನ್ನಾಗಿ ಬಲ್ಲ ಜಯವರ್ಧನೆ ಪ್ರತಿ ರಣತಂತ್ರ ರೂಪಿಸಬಹುದು. 2007 ವಿಶ್ವಕಪ್ ಸೋಲಿನ ಸೇಡು ತೀರಿಸಿಕೊಳ್ಳಲು ಒಂದು ಅವಕಾಶ ಇದಾಗಿದೆ.
