ಚಿತ್ತಗಾಂಗ್, ಸೆಪ್ಟೆಂಬರ್ 22: ನಾಯಕ ಶಕೀಬ್ ಅಲ್ ಹಸನ್ ಅವರ ಸ್ಫೋಟಕ ಬ್ಯಾಟಿಂಗ್, ಆಲ್ ರೌಂಡರ್ ಆಟದ ನೆರವಿನಿಂದ ಶನಿವಾರ (ಸೆಪ್ಟೆಂಬರ್ 21) ನಡೆದ ಅಫ್ಘಾನಿಸ್ತಾನ ವಿರುದ್ಧದ ತ್ರಿಕೋನ ಸರಣಿಯ 6ನೇ ಟಿ20 ಪಂದ್ಯದಲ್ಲಿ ಬಾಂಗ್ಲಾದೇಶ 4 ವಿಕೆಟ್ ಜಯ ಗಳಿಸಿದೆ.
ಬಾಂಗ್ಲಾದೇಶ ವಿರುದ್ಧದ ಟಿ20ಐನಲ್ಲೂ ಎಂಎಸ್ ಧೋನಿ ಆಡೋದಿಲ್ವಾ?!
ಬಾಂಗ್ಲಾದ ಚಿತ್ತಗಾಂಗ್ನ ಝಹೂರ್ ಅಹ್ಮದ್ ಚೌಧರಿ ಸ್ಟೇಡಿಯಂನಲ್ಲಿ ನಡೆದ ಅಫ್ಘಾನ್-ಬಾಂಗ್ಲಾದೇಶ-ಜಿಂಬಾಬ್ವೆ ನಡುವಣ ತ್ರಿಕೋನ ಸರಣಿಯ ಅಫ್ಘಾನ್ ವಿರುದ್ಧದ ಪಂದ್ಯದಲ್ಲಿ ಶಕೀಬ್ 45 ಎಸೆತಗಳಿಗೆ 70 ರನ್ ಕೊಡುಗೆಯಿತ್ತರು. ಅಲ್ಲದೆ ಎದುರಾಳಿ ಇನ್ನಿಂಗ್ಸ್ನಲ್ಲಿ 1 ವಿಕೆಟ್ ಕೂಡ ಪಡೆದಿದ್ದರಿಂದ ಬಾಂಗ್ಲಾ ಸುಲಭ ಗೆಲುವು ಸಾಧಿಸಿದೆ.
'ಗೋಡೆ' ದ್ರಾವಿಡ್ ಜೊತೆ ರವಿ ಶಾಸ್ತ್ರಿ: ಟ್ರೋಲ್ ಹೈಕ್ಳಿಗೆ ಮೃಷ್ಟಾನ್ನ!
ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಅಫ್ಘಾನಿಸ್ತಾನ ತಂಡ, ರಹಮನುಲ್ಲ ಗುರ್ಬಾಝ್ 29, ಹಝರತುಲ್ಲ ಝಝಾಯ್ 47, ಶಫೀಕುಲ್ಲ ಶಫೀಕ್ 23 ರನ್ ಕೊಡುಗೆಯಿಂದ 20 ಓವರ್ಗೆ 7 ವಿಕೆಟ್ ಕಳೆದು 138 ರನ್ ಮಾಡಿತು. ಅಫ್ಘಾನ್ ಇನ್ನಿಂಗ್ಸ್ನಲ್ಲಿ ಅಫಿಫ್ ಹೊಸೈನ್ 2 ವಿಕೆಟ್ನಿಂದ ಗಮನ ಸೆಳೆದರು.
ಸ್ಮಿತ್ ಗಿಂತ ಕೊಹ್ಲಿ ಗ್ರೇಟ್: ಅದಕ್ಕೆ ಜಾಂಟಿ ರೋಡ್ಸ್ ಕೊಟ್ಟ ಕಾರಣವೇನು?
ಗುರಿ ಬೆನ್ನತ್ತಿದ ಬಾಂಗ್ಲಾ, ಶಕೀಬ್ 70, ಮುಷ್ಫಿಕರ್ ರಹೀಮ್ 26, ಮೊಸದ್ದೇಕ್ ಹೊಸೈನ್ 19 ರನ್ ಸೇರ್ಪಡೆಯೊಂದಿಗೆ 19 ಓವರ್ಗೆ 6 ವಿಕೆಟ್ ನಷ್ಟದಲ್ಲಿ 139 ರನ್ ಗಳಿಸಿತು. ನವೀನ್ ಉಲ್ ಹಕ್ ಮತ್ತು ಅಫ್ಘಾನ್ ನಾಯಕ ರಶೀದ್ ಖಾನ್ ತಲಾ 2 ವಿಕೆಟ್ ಪಡೆದರು. ಶಕೀಬ್ ಅಲ್ ಹಸನ್ ಪಂದ್ಯಶ್ರೇಷ್ಠರೆನಿಸದರು. ಸೆಪ್ಟೆಂಬರ್ 24ರ ಫೈನಲ್ನಲ್ಲಿ ಬಾಂಗ್ಲಾ-ಅಫ್ಘಾನ್ ಕಾದಾಡಲಿವೆ.