ದ್ವಿತೀಯ ಟೆಸ್ಟ್‌ನಿಂದ ಜೇಮ್ಸ್ ಆ್ಯಂಡರ್ಸನ್, ಮಾರ್ಕ್‌ ವುಡ್‌ಗೆ ವಿಶ್ರಾಂತಿ

Anderson and Wood rested for second Test against Windies

ಮ್ಯಾನ್ಚೆಸ್ಟರ್, ಜುಲೈ 16: ಇಂಗ್ಲೆಂಡ್ vs ವೆಸ್ಟ್ ಇಂಡೀಸ್ ದ್ವಿತೀಯ ಟೆಸ್ಟ್ ಪಂದ್ಯದಿಂದ ಇಂಗ್ಲೆಂಡ್ ವೇಗಿಗಳಾದ ಜೇಮ್ಸ್ ಆ್ಯಂಡರ್ಸನ್ ಮತ್ತು ಮಾರ್ಕ್‌ ವುಡ್ ವಿಶ್ರಾಂತಿ ಪಡೆಯಲಿದ್ದಾರೆ. ಆ್ಯಂಡರ್ಸನ್ ಮತ್ತು ವುಡ್‌ ಬದಲಿಗೆ ವೇಗಿಗಳಾದ ಸ್ಟುವರ್ಟ್ ಬ್ರಾಡ್ ಮತ್ತು ಸ್ಯಾಮ್ ಕರನ್ ಅವರನ್ನು ತಂಡಕ್ಕೆ ತರಲಾಗಿದೆ.

ಫೀಫಾ ಪ್ಲೇಯರ್ ರೇಟಿಂಗ್‌ನಲ್ಲಿರುವ ಭಾರತದ ಟಾಪ್ 5 ಕ್ರಿಕೆಟಿಗರು ಇವರು ಫೀಫಾ ಪ್ಲೇಯರ್ ರೇಟಿಂಗ್‌ನಲ್ಲಿರುವ ಭಾರತದ ಟಾಪ್ 5 ಕ್ರಿಕೆಟಿಗರು ಇವರು

'ರಾಷ್ಟ್ರೀಯ ಆಯ್ಕೆದಾರರು ಇಂಗ್ಲೆಂಡ್ ತಂಡದಲ್ಲಿ ಮೂರು ಪ್ರಮುಖ ಬದಲಾವಣೆಗಳನ್ನು ಮಾಡಿದ್ದಾರೆ. ಲ್ಯಾನ್ಸೆಶೈರ್ ವೇಗಿ ಜೇಮ್ಸ್ ಆ್ಯಂಡರ್ಸನ್ ಮತ್ತು ಡರ್ಹ್ಯಾಮ್ ವೇಗಿ ಮಾರ್ಕ್ ವುಡ್ ಇಬ್ಬರೂ ವಿಶ್ರಾಂತಿ ಪಡೆಯಲಿದ್ದಾರೆ,' ಎಂದು ಇಂಗ್ಲೆಂಡ್ ಆ್ಯಂಡ್ ವೇಲ್ಸ್ ಕ್ರಿಕೆಟ್ ಬೋರ್ಡ್ ಅಧಿಕೃತ ಹೇಳಿಕೆಯ ಮೂಲಕ ತಿಳಿಸಿದೆ.

ಇಂಗ್ಲೆಂಡ್ vs ವೆಸ್ಟ್ ಇಂಡೀಸ್, 2ನೇ ಟೆಸ್ಟ್ ಪಂದ್ಯ, Live ಸ್ಕೋರ್‌ಕಾರ್ಡ್

'ಸರ್ರೆ ಎಡಗೈ ವೇಗಿ ಸ್ಯಾಮ್ ಕರನ್ ತಂಡ ಸೇರಿಕೊಂಡಿದ್ದಾರೆ. ಜೊತೆಗೆ ಸಸೆಕ್ಸ್ ವೇಗದ ಬೌಲರ್ ಆಲ್ಲಿ ರಾಬಿನ್ಸನ್‌ಗೆ ಪಾದಾರ್ಪಣೆಗೆ ಕರೆ ನೀಡಲಾಗಿದೆ. ಮೊದಲ ಪಂದ್ಯದಲ್ಲಿ ತಂಡದಿಂದ ಹೊರಗಿದ್ದ ನಾಯಕ ಜೋ ರೂಟ್ ತಂಡಕ್ಕೆ ಮರಳಿದ್ದಾರೆ. ಮೊದಲ ಪಂದ್ಯದಲ್ಲಿ ಗಮನಾರ್ಹ ಪ್ರದರ್ಶನ ನೀಡದ ಜೋ ಡೆನ್ಲಿ ದ್ವಿತೀಯ ಪಂದ್ಯವನ್ನು ಕಳೆದುಕೊಳ್ಳಲಿದ್ದಾರೆ.

ಪುತ್ರನ ಸಾಧನೆಗೆ ಹೆಮ್ಮೆಪಟ್ಟ ಅನಿಲ್ ಕುಂಬ್ಳೆ: ತಂದೆಯ ಹವ್ಯಾಸದಲ್ಲಿ ಮಾಯಾಸ್ ಕುಂಬ್ಳೆ ಗಂಭೀರ ಹೆಜ್ಜೆ ಪುತ್ರನ ಸಾಧನೆಗೆ ಹೆಮ್ಮೆಪಟ್ಟ ಅನಿಲ್ ಕುಂಬ್ಳೆ: ತಂದೆಯ ಹವ್ಯಾಸದಲ್ಲಿ ಮಾಯಾಸ್ ಕುಂಬ್ಳೆ ಗಂಭೀರ ಹೆಜ್ಜೆ

ರೋಸ್ ಬೌಲ್ ಸ್ಟೇಡಿಯಂನಲ್ಲಿ ನಡೆದಿದ್ದ ಮೊದಲ ಟೆಸ್ಟ್ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ತಂಡ 4 ವಿಕೆಟ್‌ಗಳ ಗೆಲುವನ್ನಾಚರಿಸಿತ್ತು. ದ್ವಿತೀಯ ಪಂದ್ಯ ಮ್ಯಾನ್ಚೆಸ್ಟರ್‌ನ ಓಲ್ಡ್ ಟ್ರಾಫರ್ಡ್ ಎಮಿರೇಟ್ಸ್‌ ಸ್ಟೇಡಿಯಂನಲ್ಲಿ ಜುಲೈ 16ರಂದು ಭಾರತೀಯ ಕಾಲಮಾನ 3.30 pmಗೆ ಆರಂಭಗೊಳ್ಳಲಿದೆ.