ಪಂದ್ಯದ ವೇಳೆ ಕ್ವಿಂಟನ್ ಡಿ ಕಾಕ್ ಮೇಲೆ ಸಿಟ್ಟಾದ 'ಆ್ಯಂಗ್ರಿ' ರಸೆಲ್: ವಿಡಿಯೋ

ಮುಂಬೈ, ಮೇ 6: ಈ ಬಾರಿಯ ಐಪಿಎಲ್‌ನಲ್ಲಿ ಆ್ಯಂಡ್ರೆ ರಸೆಲ್ ತೀರಾ ವೈಫಲ್ಯ ತೋರಿಕೊಂಡಿದ್ದಿಲ್ಲ. ಆದರೆ ಕೋಲ್ಕತ್ತಾ ನೈಟ್ ರೈಡರ್ಸ್ ಮತ್ತು ಮುಂಬೈ ಇಂಡಿಯನ್ಸ್ ನಡವಿನ ಪಂದ್ಯದಲ್ಲಿ ರಸೆಲ್ ತೀರಾ ಕಳಪೆ ಪ್ರದರ್ಶನಕ್ಕೆ ಸಾಕ್ಷಿಯಾದರು. ಪರಿಣಾಮ ಕೆಕೆಆರ್‌ 9 ವಿಕೆಟ್‌ಗಳ ಹೀನಾಯ ಸೋಲನುಭವಿಸಿತು ಕೂಡ.

ಆಸ್ಟ್ರೇಲಿಯಾ ತಂಡದಲ್ಲಿ ಡೇವಿಡ್‌ ವಾರ್ನರ್‌ಗೆ ಎದುರಾಯ್ತು ಅಚ್ಚರಿ!

ಮುಂಬೈಯ ವಾಂಖೇಡೆ ಸ್ಟೇಡಿಯಂನಲ್ಲಿ ಭಾನುವಾರ (ಮೇ 5) ನಡೆದ ಐಪಿಎಲ್ ಕಡೆಯ ಲೀಗ್ ಪಂದ್ಯದಲ್ಲಿ ಕೆಕೆಆರ್ ಆಲ್‌ ರೌಂಡರ್ ರಸೆಲ್ ನಿರಾಶೆ ಅನುಭವಿಸಿದ್ದರು. ಬ್ಯಾಟಿಂಗ್ ವೇಳೆ 0 ರನ್‌ಗೆ ವಿಕೆಟ್‌ ಒಪ್ಪಿಸಿದ್ದ ರಸೆಲ್, ಬೌಲಿಂಗ್ ವೇಳೆ ಕೇವಲ 2.1 ಓವರ್‌ಗೆ ವಿಕೆಟ್ ಪಡೆಯದೆ 34 ರನ್ ನೀಡಿದ್ದರು.

'Russell was probably angry as I took him on': de Kock

There was a lot riding on #MIvKKR on Sunday and things got heated between @Russell12A & @QuinnyDeKock69. @ishankishan51 finds out what transpired in the middle 🔥. By @Moulinparikh. @mipaltan

WATCH - https://t.co/VJB1LPMMJu pic.twitter.com/i4XTTBuhqi

— IndianPremierLeague (@IPL) May 6, 2019

ಮುಂಬೈ ಇನ್ನಿಂಗ್ಸ್ ವೇಳೆ 4ನೇ ಓವರ್ ಎಸೆಯೋಕೆ ರಸೆಲ್ ಬಂದಿದ್ದರು. ಆ ಓವರ್‌ನಲ್ಲಿ ಕ್ವಿಂಟನ್ ಡಿ ಕಾಕ್ ಮತ್ತು ರೋಹಿತ್ ಶರ್ಮಾ ಕ್ರೀಸ್‌ನಲ್ಲಿದ್ದರು. ರಸೆಲ್ ಹೆಚ್ಚಿನ ಎಸೆತಗಳನ್ನು ಡಿ ಕಾಕ್ ಬೌಂಡರಿಗೆ ಅಟ್ಟಿದ್ದರು. ಈ ವೇಳೆ ರಸೆಲ್ ಮುಖದಲ್ಲಿ ಸಿಡುಕಿನ ಛಾಯೆಯಿತ್ತು. ಕ್ರೀಸ್‌ ಮಧ್ಯೆ ಇಬ್ಬರೂ ಡಿಚ್ಚಿ ಹೆಡೆದಿದ್ದೂ ವಿಡಿಯೋದಲ್ಲಿ ಸೆರೆಯಾಗಿತ್ತು.

ಟಿ20-ಐ: ಪಾಕಿಸ್ತಾನ ವಿರುದ್ಧ ಇಂಗ್ಲೆಂಡ್‌ಗೆ 7 ವಿಕೆಟ್‌ ಜಯ

ಪಂದ್ಯದ ಈ ಬಿಗುವಿನ ಕ್ಷಣದ ಬಗ್ಗೆ ಮುಂಬೈ ಯುವ ಆಟಗಾರ ಇಶಾನ್ ಕಿಶಾನ್ ಜೊತೆ ಮಾತನಾಡುತ್ತ ಡಿ ಕಾಕ್, 'ನಾನು ಅವನ (ರಸೆಲ್) ಎಸೆತಗಳಿಗೆ ದೊಡ್ಡ ಹೊಡೆತಗಳನ್ನು ಕೊಟ್ಟಿದ್ದಕ್ಕೆ ಆತ ಮುನಿಸಿಕೊಂಡಿದ್ದ' ಎಂದು ಹೀಳಿದ್ದಾರೆ. ಇಂಡಿಯನ್ ಪ್ರೀಮಿಯರ್‌ ಲೀಗ್ ಈ ವಿಡಿಯೋವನ್ನು ಟ್ವಿಟರ್‌ನಲ್ಲಿ ಹಾಕಿಕೊಂಡಿದೆ. ಅಂತೂ ಈ ಪಂದ್ಯದೊಂದಿಗೆ ಕೆಕೆಆರ್ ಪ್ಲೇ ಆಫ್ ಕನಸು ಮುರಿದುಬಿದ್ದಿದ್ದಂತೂ ನಿಜ.