ಮೌಂಟ್ ಮೌಂಗನ್ಯುಯಿ, ಡಿಸೆಂಬರ್ 11: ನ್ಯೂಜಿಲ್ಯಾಂಡ್ ಪ್ರವಾಸದಲ್ಲಿರುವ ಭಾರತ 'ಎ' ತಂಡ ಆತಿಥೇಯ ನ್ಯೂಜಿಲ್ಯಾಂಡ್ 'ಎ' ವಿರುದ್ಧ ಅಂತಿಮ ಅನಧಿಕೃತ ಏಕದಿನ ಪಂದ್ಯದಲ್ಲಿ 75 ರನ್ ಗೆಲುವನ್ನಾಚರಿಸಿದೆ. ಭಾರತದ ನಾಯಕ ಮನೀಶ್ ಪಾಂಡೆ ಅವರ ಅಮೋಘ ಆಟದ ನೆರವಿನಿಂದ ಭಾರತ, 3-೦ ಅಂತರದಿಂದ ಏಕದಿನ ಸರಣಿಯನ್ನು ವಶವಾಗಿಸಿಕೊಂಡಿದೆ.
ಕಾಮನ್ವೆಲ್ತ್ ಡಿಸ್ಕಸ್ ಥ್ರೋನಲ್ಲಿ ಚಿನ್ನ ಗೆದ್ದಿದ್ದಾಕೆ ಈಗ ಕಾಂಗ್ರೆಸ್ ಶಾಸಕಿ
ಮೂರು ಪಂದ್ಯಗಳ ಈ ಏಕದಿನ ಸರಣಿಯಲ್ಲಿ ಭಾರತ ಎ, ಮೊದಲ ಪಂದ್ಯವನ್ನು 4 ವಿಕೆಟ್ ನಿಂದ ಜಯಿಸಿತ್ತು. ಈ ವೇಳೆ ಶ್ರೇಯಸ್ ಐಯ್ಯರ್ 54, ಮನೀಶ್ ಪಾಂಡೆ 42, ವಿಜಯ್ ಶಂಕರ್ ಅಜೇಯ 87, ಇಶಾನ್ ಕಿಶಾನ್ 47 ರನ್ ನೀಡಿ ತಂಡವನ್ನು ಬೆಂಬಲಿಸಿದ್ದರು. ಭಾರತ 49 ಓವರ್ ನಲ್ಲಿ 6 ವಿಕೆಟ್ ಕಳೆದು 311 ರನ್ ಮೂಲಕ ಜಯ ತನ್ನದಾಗಿಸಿಕೊಂಡಿತ್ತು.
Peter Williams speaks to a very happy India A captain Manish Pandey. A series sweep 3-0 in the one-day matches at Bay Oval. #NZAvINDA pic.twitter.com/d3GZoHBbFc
— BLACKCAPS (@BLACKCAPS) December 11, 2018
ದ್ವಿತೀಯ ಪಂದ್ಯದಲ್ಲೂ ಭಾರತ ಎ ತಂಡ, ನ್ಯೂಜಿಲ್ಯಾಂಡ್ ಎ ನೀಡಿದ್ದ 300 ರನ್ ಗುರಿಯನ್ನು 49 ಓವರ್ ನಲ್ಲಿ 5 ವಿಕೆಟ್ ಕಳೆದು ತಲುಪಿತ್ತು. ಈ ವೇಳೆ ಮನೀಶ್ ಶತಕದ (111 ರನ್) ಮೂಲಕ ಮಿಂಚಿದ್ದರು. ಅಂತಿಮ ಪಂದ್ಯದಲ್ಲಿ ಭಾರತ, ಅನ್ಮೋಲ್ಪ್ರೀತ್ಸಿಂಗ್ 71, ಅಂಕಿತ್ ಬವಾನೆ 48, ವಿಜಯ್ ಶಂಕರ್ 42 ರನ್ ನೆರವಿನೊಂದಿಗೆ 50 ಓವರ್ನಲ್ಲಿ 8 ವಿಕೆಟ್ ಕಳೆದು 275 ರನ್ ಪೇರಿಸಿತ್ತು.
ಪರ್ತ್ ನೆಲ ಆಸ್ಟ್ರೇಲಿಯಾಕ್ಕೆ ಬಲ, ಭಾರತ ಗೆಲ್ಲಲು ಸಾಧ್ಯವಿಲ್ಲ: ಪಾಂಟಿಂಗ್
ಗುರಿ ಬೆನ್ನತ್ತಿದ ನ್ಯೂಜಿಲ್ಯಾಂಡ್ ಎ ತಂಡಕ್ಕೆ ಟಿಮ್ ಸೈಫರ್ಟ್ ಅರ್ಧಶತಕದ (55 ರನ್) ಬೆಂಬಲ ದೊರೆಯಿತಾದರೂ ಭಾರತದ ಮಾರಕ ಬೌಲಿಂಗ್ ಮುಂದೆ ಕಿವೀಸ್ ತತ್ತರಿಸಿತು. ಸಿದ್ಧಾರ್ಥ್ ಕೌಲ್ 37 ರನ್ನಿಗೆ 4 ವಿಕೆಟ್ ಕೆಡವಿದರೆ, ಕ್ರಿಷ್ಣಪ್ಪ ಗೌತಮ್ 2 ವಿಕೆಟ್ ಬಲಿ ಪಡೆದರು. ನ್ಯೂಜಿಲ್ಯಾಂಡ್ 44.2 ಓವರ್ನಲ್ಲಿ ಎಲ್ಲಾ ವಿಕೆಟ್ ಕಳೆದು ವೈಟ್ವಾಶ್ ಅನ್ನಿಸಿಕೊಂಡಿತು.