ಮೊದಲ ಅಂತಾರಾಷ್ಟ್ರೀಯ ವಿಕೆಟ್ ಪಡೆದ ಅರ್ಜುನ್ ತೆಂಡೂಲ್ಕರ್

ಕೊಲಂಬೊ, ಜುಲೈ 17: ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರ ಮಗ ಅರ್ಜುನ್ ತೆಂಡೂಲ್ಕರ್ ತಮ್ಮ ಅಂತರರಾಷ್ಟ್ರೀಯ ಕ್ರಿಕೆಟ್‌ ಬದುಕಿನಲ್ಲಿ ಮೊದಲ ವಿಕೆಟ್ ಪಡೆದುಕೊಂಡಿದ್ದಾರೆ.

ಶ್ರೀಲಂಕಾದ ಕೊಲಂಬೊದಲ್ಲಿ ನಡೆಯುತ್ತಿರುವ ಅಂಡರ್ 19 ಟೆಸ್ಟ್ ಪಂದ್ಯದಲ್ಲಿ 18 ವರ್ಷದ ಅರ್ಜುನ್, ತಮ್ಮ ಎರಡನೆಯ ಓವರ್‌ನ ಕೊನೆಯ ಎಸೆತದಲ್ಲಿಯೇ ಅರ್ಜುನ್ ತೆಂಡೂಲ್ಕರ್ ತಮ್ಮ ಮೊದಲ ವಿಕೆಟ್ ಪಡೆದುಕೊಂಡರು.

ಧೋನಿಯ ಕೊಸರಾಟ ನನ್ನ ಪರದಾಟದ ಕ್ಷಣವನ್ನು ನೆನಪಿಸಿತು: ಗವಾಸ್ಕರ್

ಆದರೆ, ಒಟ್ಟು 11 ಓವರ್‌ ಬೌಲಿಂಗ್ ಮಾಡಿ 33 ರನ್ ನೀಡಿದ ಅವರಿಗೆ ಮತ್ತೊಂದು ವಿಕೆಟ್ ಪಡೆದುಕೊಳ್ಳಲು ಸಾಧ್ಯವಾಗಲಿಲ್ಲ.

ಭಾರತದ ಪರ ಹರ್ಷ್ ತ್ಯಾಗಿ ಮತ್ತು ಆಯುಷ್ ಬದೋನಿ ತಲಾ ನಾಲ್ಕು ವಿಕೆಟ್ ಪಡೆದು ಮಿಂಚಿದರು.

ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಶ್ರೀಲಂಕಾ ಅಂಡರ್ 19 ತಂಡ 244 ರನ್‌ಗಳಿಗೆ ಆಲೌಟ್ ಆಯಿತು.

ಪಸಿಂಧು ಸೂರಿಯಾಭಂಡಾರ 69 ರನ್ ಗಳಿಸಿ ಶ್ರೀಲಂಕಾ ಪರ ಅತ್ಯಧಿಕ ಸ್ಕೋರರ್ ಎನಿಸಿದರು.

India U19 Tour of Sri Lanka 2018, 1st Youth Test
Sri Lanka U19 vs India U 19
Day 1 - Stumps:
India U19 92/1* (16.4 overs) v Sri Lanka U19 244/10 (70.3 overs)
Anuj Rawat 63(59), A Taide 26*(42); SMKS Senaratne 4.4-20-1. #SLU19 #INDU19

— Sri Lanka Cricket (@OfficialSLC) 17 July 2018

ಇದಕ್ಕೆ ಉತ್ತರವಾಗಿ ಮೊದಲ ಇನ್ನಿಂಗ್ಸ್ ಶುರುಮಾಡಿದ ಭಾರತ ಉತ್ತಮ ಆರಂಭ ಪಡೆದುಕೊಂಡಿತು. ಬಿರುಸಿನ ಆಟವಾಡಿದ ನಾಯಕ ಅನುಜ್ ರಾವತ್ ಕೇವಲ 59 ಎಸೆತಗಳಲ್ಲಿ 63 ರನ್ ಗಳಿಸಿ ದಿನದ ಕೊನೆಯಲ್ಲಿ ಔಟಾದರು.

ಶಮಿ ಒಬ್ಬ ಕಾಮುಕ, ಬಿಸಿಸಿಐ ಫಟಿಂಗರ ಕೂಟ: ಹಸಿನ್ ಜಹಾನ್ ಆರೋಪ

ಮತ್ತೊಬ್ಬ ಆರಂಭಿಕ ಅಥರ್ವ ತೈಡೆ 26 ರನ್‌ಗಳಿಸಿ ಅಜೇಯರಾಗಿ ಉಳಿದಿದ್ದಾರೆ.

ಶ್ರೀಲಂಕಾದಲ್ಲಿ ಕಿರಿಯರ ಎರಡು ಟೆಸ್ಟ್ ಪಂದ್ಯಗಳು ನಡೆಯಲಿದ್ದು, ಎರಡನೆಯ ಟೆಸ್ಟ್ ಜುಲೈ 24ರಿಂದ ನಡೆಯಲಿದೆ. ಬಳಿಕ ಜುಲೈ 30 ರಿಂದ ಐದು ಏಕದಿನದ ಪಂದ್ಯಗಳ ಸರಣಿ ನಡೆಯಲಿದೆ.

Tears of joy rolled down when I saw this, have seen him grow up and put in the hard work in his game. Could not be more happy for you, Arjun. This is just the beginning, I wish you tons and ton of success in the days to come. Cherish your first wicket and enjoy the moment.👌 pic.twitter.com/vB3OmbaTWM

— VINOD KAMBLI (@vinodkambli349) 17 July 2018

ಸಂಕ್ಷಿಪ್ತ ಸ್ಕೋರ್

ಶ್ರೀಲಂಕಾ: 244/10 (70.3) ಪಸಿಂಧು ಸೂರಿಯಾಭಂಡಾರ 69, ನಿಶಾನ್ ಮಧುಷ್ಕಾ 39, ನಿಪುಣ್ ಧನಂಜಯ 39, ಎಸ್‌.ಟಿ. ಮೆಂಡಿಸ್ 39, ಹರ್ಷ್ ತ್ಯಾಗಿ 24/4, ಆಯುಷ್ ಬದೋನಿ 92/4

ಭಾರತ: 92/1 (16.4) ಅನುಜ್ ರಾವತ್ 63, ಅಥರ್ವ ತೈಡೆ 26, ಸೇನರತ್ನೆ 20/1.