12ರ ಹರೆಯದ ಹುಡುಗನ ಬಂಧನ
ವರ್ಣಬೇಧ ನೀತಿಯ ವಿರುದ್ಧ ವಿಶ್ವದೆಲ್ಲೆಡೆ ವಿರೋಧ ವ್ಯಕ್ತವಾಗುತ್ತಿರುವ ಮಧ್ಯೆಯೇ ಇತ್ತೀಚೆಗೆ ಇಂಗ್ಲೆಂಡ್ ಪೊಲೀಸರು 12 ವರ್ಷದ ಹುಡುಗನನ್ನು ಬಂಧಿಸಿದ್ದರು. ಬಂಧಿತ ಹುಡುಗ ಇಪಿಎಲ್ ತಂಡವಾದ ಕ್ರಿಸ್ಟಲ್ ಪ್ಯಾಲೇಸ್ನ ಫಾರ್ವರ್ಡ್ ಆಟಗಾರ ವಿಲ್ಫ್ರೈಡ್ ಜಹಾ ಅವರಿಗೆ ಜನಾಂಗೀಯ ನಿಂದನೆಯ ಸಂದೇಶ ಕಳುಹಿಸಿದ್ದ.
ಮೆಸೇಜ್ನ ಸ್ಕ್ರೀನ್ ಶಾಟ್
ತನ್ನ ಮೊಬೈಲ್ಗೆ ಬಂದಿದ್ದ ಜನಾಂಗೀಯ ನಿಂದನೆಯ ಮೆಸೇಜ್ನ ಸ್ಕ್ರೀನ್ ಶಾಟ್ ಅನ್ನು ವಿಲ್ಫ್ರೈಡ್ ಜಹಾ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದರು. 'ಇದು ನೋಡಿ ಇವತ್ತು ಎಚ್ಚರಗೊಂಡೆ' ಎಂದು ಜಹಾ ಟ್ವಿಟರ್ನಲ್ಲಿ ಬರೆದುಕೊಂಡಿದ್ದರು. ಈ ಪೋಸ್ಟ್ನ ಬೆನ್ನಲ್ಲೇ ವೆಸ್ಟ್ ಮಿಡ್ಲ್ಯಾಂಡ್ಸ್ ಪೊಲೀಸರು ತನಿಖೆ ನಡೆಸಿ ಬಾಲಕನನ್ನು ಬಂಧಿಸಿದ್ದರು.
ಕೀಬೋರ್ಡ್ ವಾರಿಯರ್ಗಳಿಗೆ ತಡೆ
ಜನಾಂಗೀಯವಾಗಿ ನಿಂದಿಸಿದ ಕಿಡಿಗೇಡಿ ಬಾಲಕನನ್ನು ಬಂಧಿಸಿದ್ದಕ್ಕಾಗಿ ಇಂಗ್ಲೆಂಡ್ ವೇಗಿ ಜೋಫ್ರಾ ಆರ್ಚರ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಟ್ವೀಟ್ ಮಾಡಿರುವ ಆರ್ಚರ್, 'ಈ ನಡೆಯು ಕೀಬೋರ್ಡ್ ವಾರಿಯರ್ಗಳನ್ನು ತಡೆಯುತ್ತದೆ ಎಂದು ನಾನು ಭಾವಿಸಿದ್ದೇನೆ' ಎಂದು ಬರೆದುಕೊಂಡಿದ್ದಾರೆ.
ವೆಸ್ಟ್ ಇಂಡೀಸ್ಗೆ ಜಯ
ಇತ್ತೀಚೆಗೆ ಮುಕ್ತಾಯಗೊಂಡಿರುವ ಇಂಗ್ಲೆಂಡ್ vs ವೆಸ್ಟ್ ಇಂಡೀಸ್ ಮೊದಲನೇ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ಆಟಗಾರ ಆರ್ಚರ್ 3 ವಿಕೆಟ್ ಪಡೆದಿದ್ದರು. ಆದರೆ ದಿಟ್ಟ ಬ್ಯಾಟಿಂಗ್, ಚತುರ ಬೌಲಿಂಗ್ ನಡೆಸಿದ ಜೇಸನ್ ಹೋಲ್ಡರ್ ಪಡೆ ಪಂದ್ಯದಲ್ಲಿ 4 ವಿಕೆಟ್ ಜಯ ಸಾಧಿಸಿದೆ. ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ ವೆಸ್ಟ್ ಇಂಡೀಸ್ 1-0ಯ ಮುನ್ನಡೆಯಲ್ಲಿದೆ.