ಆಸ್ಟ್ರೇಲಿಯಾ ನೀರಸ ಬ್ಯಾಟಿಂಗ್
ಭಾನುವಾರ ನಡೆದ 5ನೇ ಟೆಸ್ಟ್ ಪಂದ್ಯದಲ್ಲಿ ಚೇಸಿಂಗ್ಗಿಳಿದಿದ್ದ ಆಸ್ಟ್ರೇಲಿಯಾದ ದ್ವಿತೀಯ ಇನ್ನಿಂಗ್ಸ್ನಲ್ಲಿ ಆರಂಭಿಕ ಬ್ಯಾಟ್ಸ್ಮನ್ ಮಾರ್ಕಸ್ ಹ್ಯಾರೀಸ್ ಮೊದಲ ವಿಕೆಟ್ ಒಪ್ಪಿಸುವಾಗ ಆಸೀಸ್ ಖಾತೆಯಲ್ಲಿದ್ದುದು ಬರೀ 18 ರನ್. ಈ ವಿಕೆಟ್ನೊಂದಿಗೆ ಕೆಟ್ಟ ದಾಖಲೆ ಸೃಷ್ಟಿಯಾಗಿದೆ.
ಆರಂಭಿಕ ಸರಾಸರಿ ರನ್
5ನೇ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ದ್ವಿತೀಯ ಇನ್ನಿಂಗ್ಸ್ ಮುಕ್ತಾಯದ ಬಳಿಕ, ಈ ಆ್ಯಷಸ್ ಸೀರೀಸ್ನಲ್ಲಿ ಎರಡೂ ತಂಡಗಳ ಆರಂಭಿಕ ಬ್ಯಾಟ್ಸ್ಮನ್ಗಳ ಸರಾಸರಿ ರನ್ 12.55 ಆಗಿದೆ. ಇದರಲ್ಲಿ ಅತೀ ಹೆಚ್ಚು ಕಳೆಪೆ ಆರಂಭಿಕ ಬ್ಯಾಟಿಂಗ್ ಪ್ರದರ್ಶಿಸಿದ್ದು ಆಸ್ಟ್ರೇಲಿಯಾ ತಂಡ.
113 ವರ್ಷಗಳ ಹಿಂದಿನ ದಾಖಲೆ
5 ಅಥವಾ ಹೆಚ್ಚು ಪಂದ್ಯಗಳಿರುವ ಟೆಸ್ಟ್ ಸರಣಿಯೊಂದರಲ್ಲಿ ಎರಡೂ ತಂಡಗಳ ಆರಂಭಿಕ ಬ್ಯಾಟ್ಸ್ಮನ್ಗಳು ಮೊದಲ ವಿಕೆಟ್ ಮುರಿಯುವುದಕ್ಕೂ ಮುನ್ನ ಬಾರಿಸಿದ ಅತೀ ಕಡಿಮೆ ರನ್ ಸರಾಸರಿ 14.16 ಆಗಿತ್ತು. ಅಂದ್ಹಾಗೆ ಈ ದಾಖಲೆ ಸೃಷ್ಟಿಯಾಗಿದ್ದು 1906ರಲ್ಲಿ, ದಕ್ಷಿಣ ಆಫ್ರಿಕಾ-ಇಂಗ್ಲೆಂಡ್ ನಡುವಿನ ಪಂದ್ಯದಲ್ಲಿ!
ವಾರ್ನರ್ಗೆ ಮುಖಭಂಗ
ಆ್ಯಷಸ್ 2019ರ ಟೆಸ್ಟ್ ಸರಣಿಯುದ್ದಕ್ಕೂ ಅತೀ ಕೆಟ್ಟ ಬ್ಯಾಟಿಂಗ್ ಪ್ರದರ್ಶಿಸಿದ್ದ ಆಸೀಸ್ ಆರಂಭಿಕ ಬ್ಯಾಟ್ಸ್ಮನ್ ಡೇವಿಡ್ ವಾರ್ನರ್, 6ಕ್ಕೂ ಹೆಚ್ಚು ಇನ್ನಿಂಗ್ಸ್ಗಳಲ್ಲಿ 10ರೊಳಗಿನ ರನ್ಗೆ ವಿಕೆಟ್ ಒಪ್ಪಿಸಿದ್ದರು. ಅಷ್ಟೇ ಅಲ್ಲ, ಈ ಸರಣಿಯ ಹಿಂದಿನ 9 ಇನ್ನಿಂಗ್ಸ್ಗಳಲ್ಲಿ ವಾರ್ನರ್ 6 ಸಾರಿ ಇಂಗ್ಲೆಂಡ್ ವೇಗಿ ಸ್ಟುವರ್ಟ್ ಬ್ರಾಡ್ಗೆ ವಿಕೆಟ್ ನೀಡಿದ ಅನಗತ್ಯ ದಾಖಲೆಗಾಗಿಯೂ ಗುರುತಿಸಿಕೊಂಡಿದ್ದಾರೆ.