3. ಅವೇಶ್ ಖಾನ್
ಈ ಬಾರಿಯ ಏಷ್ಯಾಕಪ್ ಟೂರ್ನಿಗೆ ಜಸ್ಪ್ರೀತ್ ಬುಮ್ರಾ ಹಾಗೂ ಹರ್ಷಲ್ ಪಟೇಲ್ ಅಲಭ್ಯರಾದ ಕಾರಣ ಅವೇಶ್ ಖಾನ್ ತಂಡದಲ್ಲಿ ಸ್ಥಾನ ಗಿಟ್ಟಿಸಿಕೊಂಡರು. ಪಾಕ್ ವಿರುದ್ಧದ ಆಡುವ ಬಳಗದಲ್ಲಿಯೂ ಸಹ ಅವಕಾಶ ಪಡೆದ ಅವೇಶ್ ಖಾನ್ ಪಂದ್ಯದಲ್ಲಿ ಪಡೆದದ್ದು ಮಾತ್ರ ಕೇವಲ ಒಂದು ವಿಕೆಟ್. 2 ಓವರ್ ಬೌಲಿಂಗ್ ಮಾಡಿದ ಅವೇಶ್ ಖಾನ್ 9.5 ಎಕಾನಮಿ ದರದಲ್ಲಿ 19 ರನ್ ನೀಡಿ ದುಬಾರಿಯಾದರು. ಅದರಲ್ಲಿಯೂ ಅವೇಶ್ ಖಾನ್ ಮಾಡಿದ ಪವರ್ ಪ್ಲೇನ ಅಂತಿಮ ಓವರ್ನಲ್ಲಿ ಪಾಕ್ ಆಟಗಾರ ಮೊಹಮ್ಮದ್ ರಿಜ್ವಾನ್ 1 ಫೋರ್ ಹಾಗೂ 1 ಸಿಕ್ಸರ್ ಚಚ್ಚಿದರು. ಹೀಗೆ ದುಬಾರಿಯಾದ ಅವೇಶ್ ಖಾನ್ ತಮ್ಮ ಪಾಲಿನ ಎಲ್ಲಾ ಓವರ್ ಬೌಲಿಂಗ್ ಮಾಡುವ ಅವಕಾಶ ಪಡೆದುಕೊಳ್ಳುವಲ್ಲಿ ವಿಫಲರಾದರು.
2. ರೋಹಿತ್ ಶರ್ಮಾ
ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಪಾಕಿಸ್ತಾನ ವಿರುದ್ಧದ ಪಂದ್ಯಗಳಲ್ಲಿ ಕಳಪೆ ಅಂಕಿಅಂಶವನ್ನು ಹೊಂದಿದ್ದಾರೆ. ಇನ್ನು ಈ ಪಂದ್ಯದಲ್ಲಿಯೂ ಸಹ ಪಾಕ್ ವಿರುದ್ಧ ಮುಗ್ಗರಿಸಿದ ರೋಹಿತ್ ಶರ್ಮಾ 18 ಎಸೆತಗಳಲ್ಲಿ ಕೇವಲ 12 ರನ್ ಕಲೆ ಹಾಕಿದರು. ಪವರ್ ಪ್ಲೇನಲ್ಲಿ ಕೇವಲ ಒಂದೇ ಒಂದು ಫೋರ್ ಬಾರಿಸಿದ ರೋಹಿತ್ ಶರ್ಮಾ ದೊಡ್ಡ ಹೊಡೆತ ಬಾರಿಸಲು ಹಾಗೂ ನೆಲಕಚ್ಚಿ ನಿಲ್ಲಲು ಪರದಾಡಿದರು. ಹೀಗೆ ರೋಹಿತ್ ಶರ್ಮಾ ಕೂಡ ಈ ಪಂದ್ಯದಲ್ಲಿ ಆಟಗಾರನಾಗಿ ಅಕ್ಷರಶಃ ವಿಫಲರಾದರು.
1. ಕೆಎಲ್ ರಾಹುಲ್
ಈ ಪಂದ್ಯದಲ್ಲಿ ಅತಿ ಕೆಟ್ಟ ಪ್ರದರ್ಶನ ನೀಡಿದ ಭಾರತೀಯ ಆಟಗಾರರು ಯಾರು ಎಂದರೆ ಅದು ಕೆಎಲ್ ರಾಹುಲ್. ಹೌದು ಆರಂಭಿಕನಾಗಿ ಕಣಕ್ಕಿಳಿದ ಉಪನಾಯಕ ಕೆಎಲ್ ರಾಹುಲ್ ತಾವು ಎದುರಿಸಿದ ಮೊದಲ ಎಸೆತದಲ್ಲಿಯೇ ನಾಸೀರ್ ಶಾಗೆ ವಿಕೆಟ್ ಒಪ್ಪಿಸುವ ಮೂಲಕ ಗೋಲ್ಡನ್ ಡಕ್ ಔಟ್ ಆದರು. ತಂಡದಲ್ಲಿ ಸ್ಥಾನ ಗಿಟ್ಟಿಸಿಕೊಳ್ಳಲು ಹಲವು ಆಟಗಾರರ ನಡುವೆ ಪೈಪೋಟಿ ಏರ್ಪಟ್ಟ ವೇಳೆಯಲ್ಲಿ ಕೆಎಲ್ ರಾಹುಲ್ ಈ ರೀತಿಯ ಕಳಪೆ ಪ್ರದರ್ಶನ ನೀಡಿರುವುದು ಸದ್ಯ ಮುಂದಿನ ಪಂದ್ಯದಲ್ಲಿ ರಾಹುಲ್ ಸ್ಥಾನಕ್ಕೆ ಅಡ್ಡಿಯನ್ನುಂಟುಮಾಡುವ ಸಾಧ್ಯತೆಗಳಿವೆ.