Click it and Unblock the Notifications
ಜಯಸೂರ್ಯ ಹೆಸರಿನಲ್ಲಿರುವ ದಾಖಲೆ
ಏಷ್ಯಾ ಕಪ್ ಇತಿಹಾಸದಲ್ಲಿ ಅತಿ ಹೆಚ್ಚು ರನ್‌ಗಳಿಸಿದ ಆಟಗಾರ ಎಂಬ ದಾಖಲೆ ಪ್ರಸ್ತುತ ಶ್ರೀಲಂಕಾದ ಮಾಜಿ ನಾಯಕ ಸನತ್ ಜಯಸೂರ್ಯ ಹೆಸರಿನಲ್ಲಿದೆ. 1990ರಿಂದ 2008ರವರೆಗೆ ಏಷ್ಯಾ ಕಪ್‌ನ್ಲಲಿ ಆಡಿರುವ ಜಯಸೂರ್ಯ 25 ಪಂದ್ಯಗಳನ್ನು ಈ ಟೂರ್ನಿಯಲ್ಲಿ ಆಡಿದ್ದು ಇದರಲ್ಲಿ 1220 ರನ್‌ಗಳನ್ನು ಗಳಿಸಿದ್ದಾರೆ. ಇದರಲ್ಲಿ ಮೂರು ಅರ್ಧ ಶತಕ ಹಾಗೂ ಆರು ಶತಕಗಳು ಸೇರಿದೆ. ಈ ಬಾರಿ ಈ ದಾಖಲೆ ಮುರಿಯುವ ಸಾಧ್ಯತೆಯಿದೆ. ಭಾರತದ ಆಟಗಾರರಾದ ನಾಯಕ ರೋಹಿತ್ ಶರ್ಮಾ ಹಾಗೂ ವಿರಾಟ್ ಕೊಹ್ಲಿಗೆ ಈ ದಾಖಲೆ ಮುರಿಯುವ ಅವಕಾಶಗಳಿದೆ. 2008ರಿಂದ ಏಷ್ಯಾ ಕಪ್‌ನಲ್ಲಿ ಆಡುತ್ತಿರುವ ರೋಹಿತ್ ಶರ್ಮಾ 883 ರನ್‌ಗಳನ್ನು ಗಳಿಸಿದ್ದಾರೆ. ಇನ್ನು 2010ರಿಂದ ಏಷ್ಯಾ ಕಪ್‌ನಲ್ಲಿ ಆಡುತ್ತಿರುವ ವಿರಾಟ್ ಕೊಹ್ಲಿ 766 ರನ್‌ಗಳನ್ನು ಗಳಿಸಿದ್ದಾರೆ. ಈ ಇಬ್ಬರು ಕೂಡ ಈ ಬಾರಿಯ ಏಷ್ಯಾ ಕಪ್ ಟೂರ್ನಿಯಲ್ಲಿ ತಮ್ಮ ಅತ್ಯುತ್ತಮ ಫಾರ್ಮ್ ಪ್ರದರ್ಶಿಸಲು ಸಾಧ್ಯವಾದರೆ ಈ ದಾಖಲೆ ಮುರಿಯುವ ಅವಕಾಶಗಳಿದೆ.
ಏಷ್ಯಾ ಕಪ್‌ನಲ್ಲಿ ಅತಿ ಹೆಚ್ಚು ವಿಕೆಟ್ ದಾಖಲೆ
ಏಷ್ಯಾ ಕಪ್‌ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ದಾಖಲೆ ಪ್ರಸ್ತುತ ಶ್ರೀಲಂಕಾದ ದಿಗ್ಗಜ ಬೌಲರ್ ಲಸಿತ್ ಮಲಿಂಗಾ ಹೆಸರಿನಲ್ಲಿದೆ. 29 ಪಂದ್ಯಗಳನ್ನು ಆಡಿರುವ ಲಸಿತ್ ಮಲಿಂಗಾ 33 ವಿಕೆಟ್ ಸಂಪಾದಿಸಿ ಈ ದಾಖಲೆಯನ್ನು ತಮ್ಮ ಹೆಸರಿನಲ್ಲಿ ಬರೆದುಕೊಂಡಿದ್ದಾರೆ. ಈ ದಾಖಲೆ ಮುರಿಯುವ ಅವಕಾಶ ಇಬ್ಬರು ಆಟಗಾರರಿಗೆ ಇದೆ. ಬಾಂಗ್ಲಾದೇಶ ತಂಡದ ನಾಯಕ ಶಕೀಬ್ ಅಲ್ ಹಸನ್ ಹಾಘೂ ಭಾರತದ ಆಲ್‌ರೌಂಡರ್ ರವಿಂದ್ರ ಜಡೇಜಾಗೆ ಈ ದಾಖಲೆಯನ್ನು ತಮ್ಮ ಹೆಸರಿಗೆ ಬರೆಯುವ ಅವಕಾಶವಿದೆ. 24 ವಿಕೆಟ್‌ಗಳನ್ನು ಏಷ್ಯಾ ಕಪ್‌ನಲ್ಲಿ ಪಡೆದುಕೊಂಡಿದ್ದು ರವೀಂದ್ರ ಜಡೇಜಾ 22 ವಿಕೆಟ್‌ಗಳನ್ನು ಸಂಪಾದಿಸಿದ್ದಾರೆ. ಯುಎಇನಲ್ಲಿ ಅದ್ಭುತ ಪ್ರದರ್ಶನ ನೀಡಿ ಮಿಂಚಿದರೆ ಈ ಇಬ್ಬರು ಆಟಗಾರರ ಪೈಕಿ ಯಾರಾದರೂ ಈ ದಾಖಲೆ ಮುರಿಯುವ ಅದ್ಭುತ ಅವಕಾಶವಿದೆ.
ಆಲ್‌ರೌಂಡರ್‌ಗಳ ಪಟ್ಟಿಯಲ್ಲಿ ಶಕೀಬ್ ಅಲ್ ಹಸನ್
ಏಷ್ಯಾ ಕಪ್ ಇತಿಹಾಸದಲ್ಲಿ ಸಚಿನ್ ತೆಂಡೂಲ್ಕರ್, ಸನತ್ ಜಯಸೂರ್ಯ, ಶಾಹಿದ್ ಅಫ್ರಿದಿ ಹಾಗೂ ಶಕೀಬ್ ಅಲ್ ಹಸನ್ 300ಕ್ಕೂ ಅಧಿಕ ರನ್ ಹಾಗೂ 15ಕ್ಕೂ ಅಧಿಕ ವಿಕೆಟ್ ಪಡೆದ ಸಾಧನೆ ಮಾಡಿದ ಆಟಗಾರರು ಎನಿಸಿದ್ದಾರೆ. ನಾಲ್ವರ ಪೈಕಿ ಅತಿ ಹೆಚ್ಚು ವಿಕೆಟ್ ಪಡೆದ ಆಟಗಾರ ಎನಿಸುವ ಅವಕಾಶ ಶಕೀಬ್ ಅಲ್ ಹಸನ್‌ಗೆ ಇದೆ. ಆದರೆ ಈ ಟೂರ್ನಿಯಲ್ಲಿ ಅತಿ ಹೆಚ್ಚು ರನ್‌ಗಳಿಸಿದ ಸನತ್ ಜಯಸೂರ್ಯ ಹಾಗೂ ಸಚಿನ್ ತೆಂಡೂಲ್ಕರ್ ದಾಖಲೆಯನ್ನು ಮುರಿಯುವುದು ಶಕೀಬ್‌ಗೆ ಅಸಾಧ್ಯ. 2010ರಿಂದ ಏಷ್ಯಾ ಕಪ್‌ನಲ್ಲಿ ಭಾಗಿಯಾಗುತ್ತಿರುವ ಶಕೀಬ್ ಅಲ್ ಹಸನ್ 402 ರನ್‌ಗಳನ್ನು ಗಳಿಸಿದ್ದಾರೆ. ಹೆಚ್ಚೆಂದರೆ 32 ರನ್‌ಗಳಿಸಿರುವ ಶಾಹಿದ್ ಅಫ್ರಿದಿಯನ್ನು ಈ ಪಟ್ಟಿಯಲ್ಲಿ ಶಕೀಬ್ ಹಿಂದಿಕ್ಕುವ ಸಾಧ್ಯತೆಯಿದೆ.
