ಸಿಡ್ನಿ: ಆರಂಭಿಕ ಬ್ಯಾಟ್ಸ್ಮನ್ ಮ್ಯಾಥ್ಯೂ ವೇಡ್, ಬೌಲರ್ ಮಿಚೆಲ್ ಸ್ವೆಪ್ಸನ್ ಮತ್ತು ಆಲ್ ರೌಂಡರ್ ಗ್ಲೆನ್ ಮ್ಯಾಕ್ಸ್ವೆಲ್ ಚತುರ ಆಟದ ನೆರವಿನಿಂದ ಆಸ್ಟ್ರೇಲಿಯಾ ತಂಡ ಭಾರತ ವಿರುದ್ಧದ ಮೂರನೇ ಟಿ20ಐ ಪಂದ್ಯದಲ್ಲಿ 12 ರನ್ ಜಯ ಗಳಿಸಿದೆ. ಇದರೊಂದಿಗೆ ವೈಟ್ ವಾಷ್ ಮುಖಭಂಗದಿಂದ ಕಾಂಗರೂ ಪಡೆ ಪಾರಾಗಿದೆ.
ಟ್ವಿಟರ್ನಲ್ಲಿ ಹೆಚ್ಚು ಟ್ರೆಂಡ್ ಆದ ಸ್ಪೋರ್ಟ್ಸ್ ಹ್ಯಾಷ್ಟ್ಯಾಗ್ಗಳಿವು
ಸಿಡ್ನಿ ಕ್ರಿಕೆಟ್ ಗ್ರೌಂಡ್ನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ಗೆ ಇಳಿಸಲ್ಪಟ್ಟ ಆಸ್ಟ್ರೇಲಿಯಾ ತಂಡ, ಮ್ಯಾಥ್ಯೂ ವೇಡ್ 80 (53 ಎಸೆತ), ಸ್ಟೀವ್ ಸ್ಮಿತ್ 24, ಗ್ಲೆನ್ ಮ್ಯಾಕ್ಸ್ವೆಲ್ 54 (36), ಡಿ ಆರ್ಸಿ ಶಾರ್ಟ್ 7 ರನ್ನೊಂದಿಗೆ 20 ಓವರ್ಗಳಲ್ಲಿ 5 ವಿಕೆಟ್ ಕಳೆದು 186 ರನ್ ಗಳಿಸಿತು.
ಗುರಿ ಬೆನ್ನಟ್ಟಿದ ಭಾರತ ತಂಡ, ಶಿಖರ್ ಧವನ್ 28, ನಾಯಕ ವಿರಾಟ್ ಕೊಹ್ಲಿ 85 (61), ಸಂಜು ಸ್ಯಾಮ್ಸನ್ 10, ಹಾರ್ದಿಕ್ ಪಾಂಡ್ಯ 20, ಶಾರ್ದೂಲ್ ಠಾಕೂರ್ 17 ರನ್ನೊಂದಿಗೆ 20 ಓವರ್ಗಳಲ್ಲಿ 7 ವಿಕೆಟ್ ಕಳೆದು 174 ರನ್ ಗಳಿಸಿ ಸೋಲೊಪ್ಪಿಕೊಂಡಿತು. ಇದರೊಂದಿಗೆ ಟಿ20ಐ ಸರಣಿ 2-1ರಿಂದ ಭಾರತದ ಪಾಲಾಗಿದೆ.
ಕೆಎಲ್ ರಾಹುಲ್ ನನ್ನ ನೆಚ್ಚಿನ ಬ್ಯಾಟ್ಸ್ಮನ್: ಬ್ರಿಯಾನ್ ಲಾರಾ
ಆಸ್ಟ್ರೇಲಿಯಾ ಇನ್ನಿಂಗ್ಸ್ನಲ್ಲಿ ಭಾರತದ ವಾಷಿಂಗ್ಟನ್ ಸುಂದರ್ 2, ಟಿ ನಟರಾಜನ್ 1, ಶಾರ್ದೂಲ್ ಠಾಕೂರ್ 1 ವಿಕೆಟ್ ಪಡೆದರೆ, ಭಾರತದ ಇನ್ನಿಂಗ್ಸ್ನಲ್ಲಿ ಆಸ್ಟ್ರೇಲಿಯಾದ ಮಿಚೆಲ್ ಸ್ವೆಪ್ಸನ್ 3, ಗ್ಲೆನ್ ಮ್ಯಾಕ್ಸ್ವೆಲ್, ಸೀನ್ ಅಬಾಟ್, ಆ್ಯಂಟ್ರ್ಯೂ ಟೈ ಮತ್ತು ಆ್ಯಡಂ ಝಾಂಪ 1 ವಿಕೆಟ್ ಪಡೆದರು. ಹಾರ್ದಿಕ್ ಪಾಂಡ್ಯ ಸರಣಿ ಶ್ರೇಷ್ಠರೆನಿಸಿದರು.