3ನೇ ಬ್ಯಾಟಿಂಗ್ ಕ್ರಮಾಂಕದಲ್ಲಿ ಬೂಮ್ರಾ
ಶುಕ್ರವಾರ ಮೊದಲನೇ ಟೆಸ್ಟ್ ಪಂದ್ಯದ ಎರಡನೇ ದಿನದಾಟದ ಅಂತ್ಯಕ್ಕೆ ಬೂಮ್ರಾ 3ನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ಗೆ ಬಂದಿದ್ದರು. ಆರಂಭಿಕ ಇನ್ನಿಂಗ್ಸ್ನಲ್ಲಿ 7 ಎಸೆತಗಳಲ್ಲಿ 4 ರನ್ ಬಾರಿಸಿದ್ದ ಬೂಮ್ರಾ ಅಜೇಯರಾಗಿ ಉಳಿದಿದ್ದರು. ಹೀಗಾಗಿ ದ್ವಿತೀಯ ಇನ್ನಿಂಗ್ಸ್ನಲ್ಲಿ ಬೂಮ್ರಾಗೆ ಒನ್ಡೌನ್ನಲ್ಲಿ ಬ್ಯಾಟಿಂಗ್ಗೆ ಅವಕಾಶ ನೀಡಲಾಗಿತ್ತು. ಆರಂಭಿಕ ಬ್ಯಾಟ್ಸ್ಮನ್ ಪೃಥ್ವಿ ಶಾ 0ಗೆ ವಿಕೆಟ್ ಒಪ್ಪಿಸಿದ ಬಳಿಕ ಚೇತೇಶ್ವರ ಪೂಜಾರ ಬದಲು ಬೂಮ್ರಾ ಬಂದಿದ್ದರು.
ನೈಟ್ ವಾಚ್ಮನ್ ಆದ ಜಸ್ಪ್ರೀತ್
ಬೌಲರ್ ಬೂಮ್ರಾ 3ನೇ ಬ್ಯಾಟಿಂಗ್ ಕ್ರಮಾಂಕದಲ್ಲಿ ಬಂದಿದ್ದು ವಿಶೇಷವೇನಲ್ಲ. ದಿನದ ಆಟ ಕೊನೇ ಹಂತದಲ್ಲಿರುವಾಗ ಮೇಲಿನ ಕ್ರಮಾಂಕದ ಬ್ಯಾಟ್ಸ್ಮನ್ ಔಟಾದರೆ ಆ ದಿನ ಮತ್ತೊಬ್ಬ ಪ್ರಮುಖ ಬ್ಯಾಟ್ಸ್ ಮನ್ ಔಟ್ ಆಗೋಕೆ ಅವಕಾಶ ಕೊಡಬಾರದು ಎಂದು ಬ್ಯಾಟಿಂಗ್ ತಂಡ ಹೀಗೆ ಡೌನ್ ಆರ್ಡರ್ ಬ್ಯಾಟ್ಸ್ಮನನ್ನು ಕಳುಹಿಸುತ್ತದೆ. ಮರುದಿನ ಹೊಸದಾಗಿ ಆಟ ಶುರುಮಾಡಬಹುದು ಅಂತ ನೈಟ್ ವಾಚ್ ಮನ್ ಕಳಿಸಲಾಗುತ್ತದೆ. ಶುಕ್ರವಾರದ ಆಟದ ವೇಳೆ ಬೂಮ್ರಾ 3ನೇ ಬ್ಯಾಟಿಂಗ್ ಕ್ರಮಾಂಕದಲ್ಲಿ ಬಂದಿದ್ದು ನೈಟ್ ವಾಚ್ಮನ್ ಆಗಿ.
ಅಭ್ಯಾಸದಲ್ಲಿ ಭರ್ಜರಿ ಬ್ಯಾಟಿಂಗ್
ಮೊದಲನೇ ಟೆಸ್ಟ್ಗೂ ಮುನ್ನ ಬೂಮ್ರಾ ಅಭ್ಯಾಸ ಪಂದ್ಯದಲ್ಲಿ ಭರ್ಜರಿ ಬ್ಯಾಟಿಂಗ್ ಮಾಡಿ ಗಮನ ಸೆಳೆದಿದ್ದರು. ದ್ವಿತೀಯ ಅಭ್ಯಾಸ ಪಂದ್ಯದಲ್ಲಿ ಬೂಮ್ರಾ 57 ಎಸೆತಗಳಲ್ಲಿ ಅಜೇಯ 55 ರನ್ ಬಾರಿಸಿದ್ದರು. ವಿಶೇಷವೆಂದರೆ ಆ ಇನ್ನಿಂಗ್ಸ್ನಲ್ಲಿ ಬೂಮ್ರಾ ಅವರದ್ದೇ ಅತ್ಯಧಿಕ ರನ್ ಆಗಿತ್ತು. ಅಂತೂ ಟೆಸ್ಟ್ನಲ್ಲಂತೂ ಬೂಮ್ರಾ ದಿಟ್ಟ ಬ್ಯಾಟಿಂಗ್ ಪ್ರದರ್ಶಿಸಲು ಶುರು ಮಾಡಿದ್ದಾರೆ.2020ರ ಇಸವಿ ಜಸ್ಪ್ರೀತ್ ಬೂಮ್ರಾ ಪಾಲಿಗೆ ಅವಿಸ್ಮರಣೀಯವೆನಿಸಿದೆ. ಯಾಕೆಂದರೆ ಕ್ರಿಕೆಟ್ ವೃತ್ತಿ ಬದುಕಿನಲ್ಲಿ ಬೂಮ್ರಾ 3ನೇ ಬ್ಯಾಟಿಂಗ್ ಕ್ರಮಾಂಕದಲ್ಲಿ ಬಂದಿದ್ದು ಅವರ ಪಾಲಿಗೆ ತುಂಬಾ ವಿಶೇಷವೆನಿಸಿದೆ.