ನ್ಯೂಜಿಲೆಂಡ್ ವಿರುದ್ಧದ ಟೆಸ್ಟ್‌ನಿಂದ ಬಾಬರ್, ಇಮಾಮ್ ಹೊರಕ್ಕೆ

ನೇಪಿಯರ್: ನ್ಯೂಜಿಲೆಂಡ್ ವಿರುದ್ಧದ ಮೊದಲನೇ ಟೆಸ್ಟ್‌ ಪಂದ್ಯದಿಂದ ಪಾಕಿಸ್ತಾನ ತಂಡದ ನಾಯಕ ಬಾಬರ್ ಅಝಾಮ್ ಮತ್ತು ಆರಂಭಿಕ ಬ್ಯಾಟ್ಸ್‌ಮನ್ ಇಮಾಮ್ ಉಲ್ ಹಕ್ ಹೊರ ಬಿದ್ದಿದ್ದಾರೆ. ಗಾಯಕ್ಕೀಡಾಗಿರುವುದರಿಂದ ಇಬ್ಬರೂ ಆರಂಭಿಕ ಟೆಸ್ಟ್‌ನಲ್ಲಿ ಆಡುತ್ತಿಲ್ಲ.

ಹುಟ್ಟುಹಬ್ಬದಂದೇ ಯೋ ಮಹೇಶ್ ಎಲ್ಲಾ ಮಾದರಿಯ ಕ್ರಿಕೆಟ್‌ನಿಂದ ನಿವೃತ್ತಿ

ಹೆಬ್ಬೆರಳಿನ ಗಾಯಕ್ಕೀಡಾಗಿರುವ ಬಾಬರ್ ಅಝಾಮ್ ಮತ್ತು ಇಮ್ ಉಲ್ ಹಕ್ ಬದಲಿಗೆ ಆರಂಭಿಕ ಟೆಸ್ಟ್‌ಗಾಗಿ ಪಾಕಿಸ್ತಾನದ 17 ಮಂದಿಯ ತಂಡದಲ್ಲಿ ಇಮ್ರಾನ್ ಬಟ್ ಅವರನ್ನು ಹೆಸರಿಸಲಾಗಿದೆ. ಇತ್ತಂಡಗಳ ನಡುವಿನ ಬಾಕ್ಸಿಂಗ್‌ ಡೇ ಟೆಸ್ಟ್‌ ಡಿಸೆಂಬರ್ 26-30ರ ವರೆಗೆ ನಡೆಯಲಿದೆ.

ಕಳೆದ ವಾರ ಕ್ವೀನ್ಸ್‌ಟೌನ್‌ನಲ್ಲಿ ನಡೆದಿದ್ದ ಅಭ್ಯಾಸದ ವೇಳೆ ಬಾಬರ್ ಅಝಾಮ್ ಬಲ ಹೆಬ್ಬೆರಳಿಗೆ ಗಾಯ ಮಾಡಿಕೊಂಡಿದ್ದರು, ಇಮಾಮ್ ಹಕ್ ಅವರ ಎಡ ಹೆಬ್ಬೆರಳಿಗೆ ಗಾಯ ಮಾಡಿಕೊಂಡಿದ್ದರು. ಎರಡು ಪಂದ್ಯಗಳ ಟೆಸ್ಟ್‌ ಸರಣಿಯಲ್ಲಿ ಇನ್ನು ಇಬ್ಬರು ಆಡ್ತಾರೋ ಇಲ್ಲವೋ ಅನ್ನೋದು ಇನ್ನೂ ಖಾತರಿಯಾಗಿಲ್ಲ.

28ರ ಹರೆಯದಲ್ಲಿ ನಿವೃತ್ತಿ ಹೇಳಲು ಅವರಿಬ್ಬರು ಕಾರಣ: ಪಾಕ್ ದಿಗ್ಗಜರ ಬಗ್ಗೆ ಆಮಿರ್ ಕೆಂಡ

ಗಾಯಕ್ಕೀಡಾದ ಬಳಿಕ ಇಬ್ಬರೂ ಮತ್ತೆ ಅಭ್ಯಾಸ ಆರಂಭಿಸಿಲ್ಲ. ತಂಡದ ವೈದ್ಯಕೀಯ ಸಿಬ್ಬಂದಿ ಇಬ್ಬರ ಚೇತರಿಕೆಯತ್ತ ಗಮನ ಹರಿಸುತ್ತಿದೆ ಎಂದು ಪಾಕಿಸ್ತಾನ ಕ್ರಿಕೆಟ್ ಬೋರ್ಡ್ ಮಾಹಿತಿ ನೀಡಿದೆ.