ಯುಎಇಯಲ್ಲಿ ಐಪಿಎಲ್ 2020 ಯಶಸ್ವಿಯಾಗಿ ಪೂರ್ಣಗೊಂಡ ನಂತರ, ಟೀಮ್ ಇಂಡಿಯಾ ಮೂರು ಸ್ವರೂಪದ ಕ್ರಿಕೆಟ್ ಸರಣಿಗಾಗಿ ಆಸ್ಟ್ರೇಲಿಯಾಕ್ಕೆ ಪ್ರಯಾಣಿಸಲು ಸಜ್ಜಾಗಿದೆ. ಕೊಹ್ಲಿ ಪಡೆ ನವೆಂಬರ್ 12ರಂದು ಸಿಡ್ನಿಗೆ ತೆರಳುವ ಸಾಧ್ಯತೆ ಇದೆ.
ಕೋವಿಡ್-19 ಪ್ರೇರಿತ ನಂತರ ಯಾವುದೇ ತಂಡವು ಬೇರೆ ರಾಷ್ಟ್ರಗಳಿಗೆ ತೆರಳಿದರೆ ಕ್ವಾರಂಟೈನ್ಗೆ ಒಳಗಾಗುತ್ತದೆ. ಹಾಗೆಯೇ ವಿರಾಟ್ ಕೊಹ್ಲಿ ನೇತೃತ್ವದ ತಂಡವು ಸಿಡ್ನಿಯಲ್ಲಿ 14 ದಿನಗಳ ಕ್ವಾರಂಟೈನ್ಗೆ ಒಳಗಾಗಲಿದೆ, ಅಲ್ಲಿ ಅವರಿಗೆ ಒಂದು ವಾರದ ನಂತರ ಅಭ್ಯಾಸ ಮಾಡಲು ಅವಕಾಶವಿರುತ್ತದೆ.
ಆಸ್ಟ್ರೇಲಿಯಾ ಪ್ರವಾಸಕ್ಕೆ ಸದ್ಯದಲ್ಲೇ ಟೀಮ್ ಇಂಡಿಯಾ ಆಟಗಾರರ ಆಯ್ಕೆ
ಮುಂದಿನ ತಿಂಗಳು 11 ಅಥವಾ 12 ರಂದು ಚಾರ್ಟರ್ಡ್ ಫ್ಲೈಟ್ ಮೂಲಕ ಮೆನ್ ಇನ್ ಬ್ಲೂ ಹಾರಾಟ ನಡೆಸುವ ನಿರೀಕ್ಷೆಯಿದೆ. ಆಟದ ಎಲ್ಲಾ ಸ್ವರೂಪಗಳಿಗೆ ಆಯ್ಕೆಯಾದ ಸಂಪೂರ್ಣ ತಂಡವು ಸಪೋರ್ಟಿಂಗ್ ಸಿಬ್ಬಂದಿಯೊಂದಿಗೆ ಒಂದೇ ಬಾರಿ ಕಾಂಗರೂ ನಾಡಿಗೆ ಪ್ರಯಾಣಿಸುತ್ತದೆ ಎಂದು ತಿಳಿಸಲಾಗಿದೆ.
ಮುಂದಿನ ಪ್ರಕ್ರಿಯೆಯನ್ನು ಸುಗಮಗೊಳಿಸಲು, ಅಕ್ಟೋಬರ್ ಅಂತ್ಯದ ಮೊದಲು ದುಬೈಗೆ ತೆರಳುವಂತೆ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಈಗಾಗಲೇ ಕೋಚ್ ರವಿಶಾಸ್ತ್ರಿ ಮತ್ತು ಸಂಪೂರ್ಣ ಬೆಂಬಲ ಸಿಬ್ಬಂದಿಯನ್ನು ಕೇಳಿದೆ.
ಆಸ್ಟ್ರೇಲಿಯಾಕ್ಕೆ ಹಾರಲು ಸಜ್ಜಾಗಿರುವ ಮತ್ತು ಲೀಗ್ನ ಭಾಗವಾಗಿರದ ಆಟಗಾರರು ಭಾನುವಾರದ ಮೊದಲು ದುಬೈಗೆ ಇಳಿಯಬೇಕಾಗುತ್ತದೆ. ತಮ್ಮ ಕ್ವಾರಂಟೈನ್ ಪೂರ್ಣಗೊಳಿಸಿದ ನಂತರ, ಅವರು ದುಬೈನಿಂದ ತಂಡವು ನಿರ್ಗಮಿಸುವ ಮೊದಲು ತಮ್ಮ ತರಬೇತಿ ಅವಧಿಯನ್ನು ಪ್ರಾರಂಭಿಸಬಹುದು. ಸಿಡ್ನಿಯಲ್ಲಿ ಆಟಗಾರರಿಗೆ ಎಸ್ಸಿಜಿಯಲ್ಲಿ ತರಬೇತಿ ನೀಡಲು ಅವಕಾಶವಿರುತ್ತದೆ.