ಸದ್ಯಕ್ಕೆ 9 ತಂಡಗಳು
ಇನ್ನೆರಡು ತಂಡಗಳನ್ನು ಹೆಚ್ಚಿಸಿದರೆ, ಅಂದರೆ ಐಪಿಎಲ್ನಲ್ಲಿ ಒಟ್ಟು 10 ತಂಡಗಳಾದರೆ ಸೀಸನ್ ಒಂದರಲ್ಲಿ 90ಕ್ಕೂ ಹೆಚ್ಚು ಪಂದ್ಯಗಳನ್ನು ಆಯೋಜಿಸಬೇಕಾದ ಇಕ್ಕಟಿಗೆ ಬಿಸಿಸಿಐ ಸಿಲುಕಲಿದೆ. ಅಲ್ಲದೆ ಐಸಿಸಿಯ ಫ್ಯೂಚರ್ ಟೂರ್ಸ್ ಪ್ರೋಗ್ರಾಮ್ (ಎಫ್ಟಿಪಿ) ಕೂಡ 9 ತಂಡಗಳಿಗೆ ಅನುಮತಿ ನೀಡುವುದನ್ನು ನಿರೀಕ್ಷಿಸಲಾಗಿದೆ.
10 ತಂಡಗಳೂ ಬರಲಿವೆ
ಒಟ್ಟು 9 ತಂಡಗಳಾದರೆ ಸುಮಾರು 76 ಪಂದ್ಯಗಳು, ಅಂದರೆ ಈಗಿರುವುದಕ್ಕಿಂತ ಕೊಂಚ ಹೆಚ್ಚು ಪಂದ್ಯಗಳನ್ನು ಮುಂಬರಲಿರುವ ಐಪಿಎಲ್ ಸೀಸನ್ಗಳಲ್ಲಿ ವೀಕ್ಷಿಸಲು ಅವಕಾಶವಿದೆ. ಅಂದರೆ 2020ರಿಂದ 2022ರ ವರೆಗಂತೂ ಐಪಿಎಲ್ನಲ್ಲಿ 9 ತಂಡಗಳಿದ್ದು, 2023ರ ನಂತರ 10 ತಂಗಳನ್ನು ಬಿಸಿಸಿಐ ಪರಿಚಯಿಸುವ ಸಾಧ್ಯತೆಯಿದೆ.
2000 ಕೋ.ರೂ. ಬೆಲೆ!
ಹೊಸದಾಗಿ ಆರಂಭವಾಗುವ ಫ್ರಾಂಚೈಸಿಯ ಮೂಲಬೆಲೆ ಸುಮಾರು 2000 ಕೋ.ರೂ.ಗಳನ್ನು ನಿಗದಿಪಡಿಸುವತ್ತ ಬಿಸಿಸಿಐ ಆಲೋಚಿಸುತ್ತಿದೆ. ಆದರೆ ಸದ್ಯಕ್ಕೆ ಈ ದೊಡ್ಡ ಮಟ್ಟಿನ ಬಂಡವಾಳ ಹೂಡಿಕೆಗೆ ಒಂದಕ್ಕಿಂತ ಹೆಚ್ಚು ತಾಣಗಳು ಆಸಕ್ತಿ ತಾಳಬಹುದೇ ಎಂಬ ಬಗ್ಗೆ ಇನ್ನೂ ಬಿಸಿಸಿಐ ಖಚಿತಪಡಿಸಿಲ್ಲ.
ಗುಜರಾತ್ನಲ್ಲಿ ಬೃಹತ್ ಸ್ಟೇಡಿಯಂ
ಗುಜರಾತ್ನ ಅಹ್ಮದಾಬಾದ್ನ ಮೊಟೆರಾದಲ್ಲಿರುವ ಸರ್ದಾರ್ ಪಟೇಲ್ ಸ್ಟೇಡಿಯಂ ಇದೇ ವರ್ಷ ಮಾರ್ಚ್ನಿಂದ ಕ್ರಿಕೆಟ್ಗೆ ಪಂದ್ಯಗಳಿಗೆ ಲಭ್ಯವಾಗಲಿದೆ. 1.1 ಲಕ್ಷ ಸಾಮರ್ಥ್ಯವಿರುವ ಈ ಬೃಹತ್ ತಾಣ ವಿಶ್ವದಲ್ಲೇ ಅತೀ ದೊಡ್ಡ ಸ್ಟೇಡಿಯಂ ಅಗಿ ಗುರುತಿಸಿಕೊಳ್ಳಲಿದೆ. ಹೀಗಾಗಿ ಇದೇ ತಾಣಕ್ಕೆ ಸಂಬಂಧಿಸಿ ಒಂದು ಹೊಸ ಫ್ರಾಂಚೈಸಿ ಶುರುವಾಗುವ ನಿರೀಕ್ಷೆ ಮೂಡಿಸಿದೆ.