ಐಪಿಎಲ್ ಇನ್ನುಳಿದ ಪಂದ್ಯಗಳ ನಡೆಸಲು ಬಿಸಿಸಿಐ ತರಾತುರಿಯಲ್ಲಿಲ್ಲ

BCCI in no hurry to decide venue for remainder of IPL 2021

ನವದೆಹಲಿ: ಮುಂದೂಡಲ್ಪಟ್ಟಿರುವ ಇಂಡಿಯನ್ ಪ್ರೀಮಿಯರ್ ಲೀಗ್‌ (ಐಪಿಎಲ್) 2021ರ ಆವೃತ್ತಿ ಇಂಗ್ಲೆಂಡ್‌ನಲ್ಲಿ ನಡೆಯಲಿವೆ ಎಂದು ಕೆಲವು ವರದಿಗಳು ಹಾಗೆ ಹೇಳುತ್ತಿವೆ. ಈ ಬಾರಿಯ ಸೀಸನ್‌ನಲ್ಲಿ 29 ಪಂದ್ಯಗಳು ಮುಗಿದಿವೆ. ಇನ್ನು 31 ಪಂದ್ಯಗಳು ಬಾಕಿ ಉಳಿದಿವೆ.

ಈ ವಿಚಾರದಲ್ಲಿ ಆರ್‌ಸಿಬಿಯೇ ನಂ.1, ಬೆಂಗಳೂರ್ ಸೂಪರ್! ಈ ವಿಚಾರದಲ್ಲಿ ಆರ್‌ಸಿಬಿಯೇ ನಂ.1, ಬೆಂಗಳೂರ್ ಸೂಪರ್!

ಇಂಟರ್ ನ್ಯಾಷನಲ್ ಕ್ರಿಕೆಟ್ ಕೌನ್ಸಿಲ್‌ನ ಮುಖ್ಯ ಕಾರ್ಯನಿರ್ವಾಹಕ ಸಮಿತಿ ಮೇ 6ರ ಗುರುವಾರ ಸಭೆ ನಡೆಸಿತ್ತು. ಈ ವೇಳೆ ಯಾವುದೇ ಸಿಇಒಗಳು ಐಪಿಎಲ್ ಇನ್ನುಳಿದ ಪಂದ್ಯಗಳಿಗೆ ಯುಕೆ ತಾಣವಾಗಲಿದೆ ಎಂಬ ವಿಚಾರವನ್ನು ಚರ್ಚಿಸಿಲ್ಲ. ಆದರೆ ಈ ವೇಳೆ ಒಲಿಂಪಿಕ್ಸ್ ಬಗ್ಗೆ ಸ್ವಲ್ಪ ಮಟ್ಟಿನ ಮಾತುಕತೆಗಳಾಗಿದ್ದವು.

ಅಕ್ಟೋಬರ್‌-ನವೆಂಬರ್‌ನಲ್ಲಿ ಭಾರತದಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್‌ ಬಗ್ಗೆಯೂ ಸಭೆಯಲ್ಲಿ ಗಂಭೀರ ಚರ್ಚೆ ನಡೆದಿದ್ದೇನೂ ಕಂಡುಬರಲಿಲ್ಲ. ಈ ವಿಚಾರ ನೋಡಿದರೆ ಬಿಸಿಸಿಐ ಐಪಿಎಲ್‌ ಇನ್ನುಳಿದ ಪಂದ್ಯಗಳನ್ನು ನಡೆಸುವ ತರಾತುರಿಯಲ್ಲಿಲ್ಲ ಎಂದೆನಿಸುತ್ತದೆ. ಬಿಸಿಸಿಐ ನಿಧಾನವಾಗಿ ಚರ್ಚಿಸಿ ಈ ಬಗ್ಗೆ ನಿರ್ಧರಿಸುವುದನ್ನು ನಿರೀಕ್ಷಿಸಲಾಗಿದೆ.

ಟೀಮ್ ಇಂಡಿಯಾ ಆಯ್ಕೆಗೆ ಪೃಥ್ವಿಗೆ ಶರತ್ತು ವಿಧಿಸಿದ ಆಯ್ಕೆದಾರರು ಟೀಮ್ ಇಂಡಿಯಾ ಆಯ್ಕೆಗೆ ಪೃಥ್ವಿಗೆ ಶರತ್ತು ವಿಧಿಸಿದ ಆಯ್ಕೆದಾರರು

ಏಪ್ರಿಲ್ 9ರಿಂದ ಆರಂಭಗೊಂಡಿದ್ದ ಐಪಿಎಲ್ 2021ರ ಟೂರ್ನಿ ಮೇ 30ರ ವರೆಗೆ ನಡೆಯಲಿತ್ತು. ಆದರೆ ಐಪಿಎಲ್ ಬಯೋಬಬಲ್ ಒಳಗೂ ಕೊರೊನಾ ಸೋಂಕಿನ ಪ್ರಕರಣಗಳು ಕಾಣಿಸಿಕೊಂಡ ಹಿನ್ನಲೆಯಲ್ಲಿ ಬಿಸಿಸಿಐ ಐಪಿಎಲ್ ಅನ್ನು ಅಮಾನತುಗೊಳಿಸಿತ್ತು.