ಬಿಸಿಸಿಐ ಕೊಹ್ಲಿಯನ್ನು ಕೈಬಿಡದಿರಲು ಆ ಹಣ ಕಾರಣ!
ಫುಟ್ ಬಾಲ್ ಕ್ರೀಡೆಯಲ್ಲಿ ಕ್ರಿಸ್ಟಿಯಾನೋ ರೊನಾಲ್ಡೋ ಹೇಗೋ ಕ್ರಿಕೆಟ್ನಲ್ಲಿ ವಿರಾಟ್ ಕೊಹ್ಲಿ ಕೂಡ ಹಾಗೆ, ಹೀಗಾಗಿ ವಿರಾಟ್ ಕೊಹ್ಲಿ ತಂಡದಲ್ಲಿದ್ದರೆ ಹೆಚ್ಚು ಪ್ರಾಯೋಜಕತ್ವ ಬರಲಿದೆ ಹಾಗೂ ಅದರಿಂದ ಬಿಸಿಸಿಐಗೆ ದೊಡ್ಡ ಮೊತ್ತದ ಹಣ ಹರಿದುಬರಲಿದೆ ಹೀಗಾಗಿಯೇ ಕೊಹ್ಲಿಯನ್ನು ಬಿಸಿಸಿಐ ಕೈ ಬಿಡುತ್ತಿಲ್ಲ ಎಂದು ಮಾಂಟಿ ಪನೇಸರ್ ಹೇಳಿದ್ದಾರೆ.
ಕೊಹ್ಲಿಗಿದೆ ಅಪಾರವಾದ ಅಭಿಮಾನಿ ಬಳಗ, ಕೈಬಿಟ್ಟರೆ ನಷ್ಟ ಗ್ಯಾರಂಟಿ
ವಿರಾಟ್ ಕೊಹ್ಲಿಗೆ ಅಪಾರವಾದ ಅಭಿಮಾನಿ ಬಳಗವಿದೆ ಹಾಗೂ ವಿರಾಟ್ ಕೊಹ್ಲಿ ಖ್ಯಾತಿಯಿಂದಾಗಿ ಸಾಕಷ್ಟು ದೊಡ್ಡ ಪ್ರಾಯೋಜಕರು ಹಣ ಹೂಡುತ್ತಿದ್ದಾರೆ, ಹೀಗಾಗಿ ಫಲಿತಾಂಶ ಏನೇ ಬಂದರೂ ವಿರಾಟ್ ಕೊಹ್ಲಿ ತಂಡದಲ್ಲಿ ಉಳಿದುಕೊಂಡಿದ್ದಾರೆ, ವಿರಾಟ್ ಕೊಹ್ಲಿಗೆ ಇಂಗ್ಲೆಂಡ್ನಲ್ಲಿಯೂ ಅಪಾರವಾದ ಅಭಿಮಾನಿ ಬಳಗವಿದ್ದು ಬಿಸಿಸಿಐ ಅವರನ್ನು ತಂಡದಿಂದ ಕೈಬಿಡುವ ಸಾಹಸಕ್ಕೆ ಕೈ ಹಾಕುತ್ತಿಲ್ಲ ಮತ್ತು ತಂಡದಿಂದ ಕೈಬಿಡುವ ಪ್ರಯತ್ನ ಮಾಡಿದರೆ ನಷ್ಟ ಉಂಟಾಗಬಹುದು ಎಂದು ಮಾಂಟಿ ಪನೇಸರ್ ಅಭಿಪ್ರಾಯಪಟ್ಟಿದ್ದಾರೆ.
ಕೊಹ್ಲಿ ಶತಕ ಬಾರಿಸಿ ಕಳೆದಿವೆ 964 ದಿನಗಳು
ಇನ್ನು ವಿರಾಟ್ ಕೊಹ್ಲಿ ಶತಕ ಬಾರಿಸಿ ಸಾವಿರ ದಿನಗಳು ಸಮೀಪಿಸುತ್ತಿವೆ. ಹೌದು, ವಿರಾಟ್ ಕೊಹ್ಲಿ ಅಂತಿಮವಾಗಿ ಶತಕ ಬಾರಿಸಿದ್ದು 2020ರ ನವೆಂಬರ್ ತಿಂಗಳಿನಲ್ಲಿ ನಡೆದಿದ್ದ ಬಾಂಗ್ಲಾದೇಶ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ. ಇದಾದ ನಂತರ ಇಲ್ಲಿಯವರೆಗೂ ವಿರಾಟ್ ಕೊಹ್ಲಿ ಯಾವುದೇ ಪಂದ್ಯದಲ್ಲಿಯೂ ಶತಕ ಬಾರಿಸದೇ ಇದ್ದು, ನಿನ್ನೆಗೆ ( ಜುಲೈ 14 ) 964 ದಿನಗಳು ಕಳೆದಿವೆ ಹಾಗೂ ಆಗಸ್ಟ್ 19ಕ್ಕೆ ಸಾವಿರ ದಿನಗಳು ತುಂಬಲಿವೆ.