ನವದೆಹಲಿ, ಜೂನ್ 7: ಮಹಿಳೆಯರ ವಿಶ್ವಕಪ್ 2021ಕ್ಕೆ ಪ್ರವೇಶ ನಿರ್ಧರಿಸುವಲ್ಲಿ ಮಹತ್ವದ್ದಾಗಿರುವ ಮಹಿಳಾ ಚಾಂಪಿಯನ್ಷಿಪ್ ಟೂರ್ನಿಯನ್ನು ಐಸಿಸಿ ನಡೆಸಲಿದೆ. ಈ ಪಂದ್ಯಾಟದ ಸಲುವಾಗಿ ಪಾಕಿಸ್ತಾನ ಮಹಿಳಾ ತಂಡಕ್ಕೆ ಏಕದಿನ ಸರಣಿಯಲ್ಲಿ ಆತಿಥ್ಯ ವಹಿಸಲು ಬಿಸಿಸಿಐ, ಭಾರತ ಸರ್ಕಾರದ ಅನುಮತಿ ಕೋರಿದೆ.
ನಾವು ಜೊತೆಗಿದ್ದೇವೆ, ಗ್ಲೌಸ್ ತೆಗೆಯಬೇಡಿ: ಧೋನಿ ಬೆಂಬಲಕ್ಕೆ ಸಾವಿರ ಟ್ವೀಟ್!
ಭಾರತ ಮತ್ತು ಪಾಕಿಸ್ತಾನ ನಡುವೆ ರಾಜಕೀಯ ಬಿಗು ನಿಲುವು ಇರುವುದರಿಂದ ಬಿಸಿಸಿಐ ಇಕ್ಕಟ್ಟಿನಲ್ಲಿ ಸಿಲುಕಿದೆ. ನೆರೆಯ ದೇಶಗಳಾದ ಭಾರತ-ಪಾಕ್ ನಡುವೆ ಉತ್ತಮ ಸಂಬಂಧ ಇಲ್ಲದ ಕಾರಣಕ್ಕಾಗಿ ಪುರುಷರ ವಿಭಾಗದ ಕ್ರಿಕೆಟ್ನ ದ್ವಿಪಕ್ಷೀಯ ಸರಣಿಯನ್ನು ಸುಮಾರು 6 ವರ್ಷಗಳಿಂದಲೂ ಭಾರತ ನಡೆಸುತ್ತಿಲ್ಲ.
World Cup spot on line, BCCI seeks government nod to host Pakistan women's team pic.twitter.com/dbAbfjRi9U
— J.s (@Js87958738) June 7, 2019
ಮಹಿಳಾ ಚಾಂಪಿಯನ್ಶಿಪ್ ಟೂರ್ನಿ ಪ್ರಕಾರ ಭಾರತ ಮತ್ತು ಪಾಕಿಸ್ತಾನ ಎರಡೂ ದೇಶಗಳು ಪರಸ್ಪರ ಏಕದಿನ ಸರಣಿಗೆ ಆತಿಥ್ಯ ವಹಿಸಬೇಕಾಗುತ್ತದೆ. ಹೀಗಾಗಿ ಬಿಸಿಸಿಐ ಕ್ರಿಕೆಟ್ ಕಾರ್ಯಾಚರಣೆಯ ಜನರಲ್ ಮ್ಯಾನೇಜರ್ ಸಬಾ ಕರೀಮ್ ಅವರು ಮೇ 29ರಂದು ಭಾರತದ ಕ್ರೀಡಾ ಸಚಿವಾಲಯಕ್ಕೆ ಪತ್ರ ಬರೆದಿದ್ದಾರೆ.
ಮೈದಾನಕ್ಕೆ ನುಗ್ಗಿದ ಸ್ಮಿಮ್ ಸೂಟ್ ಸುಂದರಿಗೆ 11 ಲಕ್ಷ ರೂ. ದಂಡ!
'ಮಹಿಳಾ ಚಾಂಪಿಯನ್ಷಿಪ್ ವೇಳಾಪಟ್ಟಿ ಪ್ರಕಾರ ಪಾಕಿಸ್ತಾನ ಮಹಿಳಾ ತಂಡಕ್ಕೆ ಬಿಸಿಸಿಐಯು ಜುಲೈನಿಂದ ನವೆಂಬರ್ ಒಳಗೆ ಕನಿಷ್ಠ 3 ಪಂದ್ಯಗಳ ಏಕದಿನ ಸರಣಿಗೆ ಅತಿಥ್ಯ ವಹಿಸಬೇಕು. ಟೂರ್ನಿ ನಡೆಸುವ ಕುರಿತು ಐಸಿಸಿಗೆ ಒಪ್ಪಿಗೆ ನೀಡುವ ಮುನ್ನ ಬಿಸಿಸಿಐಯು ಭಾರತ ಸರ್ಕಾರದ ಅನುಮತಿ ಪಡೆಯಬೇಕಿದೆ' ಎಂದು ಬಿಸಿಸಿಐ ಮೂಲ ತಿಳಿಸಿದೆ.