ಬೆಂಗಳೂರು, ಫೆಬ್ರವರಿ 14: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಎಂಬ ಮೋಜಿನ ಕ್ರಿಕೆಟ್ ಲೀಗ್ ನಿಂದ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಈ ಬಾರಿ ಸರಿ ಸುಮಾರು 2,000 ಕೋಟಿ ರು ಆದಾಯ ನಿರೀಕ್ಷೆಯಲ್ಲಿದೆ. ಅಂದರೆ, ಬಿಸಿಸಿಐನ ಮಿಗತೆ ಬಜೆಟ್ ನ ಶೇ 95ರಷ್ಟು ಗಳಿಸಲಿದೆ.
2008ರಲ್ಲಿ ಆರಂಭವಾದ ಐಪಿಎಲ್ ಈಗ ವಿಶ್ವದ ದೊಡ್ಡ ಕ್ರಿಕೆಟ್ ಲೀಗ್ ಆಗಿ ಬೆಳೆದಿದೆ. ವಿಶ್ವದ ಶ್ರೀಮಂತ ಕ್ರಿಕೆಟ್ ಸಂಸ್ಥೆ ಬಿಸಿಸಿಐ ಜೋಳಿಗೆ ತುಂಬಿಸುತ್ತಿದೆ.
2018-19ರ ಆರ್ಥಿಕ ವರ್ಷದಲ್ಲಿ ಐಪಿಎಲ್ನಿಂದಲೇ 2,017 ಕೋಟಿ ರೂ. ಲಾಭ ನಿರೀಕ್ಷಿಸುತ್ತಿದೆ. ಇದಕ್ಕೆ ಹೋಲಿಸಿದರೆ, ಅಂತಾರಾಷ್ಟ್ರೀಯ ಮತ್ತು ದೇಶೀಯ ಕ್ರಿಕೆಟ್ ಪಂದ್ಯಗಳಿಂದ ಕೇವಲ 125 ಕೋಟಿ ರೂ. ನಿವ್ವಳ ಲಾಭ ಗಳಿಸುವ ಅಂದಾಜಿದೆ.
ಕೇವಲ 45 ದಿನಗಳ ಐಪಿಎಲ್ ಟೂರ್ನಿಯಿಂದ ಬಿಸಿಸಿಐ ಉಳಿದ 320 ದಿನಗಳ ಕ್ರಿಕೆಟ್ಗಿಂತ 16 ಪಟ್ಟು ಅಧಿಕ ಲಾಭ ಪಡೆಯಲಿದೆ. ಬಿಸಿಸಿಐನ ಖರ್ಚುವೆಚ್ಚಗಳನ್ನು ಕಳೆದು ಸಿಗುವ ಲಾಭದ ಲೆಕ್ಕಾಚಾರದಂತೆ
ಮುಂದಿನ 5 ವರ್ಷಗಳ ಐಪಿಎಲ್ ಮಾಧ್ಯಮ ಹಕ್ಕುಗಳನ್ನು ಸ್ಟಾರ್ ಇಂಡಿಯಾ ಬರೋಬ್ಬರಿ 16,347 ಕೋಟಿ ರೂ.ಗಳಿಗೆ ಬಿಸಿಸಿಐ ಮಾರಾಟ ಮಾಡಿತ್ತು. ಐಪಿಎಲ್ನಿಂದ 3,413 ಕೋಟಿ ರೂ. ಆದಾಯ ನಿರೀಕ್ಷಿಸಲಾಗಿದ್ದು, ಇದರಲ್ಲಿ 1,272 ಕೋಟಿ ರೂ. ಪಂದ್ಯ ಆಯೋಜನೆಗೆ ಖರ್ಚಾಗಲಿದೆ.