ಭಾರತದಲ್ಲಿ ಆಫ್ಘನ್‌ ಪ್ರೀಮಿಯರ್‌ ಲೀಗ್‌ ಆಯೋಜಿಸಲು ಬಿಸಿಸಿಐ ನಕಾರ!

BCCI turns down Afghanistans request to host APL in India

ಹೊಸದಿಲ್ಲಿ, ಜೂನ್‌ 18: ಕ್ರಿಕೆಟ್‌ ಅಭಿವೃದ್ಧಿಗೆ ಪ್ರೋತ್ಸಾಹಿಸಲು ಆಫ್ಘನ್‌ ಪ್ರೀಮಿಯರ್‌ ಲೀಗ್‌ ಟಿ20 ಟೂರ್ನಿಯನ್ನು ಭಾರತದಲ್ಲಿ ಆಯೋಜಿಸಲು ಅನುಮತಿ ಕೋರಿದ್ದ ಅಫಘಾನಿಸ್ತಾನ ಕ್ರಿಕೆಟ್‌ ಮಂಡಳಿಯ ಮನವಿಯನ್ನು ಭಾರತೀಯ ಕ್ರಿಕೆಟ್‌ ನಿಯಂತ್ರಣ ಮಂಡಳಿ (ಬಿಸಿಸಿಐ) ತಳ್ಳಿ ಹಾಕಿದೆ.

ವಿಶ್ವಕಪ್‌ ವೇಳಾಪಟ್ಟಿ / ಮುಖಾಮುಖಿ ದಾಖಲೆಗಳು / ಅಂಕಪಟ್ಟಿ

"ತನ್ನ ಟಿ20 ಕ್ರಿಕೆಟ್‌ ಲೀಗ್‌ ಟೂರ್ನಿಯನ್ನು ಭಾರತದಲ್ಲಿ ಆಯೋಜಿಸಲು ಅಫಘಾನಿಸ್ತಾನ ಕ್ರಿಕೆಟ್‌ ಮಂಡಳಿ ಮನವಿ ಮಾಡಿತ್ತು. ನಮ್ಮದೇ ಆದ ಟಿ20 ಕ್ರಿಕೆಟ್‌ ಟೂರ್ನಿ ಇರುವಾಗ ಆಫ್ಘನ್‌ ಪ್ರೀಮಿಯರ್‌ ಲೀಗ್‌ಗೆ ಅನುಮತಿ ನೀಡುವುದು ಸರಿಯಲ್ಲ,'' ಎಂದು ಬಿಸಿಸಿಐ ಅಧಿಕಾರಿಯೊಬ್ಬರು ಸುದ್ದಸಂಸ್ಥೆಗೆ ತಿಳಿಸಿದ್ದಾರೆ.

ಅಫಘಾನಿಸ್ತಾನ ಕ್ರಿಕೆಟ್‌ ಮಂಡಳಿಯ ಅಧಿಕಾರಿಗಳು ಈ ವಿಚಾರವಾಗಿ ಬಿಸಿಸಿಐನ ಸಿಇಒ ರಾಹುಲ್‌ ಜೊಹ್ರಿ ಮತ್ತು ಕ್ರಿಕೆಟ್‌ ಕಾರ್ಯಚಟುವಟಿಕೆಗಳ ಪ್ರಧಾನ ನಿರ್ವಾಹಕ ಸಬಾ ಕರೀಮ್‌ ಅವರ ಬಳಿ ಮೇ 16ರಂದು ಮುಂಬೈನಲ್ಲಿ ನಡೆದ ಸಭೆಯೊಂದರಲ್ಲಿ ಮನವಿ ಮಾಡಿಕೊಂಡಿದ್ದರು.

ನಂ.1 ಲೆಗ್‌ ಸ್ಪಿನ್ನರ್‌ ರಶೀದ್‌ ಖಾನ್‌ ಹೆಗಲೇರಿದ ಅಪಕೀರ್ತಿ!

ಇಷ್ಟೇ ಅಲ್ಲದೆ ಅಫಘಾನಿಸ್ತಾನ ಕ್ರಿಕೆಟ್‌ ಮಂಡಳಿಯ ಸಿಇಒ ಅಸಾದುಲ್ಲಾ ಖಾನ್‌, ಭಾರತದಲ್ಲಿ ಡೆಹರಾಡುನ್‌ ಮತ್ತು ಗ್ರೇಟರ್‌ ನೊಯ್ಡಾ ಹೊರತಾಗಿ ಮತ್ತೊಂದು ಕ್ರೀಡಾಂಗಣವನ್ನು ಅಫಘಾನಿಸ್ಥಾನಕ್ಕೆ ಮನೆಯಂಗಣವಾಗಿ ನೀಡುವಂತೆ ಮನವಿ ಮಾಡಿದ್ದಾರೆ. ಈ ವಿಚಾರವಾಗಿ ಬಿಸಿಸಿಐ ಕಿಂಚಿತ್ತೂ ತಕರಾರು ತೆಗೆಯದೆ ಲಖನೌ ಕ್ರೀಡಾಂಗಣವನ್ನು ಅಫಘಾನಿಸ್ಥಾನಕ್ಕೆ ಮೂರನೇ ತವರೂರಾಗಿ ನೀಡುವ ಆಲೋಚನೆಯಲ್ಲಿದೆ.

"ಡೆಹರಾಡುನ್‌ನಲ್ಲಿ ಯಾವುದೇ 5 ಸ್ಟಾರ್‌ ಹೋಟೆಲ್‌ಗಳು ಇಲ್ಲದೇ ಇರುವ ಕಾರಣ ಪಂದ್ಯಗಳನ್ನು ಆಯೋಜಿಸುವುದಕ್ಕೆ ತೊಂದರೆಯಾಗಲಿದೆ. ಹೀಗಾಗಿ ಲಖನೌ ಕ್ರೀಡಾಂಗಣವನ್ನು ನೀಡಿದರೆ ನೆರವಾಗಲಿದೆ,'' ಎಂದು ಖಾನ್‌ ಸುದ್ದಿಗಾರರಿಗೆ ತಿಳಿಸಿದ್ದಾರೆ.

ವಿಶ್ವಕಪ್: ಮಾರ್ಗನ್‌ ಅಬ್ಬರ, ಇಂಗ್ಲೆಂಡ್‌ಗೆ 150 ರನ್‌ಗಳ ಭರ್ಜರಿ ಜಯ

ಇನ್ನು ಚೊಚ್ಚಲ ಆವೃತ್ತಿಯ ಅಫಘಾನಿಸ್ತಾನ ಪ್ರೀಮಿಯರ್‌ ಲೀಗ್‌ ಟಿ20 ಟೂರ್ನಿಯನ್ನು ಕಳೆದ ವರ್ಷ ಅಕ್ಟೋಬರ್‌ 5-21ರವರೆಗೆ ಶಾರ್ಜಾದಲ್ಲಿ ಆಯೋಜಿಸಲಾಗಿತ್ತು. ಇದರಲ್ಲಿ 5 ತಂಡಗಳು ಸ್ಪರ್ಧಿಸಿ ಮೊಹಮ್ಮದ್‌ ನಬಿ ಸಾರಥ್ಯದ ಬಾಲ್ಖ್‌ ಲೆಜಂಡ್ಸ್‌ ತಂಡ ಚಾಂಪಿಯನ್ಸ್‌ ಆಗಿ ಹೊರಹೊಮ್ಮಿತ್ತು.

For Quick Alerts
ALLOW NOTIFICATIONS
For Daily Alerts

ಕ್ರಿಕೆಟನ್ನು ಪ್ರೀತಿಸುತ್ತೀರಾ? ಋಜುವಾತುಪಡಿಸಿ! ಮೈಖೇಲ್ ಫ್ಯಾಂಟಸಿ ಕ್ರಿಕೆಟ್ ಆಟವಾಡಿ

Story first published: Tuesday, June 18, 2019, 23:32 [IST]
Other articles published on Jun 18, 2019
POLLS

myKhel ನಿಂದ ತಾಜಾ ಸುದ್ದಿಗಳನ್ನು ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Mykhel sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Mykhel website. However, you can change your cookie settings at any time. Learn more