ಲಂಡನ್, ಸೆಪ್ಟೆಂಬರ್ 18: ತನ್ನ ಕುಟುಂಬದ 'ರಹಸ್ಯ ದುರಂತ'ವೊಂದರ ವರದಿ ಪ್ರಕಟಿಸಿದ ಇಂಗ್ಲೆಂಡ್ ಪತ್ರಿಕೆಯ ಮೇಲೆ ಇಂಗ್ಲೆಂಡ್ ಆಲ್ ರೌಂಡರ್ ಬೆನ್ ಸ್ಟೋಕ್ಸ್ ಕಿಡಿ ಕಾರಿದ್ದಾರೆ. ಇದು ಕೀಳು ಮಟ್ಟದ ಪತ್ರಿಕೋದ್ಯಮ ಎಂದು ಸ್ಟೋಕ್ಸ್ ತನ್ನ ಅಸಮಾಧಾನ ಹೊರ ಹಾಕಿದ್ದಾರೆ.
ಪಾಕ್ ಕ್ರಿಕೆಟ್ ತಂಡ ಬಲಿಷ್ಠಗೊಳಿಸಲು ಮಹತ್ವದ ನಿರ್ಧಾರ ಕೈಗೊಂಡ ಮಿಸ್ಬಾ!
ಸುಮಾರು 31 ವರ್ಷಗಳ ಹಿಂದಕ್ಕೆ ಹೋಗಿ ನನ್ನ ಕುಟುಂಬದ, ವೈಯಕ್ತಿಕ ವ್ಯಕ್ತಿಗಳ ಸೂಕ್ಷ್ಮ, ಅತ್ಯಂತ ನೋವಿನ ಸಂಗತಿಯೊಂದನ್ನು 'ದ ಸನ್' ಪತ್ರಿಗೆ ವರದಿ ಮಾಡಿದ್ದು ಈ ದಿನ ನನಗೆ ಕಾಣಿಸಿದೆ,' ಎಂದು ಬೆನ್ ಸ್ಟೋಕ್ಸ್ ಹೇಳಿಕೆಯೊಂದರಲ್ಲಿ ಬರೆದಿದ್ದಾರೆ. ಟ್ಯಾಬ್ಲಾಯ್ಡ್ ಮಾದರಿಯ ಪತ್ರಿಕೆ 'ದ ಸನ್' ಸ್ಥಾಪಿಸಲ್ಪಟ್ಟಿದ್ದು 1964ರಲ್ಲಿ ಇಂಗ್ಲೆಂಡ್ನಲ್ಲಿ.
— Ben Stokes (@benstokes38) September 17, 2019
ಪತ್ರಿಕೆ ಪ್ರಕಟಿಸಿರುವ ವರದಿಯಲ್ಲಿ ಬೆನ್ ಸ್ಟೋಕ್ಸ್ ಕುಟುಂಬದಲ್ಲಾದ ರಹಸ್ಯಮಯ ದುರಂತವೊಂದರ ಬಗ್ಗೆ ಹೇಳಲಾಗಿತ್ತು. ಸ್ಟೋಕ್ಸ್ ಹುಟ್ಟುವುದಕ್ಕೂ ಕೆಲ ವರ್ಷಗಳಿಗೆ ಮೊದಲು ಸ್ಟೋಕ್ಸ್ ತಾಯಿಯ ಇಬ್ಬರು ಮಕ್ಕಳನ್ನು ಅವರ ಮಾಜಿ ಪ್ರೇಮಿ ಕೊಂದಿದ್ದಾರೆ. ಈ ಘಟನೆ 1988ರಲ್ಲಿ ನಡೆದಿದೆ ಎಂದು ಆ ವರದಿಯಲ್ಲಿ ಹೇಳಲಾಗಿತ್ತು.
113 ವರ್ಷಗಳ ಹಿಂದಿನ ಕೆಟ್ಟ ದಾಖಲೆ ಮುರಿದ ಆಸ್ಟ್ರೇಲಿಯಾ-ಇಂಗ್ಲೆಂಡ್!
ದ ಸನ್ ಪ್ರಕಟಿಸಿರುವ ವರದಿಯನ್ನು 'ಹೃದಯಹೀನ ಮತ್ತು ಅನೈತಿಕ' ಎಂದು ಜರೆದಿರುವ ಸ್ಟೋಕ್ಸ್, ಈ ವರದಿ ಪ್ರಕಟವಾದ ಬಳಿಕ 'ಈ ಸಹಿಸಲಾರದ ಬೇಸರದ ಸಂಗತಿ'ಯ ಬಗ್ಗೆ ತನ್ನ ಹೆತ್ತವರಲ್ಲಿ ವಿಚಾರಿಸುವುದಕ್ಕಾಗಿ ವರದಿಗಾರರು ನ್ಯೂಜಿಲೆಂಡ್ಗೆ ತೆರಳುತ್ತಿದ್ದಾರೆ ಎಂದು ನೋವು ತೋರಿಕೊಂಡಿದ್ದಾರೆ.
'ಇಂಥಹ ಕೀಳು ಮಟ್ಟದ, ತುಚ್ಛ ಪತ್ರಿಕೋದ್ಯಮವನ್ನು ವಿವರಿಸಲು ನನಗೆ ಪದಗಳನ್ನು ಹುಡುಕಲು ಕಷ್ಟವಾಗುತ್ತಿದೆ. ಆಯಾ ಸಂದರ್ಭಕ್ಕೆ ನನ್ನ ಕುಟುಂಬಕ್ಕೆ ಸಂಬಂಧಿಸಿ ಘಟಿಸಿ ಹೋದ ಘಟನೆಗೆ ಇನ್ನೂ ಹೆಚ್ಚಿನ ಹೃದಯಹೀನ ಅಥವಾ ತಿರಸ್ಕಾರದ ಭಾವನೆ ತಾಳಲು ನನ್ನಿಂದ ಸಾಧ್ಯವಿಲ್ಲ,' ಎಂದು ಸ್ಟೋಕ್ಸ್ ಹೇಳಿದ್ದಾರೆ.