ಭಾರತ ವಿರುದ್ಧದ ಪಂದ್ಯಕ್ಕೆ ಸ್ಟೋಕ್ಸ್ ಸಂದೇಶ
ಜುಲೈ 1ರಿಂದ ಇಂಗ್ಲೆಂಡ್ ವಿರುದ್ಧ ಕಳೆದ ಟೆಸ್ಟ್ ಸರಣಿಯ ಅಂತಿಮ ಪಂದ್ಯ ಆರಂಭವಾಗಲಿದೆ. ಈ ಸರಣಿಗೆ ಈಗ ಇಂಗ್ಲೆಂಡ್ ತಂಡದ ಹೊಂದಿರುವ ವೇಗವನ್ನು ನಿಧಾನಗೊಳಿಸುವ ಯೋಜನೆಯಿಲ್ಲ ಎಂದಿದ್ದಾರೆ ಬೆನ್ ಸ್ಟೋಕ್ಸ್. "ನಾವು ಇಲ್ಲಿಂದ ಇದೇ ಮನಸ್ಥಿತಿಯೊಂದಿಗೆ ಮುಂದಿನ ಸರಣಿಗೂ ಸಿದ್ಧವಾಗಬೇಕಿದೆ ಎಂದು ನಾನು ಈಗಾಗಲೇ ತಂಡಕ್ಕೆ ತಿಳಿಸಿದ್ದೇನೆ. ಯಾವುದೇ ಎದುರಾಳಿಯಾಗಿದ್ದರೂ ನಮ್ಮ ಮನಸ್ಥಿತಿ ಬದಲಾಗಬಾರದು" ಎಂದಿದ್ದಾರೆ ಬೆನ್ ಸ್ಟೋಕ್ಸ್.
ಫಲಿತಾಂಶ ಖುಷಿ ನೀಡಿದೆ
ನಾನು ಜವಾಬ್ಧಾರಿಯನ್ನು ವಹಿಸಿಕೊಂಡಾಗ ಅದರಿಂದ ಬರುವ ಫಲಿತಾಂಶಕ್ಕಿಂತಲೂ ಹೆಚ್ಚಾಗಿ ಟೆಸ್ಟ್ ಕ್ರಿಕೆಟ್ನ ಬಗ್ಗೆ ಮನಸ್ಥಿತಿಯನ್ನು ಬದಲಾಯಿಸುವುದು ಗುರಿಯಾಗಿತ್ತು. ಆನಂದಿಸುತ್ತಾ ಅನುಭವಿಸುತ್ತಾ ದೇಶವನ್ನು ಪ್ರತಿನಿಧಿಸುವುದು ಮುಖ್ಯ ಎಂದು ಭಾವಿಸಿದ್ದೇನೆ. ಹಾಗಾದಲ್ಲಿ ಫಲಿತಾಂಶ ಅದಾಗಿಯೇ ಬರುತ್ತದೆ. ಇದನ್ನು ನಾವು ಇಷ್ಟು ಶೀಘ್ರವಾಗಿ ಮಾಡಲು ಸಾಧ್ಯವಾಗಿದ್ದು ನಂಬಲು ಸಾಧ್ಯವಾಗುತ್ತಿಲ್ಲ" ಎಂದಿದ್ದಾರೆ ಬೆನ್ ಸ್ಟೋಕ್ಸ್.
ವೈಟ್ವಾಶ್ ಮೂಲಕ ಸರಣಿ ಇಂಗ್ಲೆಂಡ್ ವಶಕ್ಕೆ
ನ್ಯೂಜಿಲೆಂಡ್ ಹಾಗೂ ಇಂಗ್ಲೆಂಡ್ ನಡುವಿನ ಟೆಸ್ಟ್ ಸರಣಿಯ ಅಂತಿಮ ಪಂದ್ಯದಲ್ಲಿಯೂ ಇಂಗ್ಲೆಂಡ್ ತಂಡ ಭರ್ಜರಿ ಗೆಲುವು ಸಾಧಿಸಿದೆ. ಈ ಗೆಲುವಿನೊಂದಿಗೆ ಇಂಗ್ಲೆಂಡ್ ತಂಡ ಸರಣಿಯ ಮೂರು ಪಂದ್ಯದಲ್ಲಿಯೂ ಗೆಲುವು ಸಾಧಿಸಿದ್ದು ವೈಟ್ವಾಶ್ ಮೂಲಕ ವಶಕ್ಕೆ ಪಡೆದಿದೆ.