ಡ್ರೆಸ್ಸಿಂಗ್ ರೂಮ್ವರೆಗೂ ಬಂದಿದ್ದೆವು
'ಸೂಪರ್ ಓವರ್ ವೇಳೆ 27,000 ಬೆಂಬಲಿಗರು, ದೂರದರ್ಶನ ಕೆಮರಾಗಳ ಕಣ್ಣುಗಳು ಮೈದಾನದಲ್ಲಿದ್ದ ಆಟಗಾರರನ್ನೇ ಬೆನ್ನಟ್ಟುತ್ತಿದ್ದವು. ಸೂಪರ್ ಓವರ್ ನಡುವಿನ ಆ ಸಣ್ಣ ಬಿಡುವಿನಲ್ಲಿ ನಾವು ಇಂಗ್ಲೆಂಡ್ ಆಟಗಾರರ ಬೆನ್ನು ಹಿಡಿದು ಡ್ರೆಸ್ಸಿಂಗ್ ರೂಮ್ವರೆಗೂ ಬಂದಿದ್ದೆವು,' ಎಂದು ನಿಕ್ ಹೌಲ್ಟ್ ಮತ್ತು ಸ್ಟೀವ್ ಜೇಮ್ಸ್ ತಮ್ಮ ಪುಸ್ತಕದಲ್ಲಿ ವಿಶ್ವಕಪ್ ಕ್ಷಣವನ್ನು ಸ್ಮರಿಸಿಕೊಂಡಿದ್ದಾರೆ.
ಎಲ್ಲರಲ್ಲೂ ನರ್ವಸ್ನೆಸ್ ತುಂಬಿತ್ತು
'ಬೆನ್ ಸ್ಟೋಕ್ಸ್ ಲಾರ್ಡ್ಸ್ ಮೈದಾನದಲ್ಲಿ ಸಾಕಷ್ಟುಬಾರಿ ಆಡಿದ್ದರು. ಅವರಿಗೆ ಸ್ಟೇಡಿಯಂನ ಮೂಲೆ ಮೂಲೆಯೂ ಗೊತ್ತು. ಅಲ್ಲಿ ಏನೆಲ್ಲಾ ಹುಚ್ಚಾಟ ಮಾಡಬಹುದು ಅನ್ನೋದೂ ಗೊತ್ತು. ಇತ್ತ ನಾಯಕ ಇಯಾನ್ ಮಾರ್ಗನ್ ನರ್ವಸ್ನೆಸ್ ಕಡಿಮೆ ಮಾಡಿಕೊಳ್ಳಲು ಯತ್ನಿಸುತ್ತಿದ್ದರು. ಆಗ ಬೆನ್ ಸ್ಟೋಕ್ಸ್ ಒಂದು ಕ್ಷಣದ ಶಾಂತತೆಗೆ ಮುಂದಾದದರು,' ಎಂದು ಪುಸ್ತಕದಲ್ಲಿ ಬರೆಯಲಾಗಿದೆ.
ಸಿಗರೇಟ್ ಸುಟ್ಟ ಸ್ಟೋಕ್ಸ್
'ಆ ಹೊತ್ತಿನಲ್ಲಿ ಬೆನ್ ಸ್ಟೋಕ್ಸ್ ಕೊಳೆ ಮತ್ತು ಬೆವರಿನಿಂದ ತುಂಬಿದ್ದರು. ಅವರು ಸುಮಾರು 2 ಗಂಟೆ 27 ನಿಮಿಗಳ ಕಾಲ ತೀವ್ರ ಟೆನ್ಶನ್ನ ವಿರುದ್ಧ ಹೋರಾಡುತ್ತಿದ್ದರು. ಹಾಗಾದರೆ ಆ ಟೆನ್ಶನ್ನಿಂದ ಹೊರ ಬರಲು ಅವರು ಏನು ಮಾಡಿರಬಹುದು? ಸ್ಟೋಕ್ಸ್, ಇಂಗ್ಲೆಂಡ್ ಡ್ರೆಸ್ಸಿಂಗ್ ರೂಮ್ನ ಹಿಂಭಾಗಕ್ಕೆ ಹೋದರು. ಬಾತ್ರೂಮ್ನತ್ತ ನಡೆದರು. ಅಲ್ಲಿ ಸಿಗರೇಟು ಹತ್ತಿಸಿ ಕೆಲ ನಿಮಿಷ ತನ್ನದೇ ಕ್ಷಣ ಕಳೆದರು,' ಎಂದು ನಿಕ್ ಹೌಲ್ಟ್ ಮತ್ತು ಸ್ಟೀವ್ ಜೇಮ್ಸ್ ವಿವರಿಸಿದ್ದಾರೆ.
ಸೂಪರ್ ಓವರ್ ಕೂಡ ಸಮಬಲ!
ಆವತ್ತಿನ ಪಂದ್ಯದಲ್ಲಿ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡಿದ್ದ ನ್ಯೂಜಿಲೆಂಡ್ ತಂಡ, ಹೆನ್ರಿ ನಿಕೋಲ್ಸ್ 55, ನಾಯಕ ಕೇನ್ ವಿಲಿಯಮ್ಸನ್ 30, ಟಾಮ್ ಲ್ಯಾಥಮ್ 47 ರನ್ನೊಂದಿಗೆ 50 ಓವರ್ಗೆ 8 ವಿಕೆಟ್ ಕಳೆದು 241 ರನ್ ಗಳಿಸಿತ್ತು. ಗುರಿ ಬೆನ್ನಟ್ಟಿದ ಇಂಗ್ಲೆಂಡ್, ಜಾನಿ ಬೇರ್ಸ್ಟೋವ್ 36, ಬೆನ್ ಸ್ಟೋಕ್ಸ್ ಅಜೇಯ 84, ಜೋಸ್ ಬಟ್ಲರ್ 59, ಜೇಸನ್ ರಾಯ್ 17 ರನ್ನೊಂದಿಗೆ 50 ಓವರ್ ಮುಕ್ತಾಯಕ್ಕೆ ಎಲ್ಲಾ ವಿಕೆಟ್ ಕಳೆದು 241 ರನ್ ಬಾರಿಸಿ ಪಂದ್ಯವನ್ನು ಟೈ ಮಾಡಿಕೊಂಡಿತ್ತು. ಸೂಪರ್ ಓವರ್ನಲ್ಲೂ ಎರಡೂ ತಂಡಗಳು 16 ರನ್ ಗಳಿಸಿ ಸಮಬಲ ಸಾಧಿಸಿದ್ದವು. ಮತ್ತೆ ಬೌಂಡರಿ ಕೌಂಟ್ (ಸಿಕ್ಸ್/ಫೋರ್) ಆಧಾರದಲ್ಲಿ ಇಂಗ್ಲೆಂಡ್ (26) ಜಯ ಸಾಧಿಸಿತ್ತು. ನ್ಯೂಜಿಲೆಂಡ್ 17 ಬೌಂಡರಿಗಳನ್ನು ಬಾರಿಸಿತ್ತು.