ಸಿಡ್ನಿ, ಜನವರಿ 12: ಭಾರತದ ವೇಗಿ ಭುವನೇಶ್ವರ್ ಕುಮಾರ್ ಅವರು ಏಕದಿನ ಕ್ರಿಕೆಟ್ನಲ್ಲಿ 100 ವಿಕೆಟ್ ಪಡೆದ ಭಾರತದ 12ನೇ ಆಟಗಾರನಾಗಿ ಗುರುತಿಸಿಕೊಂಡಿದ್ದಾರೆ. ಸಿಡ್ನಿ ಕ್ರಿಕೆಟ್ ಗ್ರೌಂಡ್ನಲ್ಲಿ ಶನಿವಾರ (ಜನವರಿ 12) ನಡೆದ ಆಸ್ಟ್ರೇಲಿಯಾ ಭಾರತ ಮೊದಲ ಏಕದಿನ ಪಂದ್ಯದಲ್ಲಿ ಭುವಿ ಈ ಸಾಧನೆ ಮೆರೆದರು.
ಸಿಡ್ನಿ, ಏಕದಿನ Live Score: ಆಸ್ಟ್ರೇಲಿಯಾಕ್ಕೆ ಆಘಾತ, ಎರಡು ವಿಕೆಟ್ ಪತನ!
ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಆಸ್ಟ್ರೇಲಿಯಾ ತಂಡ, ನಾಯಕ ಆ್ಯರನ್ ಫಿಂಚ್ ಅವರ ವಿಕೆಟನ್ನು ಬಹುಬೇಗನೆ ಕಳೆದುಕೊಂಡಿತು. ಭುವಿ, ಫಿಂಚ್ ಅವರನ್ನು ಕೇವಲ 6 ರನ್ನಿಗೆ ಪೆವಿಲಿಯನ್ಗೆ ಅಟ್ಟುವ ಮೂಲಕ ಏಕದಿನದಲ್ಲಿ 100ನೇ ವಿಕೆಟ್ ಮೈಲಿಗಲ್ಲು ಸ್ಥಾಪಿಸಿದರು.
Bhuvneshwar Kumar becomes the 19th Indian bowler to take 100 ODI wickets #AUSvIND 🇮🇳 pic.twitter.com/KqR5u1g2Iu
— Fox Sports Lab (@FoxSportsLab) January 12, 2019
28ರ ಹರೆಯದ ಭುವನೇಶ್ವರ್ ಒಟ್ಟು 96 ಪಂದ್ಯಗಳಲ್ಲಿ 37.88ರ ಸರಾಸರಿಯಂತೆ 100 ವಿಕೆಟ್ ಪಡೆದಿದ್ದಾರೆ. ಸರಾಸರಿ ಅಷ್ಟೇನೂ ಉತ್ತಮವಿಲ್ಲದಿದ್ದರೂ ಭುವಿ ಭಾರತದ ಭರವಸೆಯ ಬೌಲರ್ ಎನ್ನುವಲ್ಲಿ ಎರಡು ಮಾತಿಲ್ಲ. ಮೂರು ಪಂದ್ಯಗಳ ಭಾರತ-ಆಸೀಸ್ ಏಕದಿನ ಸರಣಿಯಲ್ಲಿ ಭುವಿ ಇನ್ನಷ್ಟು ವಿಕೆಟ್ ಗಳಿಸುವ ನಿರೀಕ್ಷೆಯಿದೆ.