ಮೀರತ್ನಲ್ಲಿ ಕ್ರಿಕೆಟ್ ಅಕಾಡೆಮಿ
ಗೇನ್ ಆ್ಯಕ್ಸೆಸ್ ಸ್ಪೋರ್ಟ್ಸ್ ಆ್ಯಂಡ್ ಎಂಟರ್ಟೇನ್ಮೆಂಟ್ ಮತ್ತು ಸ್ಪೋರ್ಟ್ಸ್ ಪವರ್ ಆಯೋಜಿಸಿದ್ದ ವೆಬಿನಾರ್ನಲ್ಲಿ ಪಾಲ್ಗೊಂಡಿದ್ದ ಭುವಿ, 'ಮೀರತ್ನಲ್ಲಿ ಒಂದು ಕ್ರಿಕೆಟ್ ಅಕಾಡೆಮಿ ಸ್ಥಾಪಿಸಲು ನಾನು ಬಯಸಿದ್ದೇನೆ. ಯಾಕೆಂದರೆ ಮೀರತ್ ನನಗೆ ಬಹಳಷ್ಟು ಕೊಟ್ಟಿದೆ,' ಎಂದರು.
ಬಯೋಪಿಕ್ ಬಗ್ಗೆ ಮಾತು
ಮೀರತ್ನಲ್ಲಿ ಕ್ರಿಕೆಟ್ ಅಕಾಡೆಮಿ ಸ್ಥಾಪಿಸುವ ಇಂಗಿತ ವ್ಯಕ್ತಪಡಿಸಿದ ಭುವಿ, ತನ್ನ ಬಯೋಪಿಕ್ ಬಗ್ಗೆಯೂ ಮಾತನಾಡಿದರು. ತನ್ನ ಬಯೋಪಿಕ್ ಏನಾದರೂ ಬರುವುದಿದ್ದರೆ, ನನ್ನ ಪಾತ್ರವನ್ನು ಬಾಲಿವುಡ್ ನಟ ರಾಜ್ಕುಮಾರ್ ರಾವ್ ನಿರ್ವಹಿಸಲು ಬಯಸುತ್ತೇನೆ ಎಂದು ಭುವನೇಶ್ವರ್ ಹೇಳಿಕೊಂಡಿದ್ದಾರೆ.
ರಾಜ್ಕುಮಾರ್ ನಟಿಸಲಿ
'ದೈಹಿಕ ನೋಟದ ವಿಚಾರದಲ್ಲಿ ನಟ ರಾಜ್ಕುಮಾರ್ ರಾವ್ ನನಗೆ ಸಾಕಷ್ಟು ಹೋಲಿಕೆಯಾಗುತ್ತಾರೆ ಎಂದು ಒಮ್ಮೆ ಯಾರೋ ಒಬ್ಬರು ನನಗೆ ಸಲಹೆ ನೀಡಿದರು. ಹೀಗಾಗಿ ನನ್ನ ಬಯೋಪಿಕ್ ಬರುವುದಾರೆ ರಾಜ್ಕುಮಾರ್ ರಾವ್ ಅವರೇ ನನ್ನ ಪಾತ್ರ ನಿರ್ವಹಿಸಲು ಬಯಸುತ್ತೇನೆ,' ಎಂದು ಭುವಿ ಹೇಳಿದ್ದಾರೆ.
ಹಲವಾರು ಪ್ರಶಸ್ತಿ ಗೆದ್ದಿರುವ ರಾಜ್ಕುಮಾರ್
ಹರ್ಯಾಣ ರಾಜ್ಯದ ಗುರುಗ್ರಾಮದವರಾದ ರಾಜ್ಕುಮಾರ್ ರಾವ್ ಅವರಿಗೀಗ 31 ಹರೆಯ. ಹಲವಾರು ಬಾಲಿವುಡ್ ಚಿತ್ರಗಳಲ್ಲಿ ನಟಿಸಿದ್ದಾರೆ. ವಿಭಿನ್ನ ಪಾತ್ರಗಳಿಗಾಗಿ ರಾಜ್ಕುಮಾರ್ ಅವರು ನ್ಯಾಷನಲ್ ಫಿಲ್ಮ್ ಅವಾರ್ಡ್, ಮೂರು ಬಾರಿ ಫೀಲ್ಮ್ ಫೇರ್ ಅವಾರ್ಡ್, ಏಷ್ಯಾ ಪೆಸಿಪಿಕ್ ಸ್ಕ್ರೀನ್ ಅವಾರ್ಡ್ ಹೀಗೆ ಸಾಕಷ್ಟು ಪ್ರಶಸ್ತಿಗಳನ್ನು ಗೆದ್ದಿದ್ದಾರೆ.