ವಿರಾಜಪೇಟೆ, ಜನವರಿ 21: ಬಿಗ್ಬಾಸ್ ಸೀಸನ್ 4ರಲ್ಲಿ ಸ್ಪರ್ಧಿಸಿದ್ದ ಕ್ರಿಕೆಟಿಗ, ಭಾರತ ಅಂಡರ್-23 ತಂಡದ ಕೋಚ್ ಎನ್ಸಿ ಐಯ್ಯಪ್ಪ ಅವರು ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದಾರೆ. ಸ್ಯಾಂಡಲ್ವುಡ್ ನಟಿ ಅನು ಪೂವಮ್ಮ ಜೊತೆ ಸೋಮವಾರ (ಜಜವರಿ 21) ಅಯ್ಯಪ್ಪ ವಿವಾಹ ನೆರವೇರಿತು.
ಕೋಚ್ ಎನ್ ಸಿ ಅಯ್ಯಪ್ಪ ನಟಿ ಅನು ಮದುವೆ ದಿನಾಂಕ ನಿಗದಿ
ಕೊಡಗು ಜಿಲ್ಲೆಯ ವಿರಾಜಪೇಟೆಯಲ್ಲಿ ಕೊಡವ ಸಂಪ್ರದಾಯದಂತೆ ಅಯ್ಯಪ್ಪ-ಅನು ಮದುವೆ ಸಂಭ್ರಮ ಜರಗಿತು. ಕಾರ್ಯಕ್ರಮದಲ್ಲಿ ಎರಡೂ ಕುಟುಂಬದ ಸದಸ್ಯರು ಪಾಲ್ಗೊಂಡು ನವ ಜೋಡಿಯನ್ನು ಹರಸಿದರು. ಕಳೆದ ವರ್ಷ ಅಯ್ಯಪ್ಪ ಮತ್ತು ಅನು ಅವರ ನಿಶ್ಚಿತಾರ್ಥ ಬೆಂಗಳೂರಿನಲ್ಲಿ ನಡೆದಿತ್ತು.
ಕರ್ವ ಖ್ಯಾತಿಯ ಅನು ಪೂವಮ್ಮ ಜತೆ ಕ್ರಿಕೆಟರ್ ಅಯ್ಯಪ್ಪ ಮದುವೆ https://t.co/iC1W2wnZLs #ncaiyappa #anupoovamma
— Oneindia Kannada (@OneindiaKannada) December 9, 2018
ಅಯ್ಯಪ್ಪ ಅವರ ಸಹೋದರಿಯಾಗಿರುವ ನಟಿ ಪ್ರೇಮಾ ಕೂಡ ತಮ್ಮನ ಸಂತಸದ ಕ್ಷಣಗಳಲ್ಲಿ ಭಾಗಿಯಾಗಿದ್ದರು. ಅಂದ್ಹಾಗೆ, ಕೊಡಗಿನ ಕುವರಿ ಅನು ಅವರು ಸ್ಯಾಂಡಲ್ವುಡ್ನ ಕರ್ವ, ಕಥಾ ವಿಚಿತ್ರ, ಲೈಫ್ ಸೂಪರ್, ಪಾನಿಪೂರಿ ಚಿತ್ರಗಳಲ್ಲಿ ಅಭಿನಯಿಸಿದ್ದರು.