ಲಂಡನ್, ಜು. 4: ಇಂಗ್ಲೆಂಡ್ ಪ್ರವಾಸದಲ್ಲಿರುವ ಭಾರತ ಇಂಗ್ಲೆಂಡ್ ವಿರುದ್ಧ ಓಲ್ಡ್ ಟ್ರಾಫರ್ಡ್ ನಲ್ಲಿ ನಡೆದ ಮೂರು ಪಂದ್ಯಗಳ ಟಿ20 ಸರಣಿಯ ಮೊದಲ ಪಂದ್ಯದಲ್ಲಿ 8 ವಿಕೆಟ್ ಭರ್ಜರಿ ಗೆಲುವು ಸಾಧಿಸಿದೆ. ಕೆಎಲ್ ರಾಹುಲ್ ಆಕರ್ಷಕ ಶತಕ (101) ಮತ್ತು ಕುಲ್ ದೀಪ್ ಯಾದವ್ ಭರ್ಜರಿ ಬೌಲಿಂಗ್ ನೆರವಿನಿಂದ ಭಾರತ, ಇಂಗ್ಲೆಂಡ್ ನೀಡಿದ್ದ 160 ರನ್ ಗುರಿಯನ್ನು 18.2 ಓವರ್ ಗಳಲ್ಲೇ (163ರನ್) ತಲುಪಿ ವಿಜಯದ ನಗು ಬೀರಿತು.
ಟಾಸ್ ಸೋಲು ಬ್ಯಾಟಿಂಗ್ ಗೆ ಇಳಿಸಲ್ಪಟ್ಟ ಇಂಗ್ಲೆಂಡ್ 20 ಓವರ್ ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 159 ರನ್ ಪೇರಿಸಿ ಭಾರತಕ್ಕೆ 160ರ ಸಾಧಾರಣ ರನ್ ಗುರಿ ನೀಡಿತ್ತು. ಇಂಗ್ಲೆಂಡ್ ಪರ ಜೇಸನ್ ರಾಯ್ 30 (20), ಜೋಸ್ ಬಟ್ಲರ್ 69 (46), ಡೇವಿಡ್ ವಿಲ್ಲೆ ಅಜೇಯ 29 (15) ರನ್ ಬಾರಿಸಿ ತಂಡಕ್ಕೆ ತಕ್ಕಮಟ್ಟಿನ ರನ್ ಕೊಡುಗೆ ನೀಡಿದರು.
What a performance from KL Rahul! His unbeaten 101 guides India home after a spectacular bowling display from Kuldeep Yadav, who recorded figures of 5/24. Great performance from the tourists, and we look forward to the next T20i on Friday in Cardiff !🔥 #ENGvIND pic.twitter.com/SC2dWjNR5N
— ICC (@ICC) July 3, 2018
ಈ ಮೂವರನ್ನು ಬಿಟ್ಟರೆ ಇಂಗ್ಲೆಂಡ್ ನ ಮತ್ತೆಲ್ಲರೂ 10ರೊಳಗಿನ ರನ್ನಿಗೆ ಪೆವಿಲಿಯನ್ ದಾರಿ ಹಿಯುವ ಮೂಲಕ ಕಳಪೆ ಬ್ಯಾಟಿಂಗ್ ಗೆ ಸಾಕ್ಷಿಯಾದರು. ಅದರಲ್ಲೂ ಜಾನಿ ಬೈರ್ಸ್ಟೊ, ಕ್ರಿಸ್ ಜೊರ್ಡಾನ್ ಮತ್ತು ಜಾಯ್ ರೂಟ್ ಸೊನ್ನೆ ಸುತ್ತಿದರು.
ಚೇಸಿಂಗ್ ಗೆ ಇಳಿದ ಭಾರತ ಪರ ಶಿಖರ್ ಧವನ್ 4 (4), ರೋಹಿತ್ ಶರ್ಮಾ 32 (30) ರನ್ ಪೇರಿಸಿ ಬೇಗನೆ ಔಟಾದರು. ಆದರೆ ಅನಂತರ ಬ್ಯಾಟ್ ಎತ್ತಿಕೊಂಡ ರಾಹುಲ್ ಬ್ಯಾಟಿಂಗ್ ಅಬ್ಬರ ನಡೆಸಿದರು. 54 ಎಸೆತಗಳನ್ನು ಎದುರಿಸಿದ ರಾಹುಲ್ ಭರ್ಜರಿ 101ರನ್ ಕೊಡುಗೆಯಿತ್ತು ಅಜೇಯರಾಗಿ ಉಳಿದರು. ಕೊಹ್ಲಿಯೂ ಅಜೇಯ 20 (22) ರನ್ ಸೇರಿಸಿದರು.
BREAKING: India have beaten @englandcricket by eight wickets in the first T20 international #ssn pic.twitter.com/iYaAXhtzaU
— Sky Sports News (@SkySportsNews) July 3, 2018
ಇಂಗ್ಲೆಂಡ್ ಇನ್ನಿಂಗ್ಸ್ ವೇಳೆ ಬೌಲಿಂಗ್ ನಲ್ಲಿ ಕುಲ್ ದೀಪ್ ಯಾದವ್ ಮಿಂಚಿದರು. ಬರೀ 24 ರನ್ ನೀಡಿದ ಯಾದವ್ ಬರೋಬ್ಬರಿ 5 ವಿಕೆಟ್ ಕಬಳಿಸಿ ಎದುರಾಳಿಯನ್ನು ಕಾಡಿದರು. ಅದ್ಭುತ ಬೌಲಿಂಗ್ ಗಾಗಿ ಕುಲ್ ದೀಪ್ ಪಂದ್ಯಶ್ರೇಷ್ಠ ಪ್ರಶಸ್ತಿ ತನ್ನದಾಗಿಸಿಕೊಂಡರು.